Minisiteri y’Ububanyi n’amahanga ni minisiteri yita ku buryo igihugu kibanye n’ibindi bihugu. Iyi minisiteri iri muri imwe muri minisiteri zigoye kuyobora muri iki gihe ibihugu bishyamiranye ari byinshi ikaba ari imwe mu mpamvu zatumye minisiteri y’ububanyi n’amahanga y’u Rwanda imaze kugira urutonde rutari ruto rw’abayiyoboye. N’imwe muri minisiteri ebyiri ziyobowe n’abaminisitiri benshi, ikaba ikurikira iy’Uburezi iza ku mwanya wa mbere mu kuyoborwa n’abaminisitiri benshi mu Rwanda.
Kuva mu mwaka w’1961 kugera mu mwaka w’2019 MINAFFET imaze gusimburanya abaminisitiri inshuro 22.
Tugiye kurebera hamwe urwo RUTONDE RWA BA MINISITIRI B’UBUBANYI N’AMAHANGA BOSE U RWANDA RWAGIZE. Kuri urwo rutonde turahasanga:
1- Otto Rusingizandekwe
Wayoboye iyo minisiteri guhera mu mwaka w’1961—1962: Niwe washinze Hotel Muhabura.
2- Amb. Callixte Habamenshi
Wayoboye iyo minisiteri guhera mu mwaka w’1962—1963: Ni Se wa Dr Patrick Habamenshi (na Leon Imanzi). Niwe Munyarwanda wa mbere wakiriwe na Perezida wa USA, John F. Kennedy, hari mu mwaka w’1962
3- Amb. Lazare Mpakaniye
Wayoboye iyo minisiteri guhera mu mwaka w’1963—1965: Yabaye na Minisitiri w’Umutekano n’Uburezi (Interieur et Education).
4- Thadde Bagaragaza,
Wayiyoboye guhera mu mwaka w’1965—1969
5- Dr. Sylvestre Nsanzimana
Yayoboye minisiteri y’ububanyi n’amahanga guhera mu mwaka w’1969—1971: Yanabaye Rector wa UNR, yabaye Minisitiri w’Intebe, yabaye Umunyamabanga Mukuru wungirije, wa African Union ikiri OUA.
6- Deogratias Gashonga:
We yayoboye iyo minisiteri y’ububanyi n’amahanga guhera mu mwaka w’1971—1972
7- Augustin Munyaneza
Wayoboye iyo minisiteri guhera mu mwaka w’1972—1973
8- Col. Aloys Nsekalije
Wayoboye iyo minisiteri guhera mu mwaka w’1973—1979: Akaba umwe mu bakoze kudeta yo ku taliki ya 05/07/1973
9- Francois Ngarukiyintwali
Wayoboye iyo minisiteri guhera mu mwaka w’1979—1989:
10- Dr Casimir Bizimungu
Wayoboye iyo minisiteri guhera mu mwaka w’1989—1992:
11- Boniface Ngulinzira
Wayoboye iyo minisiteri guhera mu mwaka w’1992—1993:
12- Dr Anastase Gasana
Wayoboye iyo minisiteri guhera mu mwaka w’1993—1994:
13- Jerome Bicamumpaka
Wayoboye iyo minisiteri guhera mu mwaka w’1994
14- Dr Jean Marie Ndagijimana:
Wayoboye iyo minisiteri guhera tariki ya 19 Nyakanga 1994 — Ugushyingo 1994. Yahungiye muri Amerika.
15- Amb. Dr Anastase Gasana
Wayoboye iyo minisiteri guhera mu mwaka w’1993-1994. Nyuma ya Jenoside yabaye ambasaderi w’u Rwanda mu kwezi kwa Nyakanga kugeza mu Ugushyingo 1994, yongera kuyobora MINAFFET kuva mu Ugushyingo 1994 — kugeza Gashyantare 1999
16- Amb. Amri Sued
Yayiyoboye amezi make muri 1999, asimburwa ari mu butumwa bw’akazi mu Misiri. yapfuye tariki ya 05/10/2017
17- Al Hajj Andre Habib Bumaya
Wayoboye iyo minisiteri guhera mu mwaka w’2000-2002
18- Amb. Dr Charles Muligande
Wayoboye iyo minisiteri guhera ku taliki ya 15/11/2002 — 08/03/2008
19- Dr. Iyamuremye Augustin
Wayoboye iyo minisiteri guhera mu mwaka w’1999-2000
20- Rosemary Museminali
Wayoboye iyo minisiteri guhera ku taliki ya 08 Werurwe 2008 — 04/12/2009
21- Louise Mushikiwabo
Wayoboye iyo minisiteri guhera kuva taliki ya 04 Ukuboza 2009 kugeza- ku tariki ya 18 Ukwakira 2018
22- Dr. Richard SEZIBERA
Wayoboye iyo minisiteri guhera kuva taliki ya 18/10/2018 ageza tariki ya 04 Ugushyingo 2019
23- Dr. Vincent Biruta
Yayoboye minisiteri y’ububanyi n’amahanga kuva ku taliki ya 04/11/2019 kugeza ubu.
AMu gusoza rero navuga ko iyi minisiteri iri imwe muri minisiteri zitoroshye kuyobora kuko bisaba ubwitonzi n’ubushishozi budasanzwe mu miyoborere yayo.
Abo ba minisitiri bose hamwe ni 22 aho kuba 23 nkuko urutonde rubyerekana kuko Amb. Dr. Anastase Gasana yayiyoboye inshuro 2 guhera mu 1993 kugera mu mwaka w’1994 aho yasimbuwe na Dr. Jean Marie Ndagijimana wamazeho amezi 5 gusa guhera mu kwezi kwa karindwi 1994 kugera mu kwezi kwa 11 1994. Dr’ Anastase Gasana yasubijwe kuri uwo mwanya kugera mu mwaka w’1999.