Kagame we, nakwemeye! Nari narateze ariko sinarinzi ko bizihuta aka kageni. Ejobundi numvise Abafaransa bajugunye urubanza rwa Bisesero muri “poubelle”, ndibaza nti ariko wa mwaku wawe ugezehe?! Naho kumbe, wabicikishije muri France. Ubushize Sarkozy yari azi neza ko agomba kugukanda kandi na France ubwayo ikikona, yanga kumva ahitamo kugucudika. Ariwe ari wowe mwese mwacyuye umunyu. Ngiye kubona mbona Sarkozy yagarutse mu Rwanda muri business, nuko ndavuga nti hari mo ikintu kitagenda ariko mba ndetse kuvuga. Nawe jya ubigenza utyo, jya wihutira kumva utinde kuvuga.
Kubw’amahirwe rero mbona Imana impaye umwami ngomba kukwaka, kandi n’abasesero aho iwawe ntuboroheye, wabacoce winiguye. Abo rero si n’abasesero boroheje, ni abo mu miryango ifite imbaraga z’umwuka uruta uwawe! Noneho ongeraho ubugome bwawe karemano, n’uriya mwaku wawe, umuntu yaguhera igikombe ntihagire uhigima!!! Bizi mushuti wawe Ali Bongo n’abanyarwanda bose bugarijwe n’akazanzagire ubateye. Ntabwo amaraso y’abacu azahera, uwayamennye wese aba umututsi, aba umuhutu cg umunyamahanga, azishyura inabi mwatugiriye.
Akazanzagire, ni ijambo Imana yampaye muri 1999, risobanura umuruho uteje igihugu. Wibuke ko nahise ngupangira, Bizimungu ajyana na Meshaki we, ngo wari yaraje kumufasha kunga abanyarwanda, avaho nawe ubona uko ujyaho ngo ukore ibyo ugomba.
Tugarutse ku byo twavugaga, iyo uza kuba uri umuntu mwiza, uba warakoze neza twese tukabibona mo urwunguko. Rwema Gendarme, yagombaga guhita agera iwe ukimara kubyumva, ariko warinangiye. Nta nshiti ubwo nawe uzarushaho kubona gukiranuka kw’Imana. Ntitwaza igitugu nkawe, igihe cyose iguha amahitamo. Yego biba bikugoye kumvira ibyo “Sankara” agutegetse, nanjye ndi mu mwanya wawe nabyibazaho, ariko nyine wihangane ngo “ntawurya akatamugoye!”
Iriya ntambara yawe n’Abasesero nigeze kubikubwiraho ko Dianne azaguta mu biti. Ibyo nabyo turabigarukaho.
Tugarutse kuri gahunda yo muri France, wabonye ko yaciye mo by’intangarugero. N’abiyise intore hano kuri facebook bariyamiriye bati Ubufaransa twabuyoboye. Nti nanjye ifarashi zanjye 2 zagezeyo ( ibuka Trojan horse)!
Ninde muntu wari gutekereza ko Louise Mushikiwabo na Aimable Bayingana bagenda muri gahunda yanjye? Ubusabusa buruta ubusa. Izi farashi zanjye 2, n’izo muri bwa bwoko wagambaniye. N’uwabita ibigoryi, yabyita ibyacu. Uko biri kose mu mbaraga z’umwuka barakuruta.
Kanura amaso rero urebe uko zikinwa, ubu twagiye. Nawe kandi wabaye indashyikirwa ku mwaku no mu gasuzuguro. Ntuzi ko “usuzugura umusumba apfana ubworo?” Sha narateze ahantu hose, ningira n’aho nibagiwe nkibuka nzahatega. Jya wibuka kdi ko mu kirere ariho ibirindiro byacu bikomeye biri, kubona uguruka ukagaruka ntukibwire ko ntawe ukureba! Umva ko Dodo yari yarigize umuhanga muri sigingi(sieging), nawe umubwire uti ubu nawe urimo, uri mu bagoswe, ubu nawe nukumanika amaboko cg kakakubaho. Wabonye kurwanisha umwami icyaricyo?
Reka tujye ku basesero ngo mufitanye urubanza ejobondi. Warinangiye ukunja ubujigo ngo nibabambwe. Ibuka ko ari wowe ari na Diane naberetse urugabano rwanyu mutagomba kurenga, Diane yasitaye ho gato akubita umwaka muri mabuso. Umwana ufite umwuka nk’uriya kweri akarasa k’ubwami, akavuga nabi urubuto! Byarambabaje ariko nukwemera urwaje. Wowe narakubwiye ko kumufunga utazabishobora, n’uriya mwaka yamazemo siwowe wamufunze, wowe uri igikoresho. kandi wibuke ko nakubwiye icyo gihe ko kumwica bisa no kumanura indege ya Kinani ariko byo nta rwunguko wabikuramo. Rero wirinde. Na Diane yirinde mu mvugo kdi akomeze arwane kigabo.
Hari umuvugo mvuga mo aba nya Kenya uzagende uwumve bizagufasha, nta mpyisi ntasera igikoma, cyeretse iyabyaye ntahari.
Harya ujya wibuka nkubwira ko icyo usigaranye ari akana kamwe mutwana twawe? Nkagusobanurira ko ari urubyiruko?
Nkakubwira ko na Diane ari urubyiruko? Wowe nakubwiye iby’urubyiruko wihutira kubareshya ubabeshyabeshya, noneho numvise ko weruye ngo wabahaye uburenganzira busesuye bwo gusambana. Wirengagiza ko bose wabatoje kumasha wibwira ko uri kwiyubaka, ukica ababyeyi ukibagirwa ko basiga abana. Na bariya bana bawe bakuru bapfuye aribyo byegera byawe byari bikubatse wagiye utoteza ugafunga ukica ukirukana, bose bafite abana, urubyiruko. Ntabwo abana bapfana na ba se. Ujye wibuka ko navuze nti Impfubyi zanyu Tuzazirera. Icyaha ni gatozi kanyagwe! Harya uribuka ko byavuye kwitegeko naguhaye ukanga kuryumvira?
Rero singenzwa n’ubusa, narinje kukwibutsa dore ko nta gishya nkubwiye, ngo uruhare rwawe rube mu bwenge. Uhitemo iburyo cyangwa ibumoso, imbere cg inyuma, icyo wakora cyose ngifite mo inyungu. Nawe nukora neza uraba wigabanyirije iminsi mibi, kuko ingwe itahindura ubugondo bwayo.
Nshoje ngusobanurira cg n’undi wese usoma, ko iyo mvuze ngo narateze, ntabwo ari za mine nka ziriya mujya mutega abaturage, ahubwo mba mvuga ubwenge bw’Imana, sindi ukuboko kwikoresha. Akandi nashakaga kuvugaho nsoza ni kariya gakoryo ka Nkurunziza, ntuhubuke kdi n’abahungu naguteranijeho ubushize nabo bayakanure, bitonde neza Nkurunziza arabaha inzira. Wagirango ni wowe wamwibyariye! Murasigiye mu bwenge.
THOMAS SANKARA·WEDNESDAY, DECEMBER 5, 2018
