Ejo tariki ya 23 Gashyantare 2017 saa mbiri za mugitondo ku rukiko rukuru rwa Karongi hazaburanishwa urubanza ubushinjacyaha bwa leta ya Kigali buregamo umubutsi wungirije w’ishyaka FDU Inkingi Mlle Gasengayire Leonile watawe muri yombi ngo azira kuba yarangishishe abaturage ubuyobozi ngo akabakangurira gukomeza guhinga amasambu yabo mu gihe badahawe ingurane ikwiye nkuko amategeko abiteganya ku hantu hagiye kushyirwa ibikorwaremezo by’inyungu rusange.
Ibi ngo bikaba bigize icyaha cy’ubugome cyo kwangisha abaturage ubuyobozi no gutera imvururu muri rubanda.
Uru rubanza rukaba rwarasubitswe ubushize tariki ya 23 Mutarama 2017 ubwo Leonile n’umwunganizi we basabaga ko urukiko rutegeka ko haba kumva abatangabuhamya bashinjura kuko ubu burenganzira haba mu bugenzacyaha haba no mu bushinjacyaha iki kintu cyasabwe ariko ubugenzacyaha n’ubushinjacyaha bukavunira ibiti mu matwi.
Boniface Twagirimana