Umunyapoliki utavugarumwe n’ubutegetsi muri Uganda Robert Kyagulanyi, uzwi nka Bobi Wine, yajyanywe n’abapolisi bamufungira, nk’uko abivuga ku rubuga rwe rwa twitter, iwe.
Yari yafashwe igihe yari ayoboye itsinda ry’abadepite bo mu ishyaka rye, National Unity Platform, mu myigaragambyo yo kwamagana gufungwa no kunyuruza abamushyigikiye kuva mbere, mugihe na nyuma y’amatora yo mu kwezi kwa mbere.
Abashinzwe umutekano kuwa mbere barashe imyuka iryana mu maso mu gutatanya ikivu. ange cy’abigaragambya bari kumwe n’aba badepite. Kuri Twitter, abakoresha konti ya Bobi Wine batangaje ko abaje muri iyi myigaragambyo bagiriwe nabi mu buryo butandukanye.
Mu kiganiro yatanze ku mbuga nkoranyambaga ku cyumweru, Bobi Wine yahamagariye abamushyigikiye kwifatanya na we mu myigaragambyo mu mahoro yamagana ibyavuye mu matora.
Bobi Wine avuga ko ayo matora – yabayemo uwa kabiri Perezida Museveni agatsinda – yaranzwe n’uburiganya, asaba kandi abashinzwe umutekano kwerekana abamushyigikiye baburiwe irengero.
Mu ijambo rye nawe yatanze ku cyumweru nijoro, Yoweri Museveni yavuze ko ahubwo ishyaka rya Bobi Wine ari ryo ryibye amatora.
Mu kwezi kwa 11 umwaka ushize, Bobi Wine wariho yiyamamaza yarafunzwe bikurikirwa n’imyivumbagatanyo yiciwemo abantu barenga 50.
Source: BBC Gahuza
