Reka twiyibukiranye bimwe mu bivugwa n’ibisomwa kuri Isiraheli yo mu buvazuba bw’isi.
Bavuga ko kera hariho amahanga menshi, Imana yukubitiramo ishyanga rya Isiraheli, iraritonesha iryita ubwoko bwayo ayandi yagombaga guherwamo umugisha.
Hari amakuru ya vuba avuga ko abatuye Isiraheli ubu ataribo benegihugu kuko aba Isiraheli bari Abirabure ko na Yezu yariwe.
Ntibyatinze abo Bantu b’indobanure batangiye kujya bakwepana n’Uwiteka bagasambana, bakarya intonorano, bakarya imfubyi n’abapfakazi, bakima Uhoraho amaturo n’icya 10 inzu ye ikaburamo ibyo kurya, ariko baribata na kiliziya. Bikomeza ari gatebe gatoki, abafata, bisabishwa imbabazi, azibaha, bongera…. Uhoraho arashavura ati mbambuye isumbwe mwari mufite mubaye Rubanda. Yongeraho ko kuva ubwo kiramuntu wese, kubera Kavukire ye (kamere), ari umunyabyaha kdi aciriweho iteka ryo Kurimbuka, kdi ko kubera kirisitu kiramuntu wese ari intungane y’Uhoraho, umugenerwamunani. Ni ubwo iryo teka ryaciwe hari abantu bakemera ko Isiraheli igifite iryo sumbwe cg ko izongera kubengukwa n’Uhoraho
Hari mu 1995 twari twicaye twagwije urugwiriro, maze umusore umwe ati ubu turi ubwoko bw’Imana bwasigaye, yavugaga abatusi. Isiraheli yo muri Afrika.
Twibukiranye ko Isiraheli mu Karere ituyemo ikubita, ikomeretsa, yica, inyaga, isenya, ikangiza iby’abavandimwe, ikabafungira imipaka bakarindirwa mu nkambi abantu Bose babirebera ndetse bamwe babishima.
Muribuka ijambo rya Tarampu muri ONU batorera akazoza ka Yerusalemu. Yagize ati utazodushyigikira ni umwanzi wa USA.
Maze kubona ko kuva mu 1990 kugeza ubu FPR ikubita, ikomeretsa, yica, yigabiza iby’abandi, icira abantu mu nkambi, isenya, kdi ifunga impipaka ntacyo yikopa, twese tukanuma, nagize nti bya bintu nibyo.
FPR n’abafatanyabikorwa bayo bashyizeho Isiraheli nshya mu Karere k’ibiyaga bigali no mu Rwanda by’umwihariko.
Ngo hari umutegetsi wo mu Karere wagize ati: misiyo yanjye ni ugukora uko nshoboye Eritereya, Etiyopia,Sudani, Somaliya, Uganda,RDA,TZ, Burundi na Zaïre bigahinduka igihugu kimwe. Nta mahitamo ahari. Ibihugu bigomba kuba igihugu kimwe cg tuzapfe dushire. Uko Hitileri yakoze ngo ahuze Ubudage Niko natwe tugomba gukora.
Mu bihe byakurikiyeho yagize ati:
Ubu noneho dufite ingufu zihagije mu bya Politike, mu bukungu no mu gisilikare ntawe uzongera kudutsinda. Aha sinamenye abo yavugaga!
Nashimye ijambo ryakoreshejwe n’umwe mu mpuzi za Kiziba. Igihe inkota zari kubica yagize ati: mwahawe misiyo mbi, ubu ni umututsi ku umututsi. Iri jambo ryanteye ubwoba n’amakenga kdi abahanga bazaryigeho turebe icyo rihatse.
Hari abantu mu bihe byashize ndetse n’ubu bakishuka ko iyi misiyo ya kiriya gihugu kimwe igendereye kugira abatutsi ishyanga rikomeye rizayobora amahanga rigakora ibyo ryishakiye, rigasiribanga ibintu… Ibi ni ukwibeshya cyane kuko abize umushinga n’abahagarariye ikibashishikaje ni inyungu zabo binyuze mu batutsi, ari bazima cg ari imirambo. Ibi kdi nta busobanuro bisaba uhereye mu 1990, uvuye ku Muvumba ukazenguruka u Rwanda rwose ukambuka n’imipaka iyo za Uganda, Burundi, Congo, …
No muri Canada ahari umunyarwanda ushakishwa kubera misiyo mbi kimwe na ya mafunja ari guhandurwa. Ibi byose bira isura isobanutse.
Uwitwa Yohani Mugabo hari ubusesenguzi yakoze muri Bibiliya n’ubucakara n’umushinga cg misiyo yo kwica umwirabure. Agendeye ku byanditswe yahishuye ko Bibiliya itanditswe n’abahanga mu bya tewolojiya ahubwo aba sikolazi, batoranyijwe ngo bayandike mu nyungu z’uwandikishije (umwami). Bayandike ngo ikamishirize kdi ikomeze ubwami bwe, ibemo amasomo abihamya. Ngaho nimuyisome ahari mbata mushyiremo bacakara murebe ukuntu ibintu biba mahwi, kdi mubihuze n’amabwiriza umwami w’ababiligi yahaye abamisiyoneri boherezwa muri Afrika.
Umwaka ushize ngo hari umuntu wasohoye ubushakashatsi kuri Bibiliya. Yavuze ko Bibiliya ari umushinga w’abazungu ngo bigarurire isi kandi bayimunge
Umushinga wa Isiraheli nshya, uhagarariwe ubu na FPR nta nyungu uzazanira abaturage , uretse kutwigarurira no kutumunga.
Umushinga wo gusenya umuntu:
Aho gupfa warakara. Uburakari burashira ariko urupfu ntirushira. Kutamenya aho urudodo rwavuye, kutamenya aho itafari ryavuye igihe muntu yasenywaga, kutamenya inzira (ipfundo) uguteye acamo, ntiwamutsinda. Ryaba ari ishyaka ritava mu bwenge.
Mubigishe ko umwirabura agomba kutwumvira no kutwizera, twe gusa kdi bishingire ku nkingi 3: UBWOBA, ISHYALI no KUTIZERANA. Izi nkingi zizadufasha kutwinjiriza. Mugeragereze mu rubyaro rwabo: umugabo mumutanye n’urugo rwe kdi bibonerwe ubusobanuro. Umwana arerwe na nyine azakure ari umugore, ahore ashaka umutware (master). Mubateze intambara, bapfe, barware, bazerere. Mubateze ubukene abagabo basuhuke.
Tugerageze dusubize hasi ireme ry’imibano ku buryo umwirabura tumwigisha kugandukira ibitekerezo by’umuzungu kuruta ibya mwene wabo. Umugore niyigenge ku byo gusirimuka kdi abigereho bidashingiye ku umugabo we. Ibyo bizatubashisha gushinga umuryango nyafrika ufite ibyuho tuzinjiriramo.
Ubu turiho mu gihe FPR yabitsemo abantu ubwoba, ishyari no kutizerana. Umugabo yataye agaciro. Igihugu gisa n’igisigaranye gusa abagabo-gore bumva batabaho badafite umutware (Master) ariwe Kagame uhagarariye abazungu.
” … Twambuwe ijambo, twabujijwe kwiga, twarahejwe ducirirwa mu Biryogo na Kibungo, twegerezwa ibigo by a gisilikare ngo baducungire hafi kuko batwitaga abaswahili. Ubu akwiriye kwitwa baba wa Tayifa. Yakoreye igihugu, ni umuntu udasanzwe, nta wundi ukwiriye kuyobora u Rwanda ni baba waTayifa kubera ibikorwa bye by’indashyikirwa. Abanga Baba wa Tayifa ni ibisahiranda by’ibigarasha. (Musa Fasil, Nyamirambo.)
Mu nyigisho zayo, FPR imbwira abayoboke bayo ko yatanze byinshi ngo ifate igihugu, bityo ntacyo umuntu agomba kuyigomwa. Ikarangiza itanga inshingano kuri buri wese yo kurega cg gutanga ugerageza kugira icyo ayima. Abo kwa Sebulikoko, Makuza Rwigara n’abandi bambera abagabo. Igerageza gusenya umuryango binyuze mu gusuzuguza abana n’abagore, ba se. Cyane kwigarurira abagore nk’uko abazungu babikora mu gihe cy’ubucakara bityo umugabo akicirwa mu mugore.
Dore amwe mu amagambo ari muri gahunda ziriya misiyo.
Ingabire na Diyani ntaho bahuriye n’impirimbanyi 9 za Katalonya zifunze zizira guharanira ubwigenge bwabo. Bafite ishusho y’abamalaika ariko bahishe shitani nzima. Bene abo babagirira impuhwe ni bamwe batareba ibibari mu bwonko. ( umwanditsi w’umubiligi kuri RTB ikoresha igifaransa)
Ku kibazo cy’u Burundi mu 2015 .
Umunyamakuru w’umufransa yavuze ko hari guhamagarira urwango nk’ibyabaye mu 1994 mu Rwanda, azana ijambo gukora igihe bazaba bonye ikimenyetso ngo bazakubure, yavuze iby’ijoro rya cristal, ko président yiteguriye byose harimo no gukina ikarita y’ubwoko.
Tubahaye iminsi 5 basubize intwaro ku neza, byanze n’aho igipolisi gihawe uburenganzira bwo gukoresha uburyo bwose bafite ngo batuze iyo mirwi y’inkozi z’ikibi kdi ntihagire ubyineka (Abategetsi b’u Burundi)
Ni ijambo ritigeze rikoreshwa mu gihe cy’imyaka 20. Amagambo ashyikirizwa na Leta ashobora guteza imvururu. ( Samantha Power)
Ijambo ry’abategetsi b’uburundi rirahamagarira abaturage ubwicanyi ( USA, AU, international crisis group)
Umuntu ashobora guhera mu gitondo akageza nimugoroba yica abaturage be. Ibiri kuba mu Burundi ni nk’ibyabaye mu Rwanda…. Niba hari n’abanyarwanda babirimo baba bahereye ku butegetsi bubi bw’u Burundi.
Abayobozi babo biyita abemeramana, hari aho Bibiliya yigisha kwica abantu. (Kagame)
Ni amakosa kugereranya ibyabaye mu Rwanda n’ibiri kubera mu Burundi. Ni amagambo ateye isoni. Ntacyo twasubiza. Kwaba ari ugushira isoni. Si ubwa mbere avuze ibintu nk’ibyo. Inyishu izatangwa kdi itlmoye, irashe. Iyo ni imvugo itarimo indero n’ubumuntu. Ibyo binyoma bifitiwe igisubizo. (willy Nyamitwe)
Ni gute umuntu umwe yakubita hasi ibintu byubatswe mu myaka 10 ngo agume ku butegetsi? (USA)
Uburenganzira bwa muntu ntibwubahirizwa, nimureke sosiyeti sivili ikore, mugurure ama radiyo, muhagarike ubwicanyi, abantu barapfira ubusa kubera ko batemeye umuntu umwe. (Adama Diyengi)
Uburundi tubuhaye amasaha 96 ngo bube bwakiliye MAPROBU, ingabo 5000 zivuye Kenya, Ethiopiya, Uganda na Sudani (AU)
Hari itumanaho ryo mu ibanga rigendereye gutegura jenosidi. Hari elema za jenosidi. (Buyoya)
Ibi byose bamwe n’ibindi ntavuze mbizanye ngo murebe uko umukino ukinwa uhuriyemo abantu benshi bahuje umugambi, biyemeje kugera ku nyungu zabo binyuze muri jenosidi ikorerwa abatutsi.
Mwumve kdi murebe neza ko uwateguye jenosidi yo mu Rwanda ari nawe wateguye iyari igiye kubera I Burundi igakomwa mu nkokora n’abo bashinjaga kuyikora. Cyane murebe abagomba gukorerwaho ubufindo bigizwemo uruhare na bamwe mu bavandimwe n’inshuti zabo n’abihuruza batazi uwapfuye cg uwamwishe.
Abo basaba ko amaradio afungurwa ntibazi ko BBC cg amuzing grace bifunze. Abatera hejuru bamagana umuntu utwaye imyaka 10, ntabwo N bazi Kagame na Kaguta, rero ngo nibo bahuza ntangarugero bizewe.
Reba ziriya ngabo! Etiyopiya,aba Oromo bari kwica bikomeye, Museveni yarimo atera ibyuka Besiige ngo akunde azagwe ku butegetsi. Ese buriya hari kuza abagande cg hari kuza abanyanyarwanda. Sudani amoko yari kwicana n’aho Kenya bari batarakemura ikibazo cy’indyane zishingiye ku matora.
Biriya bintu byarimo ubugome n’ubugambanyi bukkmeye nk’ubwabaye mu Rwanda kdi Kagame na Kaguta hari icyo bari babiziho.
Mwibuke ibirori byabaye I Kigali bishimira ihirikwa ry’ubutegetsi mu Burundi. Ni iradio ya Leta ntiyihe ibanga. Bagashikuza, ntibanategereze ngo izube rerenge bavuge ntawe ubareba.
Uwo dufitanye ikibazo niwe ugomba kudusaba imbabazi. Ntitwemera ko abahutu Bose bakoze icyaha. Uwakoze icyaha nasabe imbabazi uwo yagikoreye bimuvuye ku mutima. Icyo si igikorwa kigira icyo kitumarira, ntibidufasheho, ni ikintu cy’ihururu kidafite icyo kidufashishe, nta n’icyo cyamarira abanyarwanda. Uwo muntu usaba imbabazi mu izina ry’abahutu sinzi ibyo yivangamo. (Dr. Dusingizemungu, Ibuka ).
Mushyiremo imbaraga n’ubufatanye mu kurwanya jenosidi n’ingengabitekerezo yayo. Murwanye uwo ariwe wese urwanya ubuyobozi bw’igihugu kuko hari bamwe babigira bakarangwa no gusenya ubuyobozi bw’igihugu babwigomekaho bagandisha abandi, ariko bikababaza kurushaho babonetse mu bacikacumu kdi ubuzima bafite babukesha ubuyobozi bw’igihugu.
Mwitandukanye n’uwo ariwe wese ubangamira gahunda nziza z’ubuyobozi bw’u Rwanda ndetse n’iyo yaba ari uwacitse ku icumu rya jenosidi, inshuti cg umuvandimwe. ( Dr.Bizimana, CNLG)
Kuva mu 1959, biragaragara neza ko abanyarwanda bavura ibimenyetso by’indwara aho kuvura igitera indwara.
Hari uwagize ati abahemukiye abanyarwanda ni abahutu n’abatutsi batatahuye amakosa y’ababiligi.
Ese umwanzi n’abanyarwanda ni nde? Bamwe bati ni abatutsi, ni abahutu, ni parmehutu, ni abanyenduga, ni abakiga, ni akazu, ni Habyalimana, ni parmututsi (FPR), ni Kagame, ni agatsiko. Ibintu bidaskbanutse neza.
Umwanzi wacu ni ubuyobozi bubi, butazi cg bwirengagiza nkana ikibereye abayoborwa,butazi gukorera inyungu z’igihugu. Ni ubuyobozi bwumvira abanyamahanga.
Abahanga baravuze ngo mbere yo kubaka mu itongo ugomba kubanza kumenya icyasenye inzu yahahoze. Aho niho ikibazo kiri. Abantu barahurura ngo bazanye ibisubizo ariko bikoreye umuriro wo kudutwika.
Umuyobozi umwe wo muri Zimbabwe yabwiye Munangagwa ati
Umwami aba umwami kuko ategera amatwi abaturage be akemera ko bamunenga,kdi ahari amakosa akahakosora.
Kagame NGO yabwiye Rujugiro ko nta wamushyize ku butegetsi. Buriya abamuhaye misiyo nibo yubaha.
Ubu abanyarwanda twakuwe ahantu tujyanwa ahandi, turi muri containment. FPR iratwibikiye. Abahutu itegeko rya jenosidi n’ingengabitekerezo yayo igihe rizajya rishakira rizajya rirobamo umwe bitewe n’uko ntacyo akimaze.
Dr. JD Bizimana yabisobanuye neza, Abatutsi nabo baragereshwa umugozi w’uburebure n’ubugari bwo kugandukira Kagame na FPR, Bose bagahurira imbere y’umurongo utukura uzabamara umwe umwe hatitawe ku bwoko, inkomoko cg ikindi cyose .
Umunyamabanga was USA mu bubanyi n’amanga Bwana Kalisoni abajijwe ku bushake bwa Kigali bwo kuba muri Congo yagize ati: barashaka gushegesha FDLR, kuzanira umutekano abatutsi no kuborohereza mu rujya n’uruza rwabo mu Karere.
Batutsi bavandimwe nzinduwe no kubabwira ibyo mwagombye kuba muzi. Umushinga wo kubaka Isiraheli nshya aho bukera urabamara. Mwarasheswe, mwashyizwe ku isoko ry’imigabane kanywamaraso rya FPR.
Muri bazima cg mwapfuye muzatungisha benshi. Ese ntabwo muzi ibya koluta y’amaraso.
Mukwiye gukanguka mukitandukanya na Sekibi. Mubare abatutsi bamaze gupfa uhereye ku Muvimba ukazenguruka igihugu cose, Congo, Burundi, kugeza no kuri Rwigara ,Makuza, Kayumba, Rusagara, Byabagamba,… mwamenyera bari gutembera akarere!!
Njiji mukanguke bwakeye. Nta Isiraheli iriho, hariho inyungu z’abize umushinga n’abakomisiyoneri babo.
Mureke dushimire abanyamurenge bitandukanyije n’imyanzuro y’inama ya Butare, dushimire urunani rw’abahutu n’abatutsi, cyane bariya batutsi b’i Burundi babogoye igihugu, Dushimire Callixte Sankara n’abo bari kumwe n’abandi banyarwanda Bose,cyane abatutsi bamaze kubona ko twahawe misiyo mbi izatumarisha.
Nabyutse nsoma inkuru za Kagame na Museveni. Mu bihe byashize barashwanaga babaha umwirabura ngo abunge bakanga, ngo ikibazo cyabo kiroroshye kdi ni abavandimwe, bazakicyemurira ariko bwacya bakajya mu Bwongereza kuko bamize kwizera abazungu kuruta bene wabo.. Bagaruka Museveni ati inzigo, n’aho Kagame ati indyarya ihimwa n’indyamirizi, nzagutegera ahantu hizewe.
Ubu rero umusaza aragira ati : ntabwo ibiganiro byakemura kiriya kibazo. Nanjye ndagira nti mbabujije kumvikana ndyarya. Na bariya bongereza barihuruza mu biki. Shenge ngo barashaka gutabara Isiraheli nshya cg cya gikoko cyabo jenosidi. Ntibikunda. Niba Kaguta amurega ku barware ko ari umuntu mubi mu Karere akaba ashaka kugena umusimbura. Ntibyakwemerwa. Niba Kagame ari mubi Museveni ni mubi kumurusha kuko niwe wamutuye u Rwanda ku gahato kdi amuzi.
Niba Kagame ari gukora ibyo abonye byose ngo ashake usimbura Museveni arica umuco kuko bibujijwe kurunguruka Papa kdi aho ujishe igisabo ntuhatera ibuye. Kagame nta nshinga n’imwe yahawe yo kuganira na Museveni ku ugomba kuyobora u Rwanda. Baraganiriye bihagije nyuma y’urupfu RWA Rwigema (RIP), nkeka ko banaganiriye ku kibazo cya Ndahindurwa, baraganiriye ku kibazo Kayumba na Karegeya, baraganiriye ku kibazo cya Sendashonga, baraganiriye ku kibazo cy’imbaragasa zambutse umupaka zigatera amvunja none bitumye imipaka ifungwa, ibuza abantu guhaha, ari ibiryo, ari ubwenge….. Nibarekere aho. Kagame nave mu bicu aze ku butaka aganire n’abanyarwanda nibo bonyine bafite umuti.
Umuti uramba ni uko umwe muri bariya bagabo cg Bose basezererwa nta mperekeza bakazatugwa na komisiyo zo muri misiyo.
Murabaza muti ni nde wateguye jenosidi y’abatutsi bo mu Rwanda? Ndakeka uwageze I Mudende na Kiziba, Burundi end 2015, ukomeje kuribwaribwa, ashyiraho ibiciro by’imitwe y’abantu n’imirongo utukura, ngo akomeze abungabunge inyungu z’abamuhaye misiyo.
Mpogazi Gitaminsi