Imbwirwaruhame z’anyarwanda.
Ndabashuhuje basomyi.
Nifuje ibintu ndabibona:
Nifuje kutazaboneka mu ngando zigandira Imana n’abantu,
Nifuje kutazaboneka muri gacaca gacuramagambo, gacurikiranya amagambgaca ibico kdi gaca imitwe,
Nifuje kutazaneka mu kiriyo kirimo abarira batazi uwapfuye cg uwamwishe,
Nifuje kutazajya gushyingura abavandimwe n’inshuti ndi kumwe nababishe biriza cyane bansakuriza.
Muri wa mugambi wa FPR WO kurema u Rwanda rushya rugizwe n’amashitani (abahutu) n’abamalaika (Abatutsi), yihaye gahunda yo gusakuma ibyo ibonye byose ikabivuga kdi ikabyandika kuko igendera Ku ibitekerezo by’abakera biyibwira ko ariyo ufite ijambo ari intyoza kdi izi ubwenge bwo gucurika no gucurukura amagambo. Icyo bakabanza baragitsinzwe.
Ni ubwo navuze ko nasabye kutaboneka abantu hamwe na hamwe kimwe n’abandi ntavuze, ibyo ntibivuze ko mpinga, mpakana cg mpfobya, mwamvumbukana. Dore icyabinteye. N’ubwo ntize ariko sinkunda abaswa babyiteye, nanze guhurirayo nabo. Nanze guhurirayo na bamwe bigira ababaye cyane kurusha abapfushije ,bakansakuriza, cyane amagambo yabo ahishira ibi byabo niyo nanga. Hari umwanditsi wagize ati: mu minsi y’imperuka hazabaho abategetsi b’ibigoryi bazaja barira bagira bati tubababajwe n’inzirakarengane zaguye I Bunaka kdi aribo bazishe.
Mu gihe nari ngikeneye kumeya uruhare rwa FPR kuri jenosidi, ntibyari kunyorohera kwicarana nayo ngo ubu mbe nicuza. Sinari koroherwa no numva amasengesho y’abantu baje bitwaje Bibilia mu kuboko kumwe ukundi kurimo inkota. Ni uko bimeze ubu ndiho mu mudendezo nk’abandi bera bose, uko bizagenda ejo si mbizi. Nk’uko bisanzwe amagambo y’ubumara yarakoreshejwe mu kwibuka 2018.
Ijambo ryagarusweho cyane ni iryavugiwe I Kabgayi na Bwana Bizimana ryatumye ngaruka no Ku yandi yavuzwe mu bindi bihe.
Reka turebe amwe mu amagambo akoreshwa na FPR n’ icyo nyatekerezaho.
Mu biganiro binyuranye Bwana Benzige, Msgr. Rucyahana, Bwana Mugesera n’abandi bemeje ko manifesto y’abahutu yanditswe n’abazungu, abahutu bakayishyiraho umukono. Si iy’abahutu ni iy’abazungu. Rucyahana ati abazungu basabye abahutu kubicira Abatutsi.
Ubu turi mu gihe ibintu byasobanutse, umushinga wo kwica abanyarwanda (abahutu n’abatutsi) wateguwe n’amahanga yishyize hamwe awuha FPR cg FPR irawutegura amahanga awuha umugisha. Ikigaragara ni uko FPR abo bantu bavugira kugirango igere aho igeze ubu kubigeraho byanyuze mu nzira ndende y’ubwicanyi. Ni baduhe amahoro rero. Si abacamanza batabogamye.
Rucyahana ati nyuma y’intambara ya mbere y’isi yose. Abazungu bishe inka ngo bashegeshe ubukungu, bateza indwara z’ibikatu, baroga ibiringiti. Gukenesha byafashwe nk’uburyo bwo kwiyorohereza gutegeka. Komereza aho mutware w’ishengero, guma guma, mbakundira ko mutihishira. Nk’umuntu Mukuru wari uhibereye kdi ujijutse nizere ko inama yo gukenesha abanyarwanda ari wowe wayitanze. ? Inka se ntiziri mu gifungo izindi ntizariwe cg zigatezwa cyamunara ngo twiture umutwaro wo kwahira, indwara se ntiziyongereye, ubukene se ntibwiyongereye kugeza Ku kugwingira, bwaki n’imvuja, uburezi se ntibwapfuye.
Harya ngo tworore imbwa n’injangwe, ngo bahinge abandi bagurishe, ngo imihanda yaraguzwe ntawemerewe gucishamo imodoka atwaye abagenzi. Ubamba isi ntakurura. Bizimana ati Manifesto y’abahutu ni inkomoko yo kwanga no kwica Abatutsi, ikibazo kigakemuzwa kwigizayo no kwica Abatutsi.
Umuzo wa FPR wabaye inkomoko yo kwigizayo no kwica abanyarwanda, abahutu n’abatutsi dore ko mwavugaga ko nta batutsi bari mu gihugu, ubwo abo mwicaga ni abahutu, mwohereza abakomado n bo gushyushya urugamba nkoramaraso none murarira. Ndabagaye.
Ikibazo cy’ubuhuzi cyari mu biganiro kdi gishyikiwe n’abari mu gihugu mugikemuza kwigizayo no kwica cg kwicisha abahutu n’abatutsi harimo n’imiryango yanyu. Mwigaye.
Benzige ati nta karengane kari mu Rwanda. Ni ibintu bahimbye. Parmehutu yasabwe kwandika ibibazo byariho irabihina ibihindura iby’ubwoko. Ushaje nabi.
Harya ngo wari umujyanama w’umwami. Warwaye kwibagirwa kubera izabukuru. None se umwami Rudahigwa akuraho ubuhake, ibikingi no kugabana inka ntaho bihurira n’akarengane. Harya wigeze guhekwa cg guhingirwa n’abagaragu? Ndabona utarahindutse kabone warateje impaka Ku mugogo w’Umwami, umwima ubutaka bwe, wowe n’abamugushije Ku gasi muri bamwe. Kuva mu mwaka wa 1990 kugeza mu 1994, ntabwo wakurikiraniraga ibyaberaga mu Rwanda no mu mugi wa Arusha. Kirya gihe nari muto ariko nari mu mashuli, bishatse kuvuga ko nakurikiranaga ibiba, twari twunze ubumwe ngo dusezerere ubutegetsi bwa Habyalimana namwe mutahe tubeho mu munezero, twaricaraga tukabara inyungu tuzakura mu guhuriza hamwe ingufu z’abakire n’intiti z’abari hanze n’abari mu gihugu. Ntitwari tuzi ko hari abandi abari bafite imigambi wo kubatubya, barakabura inka zikamwa.
Biriya bintu niba byaranabayeho ariko byanyibukije ukuntu FPR yafashe ikibazo cy’u Rwanda ikagihina ikagihinndura icy’ubwoko bw’abatutsi , ikarengera ikajya no guhuruza Abatutsi bo mu bindi bihugu nabo bakaba abanyarwanda barenganye ari nako ibamara cg ibamarisha. Ibyabaye Ku mwami Ndahindurwa no kuba nawe ugiye kugwa mu mahanga n’amakosa ashingiye kuri iryo vanguramoko ry’impumyi z’ubwenge buke zatumye dushira n’ubu tugipfa kdi dupfusha. Ndagusabye ibi nabyo by’uko mwahinye ikibazo cy’u Rwanda muzabivugeho.
Aba FPR baragira bati Kayibanda yavuze ko igihugu gisubiranye bene cyo. Nizere ko bumvise Kagame avugira Ku Kibuye ko mu 1994 igihugu cyasubiranye bene cyo. Iyo gatebe gatoki ya ninjiye yasohotse by’abahutu n’abatutsi ndabirambiwe. Abasoma iyo nyandiko mumfashe duce abahutu n’abatutsi Ku ngoma y’u Rwanda tubasezerere. Duce inzigo. Harya Nyabihirwa wazanye ityazo ryo guca inzigo mwaramwishe. Murarushwa n’ubusa amaraso ye azabyara abandi benshi kdi tuzusa ikivi yatangiye.
Muti Makuza yavuze ko abahutu n’abatutsi ntacyo bapfana. Ni icyo mbakundira. ESE ko umuhungu we Mikayire yabisabiye imbabazi muracyabishakaho iki. ESE abo bahungu be muha akazi mwabaryoje icyaha cya se? ESE ko mbona Kagame hari icyo apfana na Makuza ra? Erega byonyine kuba turi abantu dufite icyo dupfana. Dore igituma nanga ubuswa bw’abahutu n’abatutsi. Burya n’inyamaswa n’ibimera n’ubutaka dufitanye isano mwa baswa mwe. Harya ngo mwize siyansi na tewolojiya? Ndabagaye. Isomo rivuga ko twavuye mu gitaka tuzagisubiramo baryigishije amaraso yabateye ivutu?
Ubwo se murumva nta sano dufitanye n’igitaka. Hhhhha. Nkunda gukopeza abaswa ngo ndebe ko bazabona agapapuro k’umutsindo bazibesheho. Ngaho nimusohore umwuka mwongere muwinjize, musanze dufitanye isano n’iki. Erega ni Imana iba mu ijuru (Niko batwigisha) dufitanye isano ya bugufi
Nimurekeraho kuducura umwuka.
Harya ngo inama y’abiru yemeje ko abahutu n’abatutsi ntacyo bapfana uretse ubugaragu. Ndabagaye ubanza aribo bajanama muri FPR. Barabeshya ariko tuzabahinyuza dusubize inkuta aho zahoze twubake Rwanda dukwiriyemo twese ureke cya gipindi gitindi cya FPR. Niba hari ni undi ufite ibyo bitekerezo arigorera ubusa kuko intambwe yatewe ntizasubira inyuma kdi umusaruro w’abatware b’abahutu n’uw’ab’abatutsi twarawubonye.
Ngo muri 1973 Abatutsi birukanwe mu mashuri. Birababaje kdi ntibizasubire. Ese ba bana Mariya Guhunzire yavuze ko babangiriza Ababana amaherezo yabo yabaye ayahe? Umva iyo mvugo mvangurabana ababo ni abahe?. Harya ngo baragwaga ingengabitekerezo ya génocide bumvanye ababyeyi. Bariya bo muri Kanembwe ya mbere badasangira n’abahutu ni bantu ki?
Ba banyeshuri ba za Kaminuza bafatiwe Kacyiru bavuye mu nteko ishingamategeko umutwe wa Sena bahereye he? harya barumuna ba Ntamuhanga bari kwiga Ku kihe Kigo? Harya Nyamihirwa mwamurekuye yagiye ku kazi. Harya ba bana twaboherereje bataye amashuli ngo babafashe gukotana twiheshe agaciro za pozitive zanjyu zikabajana ubu amashuli bayagejejehe ga ye, bamwe baguye Ku misozi yose y’u Rwanda na Congo, Mudende na Kiziba cyane abo nibuka ni abatwikiwe mu migongo ya ba nyina iyo za Butare na Gitarama , baziga ryari. Murakaburi inka zikamwa, amaraso arasama kdi ndababwiye ngo amaraso arasama kdi ibyo mubiba nibo muzasarura.
Hari inkuru nakunze cyane yacize kuri BBC Gahuza. Iragira iti: ibyabaye mu 1959, 1990, byabaye kwinjiramo no gusohoka, bidashingiye Ku rukundo, bitareba Bose. Jye ,kimwe nakise Parmehutu ikindi parmututsi byashoje kimwe ari Akazu, ikindi ni Agatsiko. Umva ikiza cy’amateka diiii.
Rimwe muri Kapisi y’u Rwanda iri I Butare bubatse akazu k’ibyatsi barangije baragatwika basezerera ingoma Habyalimana. Intego yabo yari ukumurikira Rubanda. Ubu FPR yihaye kubihindura no kuvuyanga kiriya gicumbi cy’ubwenge. Harya ngo mupinga abize kuko mwabonye amapeti mutazi gusoma, ibimasa (abatekinisiye) bagakora mugahembwe. Eeeeh buretse gato murabona umumaro wo kwiga.
Koko rero uwamenyereye gusoma n’iyo avuye kwikorera ibikarito cg uvuye Ku bitogotogo aruhukira mu gitabo ngo arebe ko yavumbura akantu k’ubwenge. Kutiga biragatsindwa.
Ntiti, bana b’u Rwanda ngaho nimukore ubufindo mukore akantu k’ubwenge mukite agatsiko mugasezerere kagende. Birakunda kuko icyo Abana bashegeye baragihabwa.
Natangajwe no kumva Yohani Mugabo ari kumwe n’uwihise Umusizi w’i Gasabo bata inyigisho ngiramumaro bakajya mu mwuka z’abahutu n’abatutsi.
Mu kiganiro cyabo ubwiru kirimbuzi baragira bati:
Inama za parmehutu zababeraga muri Diyosezi ya Kabgayi, inyandiko za parmehutu zandikirwaga mu icapiro rya Kabgayi
Bateguye impinduramatwara badafite ikiyisimbura, basenya inzu badafite iyo kwimukiramo, haba gusohokera mu muryango ukinjirira mu cyanzu. Bati Kayibanda na Habyalimana ntibari abanyarwanda, ibyo bakoze birabasa kuko ikintu cyose kitubakiye Ku ndangagaciro zacyo ntikigera Ku ntego.
Aba ndabibutsa ko inama za FPR zitabereye kdi zitabera mu mazu ya Kiliziya gaturika gusa ahubwo mu madini yose. Mugabo arabizi neza. Inyandiko rutwitsi za FPR zaciye kdi n’ubu ziraca mu macapiro. Niba hari abantu bateguye umushinga mubi ku isi ni FPR. Niba hari abantu babeshye abanyarwanda bakabasezeranya ibyo badafite kdi batemera ni FPR.Kuvuga ko bariya bagabo ari abanyamahanga sinzi uko nabyita. Ni ubujiji se, ni ubugome se, ni ivanguramoko se, ni ihahamuka se…? Ni byose kuko bariya bagabo bazi neza ko mu nzego zabo zose z’ubuyobozi harimo abanyamahanga. Ni uko bamwe ari Abatutsi se biryo ibyabo bikaba ari indagagaciro nyarwanda cg ni cyo kibatera gukora ibyo bakora.
Oya byose sinabyemera. Njiji, nababwiye kuva kera, niba mubuze ubwenge mujye mutega n’amatwi cg murebe. Twemere ko bariya bagabo ari abanyamahanga. Obama muramuzi? Tarampu ukomoka mu Budage muramuzi?Kerry ufite inkomo mu Bufaransa muramuzi, Ntaganda Bosco muramuzi, Gitwaza muramuzi, wa mudepite w’umufransa – munyarwanda mutashoboye kubuza amahirwe, uzabasura vuba aha muramuzi? Nta tuzi, nta munigo nshaka azasubira Ku bamurokoye amahoro yirire Ku ma ero . Ese rwa rubanza rw’abo mwahagamye mu Bubiligi rugeze he? Mu mvo n’imvano 7/2013 umuntu yagize ati abahutu bateguye igihe kirekire kwanga Abatutsi kdi manifesto yigishwaga mu burezi, politique niwo wari umurongo w’uburezi, umurongo wa gihutu.
Nize mu Rwanda, iyo Manifesto narayumvaga ariko ingingo ziyigize nazicishije amaso mu 2018. Ubanza ari uko nigishijwe n’abatutsi ubuzima bwanjye bwose. Ese biriya byigishwa mu ngando no muri ndi umunyarwanda ni murongo ki? Ni uwa gitutsi?
Abajijwe Ku rubuga rwa politiki, Kagame yavuze ko bakoze ibirengeje, ibyo abicanyi n’abajenoderi bibonamo.
Kuvuga urwo rubuga ni ukubaha agaciro badafite, ati mubareke bazerere bakora ubusa ariko nibagerageza kugira uwo bahutaza ntizamenya ikibakubise.
Uwo Kagame ninawe wavuze ko iyo abantu bakubujije guca Kabulimbi uca iy’ishyamba ariko ukara iyo ujya
ndizera ko isomo rye ryumvikanye ishyamba ryafashwe ahasigaye nadakubita azakubitwa
uwitwa Kalisa Rugano abajijwe Ku italiki y’ubwigenge bw’u Rwanda yavuze ko imwibutsa ibibi, u Rwanda rwigenze 4/7/1994. ngo yumvise iriya taliki yiryamiye I Bujumbura. Mwibuke mu 1994 uko byari bimeze Ku a baturage bari mu Rwanda n’abari bahungiye Congo mubigereranye n’uwari wibereye mu gitanda I Bujumbura. Ese bo nibahakana ubwigenge bwe bwaje bari mu cyunamo gihoraho bizagenda gute?
Umva rero mbagire inama abahutu named Abatutsi muterwa jpfumwe n’iminsi mwakoreyeho hasi. Nimufata iminsi ya buri umwe mukore avireji nta kundi nabagira turebe ko twatora agatotsi simbonye uko mvuga ibyavuzwe na Minisitiri Gashumba depite Kalisa I Rulindo, Dr Karambizi, Bizimana I Kabuga n’iKanombe ndetse ni ibyo umwarimu muri Kaminuza yavugiye I Ruhanga tuzabigarukaho.
Msgr. Mbonyintege asubiza Bizimana yagize ati ibyavugiwe I Kagabgayi ntibijyanye n’iki gihe cya nyuma y’imyaka 24 kuko bitafashe impande zombi kdi hari ibyo badafitiye ibimenyetso.
Ndagira nti umwete wa FPR wo kubaka igihugu cy’abamalaika n’amashitani ni uw’ub’usa kuko ibuye ryagaragaye riba ritakishe isuka.
Paul Louis Rukara