Umwarimukazi w’imyaka 24 y’amavuko, yatewe inda n’umwana w’umuhungu w’imyaka 13 wari umunyeshuri we, ibi bikaba byarabayeho nyuma y’igihe kirekire bakorana imibonano mpuzabitsina.
Uyu mwarimukazi wo muri Texas muri Leta Zunze Ubumwe za Amerika, yitwa Alexandria Vera, akaba yaratawe muri yombi nyuma y’igihe kirekire akorana imibonano mpuzabitsina n’umunyeshuri we w’imyaka 13 gusa y’amavuko, ndetse uwo mwana akaba yaramuteye inda.
Ibijyanye n’umubano wa mwarimukazi n’umunyeshuri we, byari bimaze kumenyekana mu kigo ndetse bamwe mu banyeshuri bari bazi ko banakorana imibonano mpuzabitsina, rimwe na rimwe bakaba baranabikoreraga mu nyubako ziherereye mu kigo.
Alexandria Vera, ubu akurikiranyweho icyaha cy’ihohoterwa rishingiye ku gitsina, akaba ubwe yarishyikirije inzego z’umutekano nyuma yo gushyirirwaho impapuro zo kumuta muri yombi, akaba agomba kuburana icyaha cyo guhohotera umwana atwitiye inda.
Ukwezi.com