Amakuru Rugali ikesha ikinyamakuru cyo muri Uganda “The Daily Monitor” cyatangaje ko umusirikare w’umucuranzi Sgt Maj Robert Kabera yahungiye muri Uganda, avuga ko ubuzima bwe n’umuryango we biri mu kaga nyuma yo gushinjwa ko yafashe umukobwa yibyariye ku ngufu na guverinoma ya Kigali none akaba yavuze ko arimo gushaka ubuhungiro muri Uganda kuko ibyo ashinjwa ari bimwe muri gukoreshwa mu kumutoteza.
Yagize ati: “Ndi muri Uganda ndashaka ubuhungiro mpunga abantu bankurikiraga bashaka guhungabanya ubuzima bwanjye. Igihugu cyanjye na leta ya Kagame ntibashaka ko hagira umuntu usura cyangwa ukorana n’umuryango wa Gen Fred Gisa Rwigyema dufitanye isano. “
Sgt Maj Kabera Robert yabaye umwarimu akaba n’umwe mu bagize itsinda rya band ya gisirikare mu ngabo z’u Rwanda. Yavuze ko yambutse umupaka aza muri Uganda ku ya 19 Ugushyingo.
Ku wa kabiri, ikinyamakuru cya Leta cy’u Rwanda The New Times cyasohoye inkuru ku rubuga rwa interineti kivuga ko Sgt Maj Kabera arimo gukorwaho iperereza n’ishami ry’ubushinjacyaha bw’ingabo z’u Rwanda kubera gukekwaho kuba yarafashe ku ngufu umwana we yibyariye w’imyaka 15 ku ya 21 Ugushyingo.
Mu kiganiro na Daily Monitor, Sgt Maj Kabera yahakanye aya makuru avuga ko biri muri poropagande ya guverinoma y’u Rwanda ikoresha ku bantu batavuga rumwe nayo cyangwa umuntu wese bashaka kugirira nabi.
Sgt Maj Kabera yavuze ko adashobora kuba yarakoze icyaha aregwa ku ya 21 Ugushyingo kandi we yari yamaze kwambuka muri Uganda ku ya 19 Ugushyingo.
Ati: “Bo (guverinoma y’u Rwanda) banshinja imanza nyinshi zidahuye.” Yavuze ko yahungiye muri Uganda ari kumwe n’umugore we, asize inyuma mu Rwanda abana batatu, barimo n’umwana w’amezi arindwi.
Sgt Robert yavuze ko: “Bamwe mu bapolisi bari mu nzego z’ubutasi nigishije nibo bamburiye ko ndi mu mazi abira. Hanyuma hari undi muntu wampamagaye kuri telefone amburira maze ku ya 18 Ugushyingo, ndahunga. Twohereje abana bacu bakuru babiri kubana ninshuti zacu kuko twavuyeyo twihuta kandi twazanye numwana gusa.
“Ariko tugeze i Kagitumba ku mupaka, ntitwashoboraga kwambukana n’umwana. Amazi yari menshi cyane hanyuma dufata icyemezo cyo kumuha umuntu amugarura mu Rwanda. Twari dufite impungenge ko dushobora kubura umwana kubera amazi yari menshi. Ikimbabaje sinshobora no guhamagara ngo menye uko bameze kuko byabashyira mu kaga”, Bwana Kabera.
Amavu n’amavuko y’ikibazo cya Sgt Robert Kabera
Yavuze ko ibibazo afitanye na leta ya Kagame ndetse yangiranye n’ingabo z’u Rwanda byaturutse ku mibanire ye na nyakwigendera umucuranzi Mihigo Kizito basanze babeshye ko yiyahuriye muri kasho ya polisi mu Rwanda mu ntangiriro zuyu umwaka.
Sgt Maj Kabera yavuze kandi ko ibibazo afite biterwa ahanini n’umubano we n’umuryango wa nyakwigendera Fred Rwigema, umuyobozi wa mbere w’umutwe w’igihugu ukunda igihugu cya Rwanda, wishwe mu Kwakira 1990, ukwezi kwa mbere mu gutera FPR mu Rwanda.
Sgt Maj Kabera yavuze ko guverinoma imukeka ko azi amabanga ya nyakwigendera Kizito Mihigo. Muri Gashyantare, umuririmbyi wa Gospel Kizito Mihigo bamusanze yapfiriye mu kasho ka polisi y’u Rwanda. Urupfu rwe rwateje ikibazo kw’isi yose banenga leta ya Kagame.
Mu mwaka wa 2014, uyu muhanzi yahamijwe icyaha cyo gucura umugambi wo kugirira nabi Perezida Paul Kagame ariko arababarirwa mu 2018. Yongeye gufatwa uyu umwaka ashinjwa gushaka guhunga igihugu.
Ati: “Baranshinja kuba mbitse amabanga ya nyakwigendera Kizito Mihigo ndetse no kugirana umubano n’ umuryango wa Rwigyema. Nabajijwe n’inzego zishinzwe iperereza ibyayo mabanga ya Kizito Mihigo ndetse n’ amaterefone yanjye yakurikiranwaga n’inzego zishinzwe iperereza ariko sinshobora guhagarika kubona neza n’mumuryango wa Gen Fred Gisa Rwigyema.
Bwana Kabera yagize ati: “Kuba mbana neza kandi ngasura umuryango wa Rwigema ntibuvuga ko ndimo gutegura umugambi wo kurwanya leta.” Sgt Robert Kabera yasabye leta ya Uganda n’inzego z’amahanga zishinzwe impunzi kumurindira umutekano.
