Turaburira intore zikiri muri bwa bwato bufite umusare umwe Kagame uri kugashya abwerekeza mu muhengeri uzatuma burohama

Yanditswe na Chris Kamo

Abahekenya amenyo ni muyahekenye nashake abashiremo mu kanwa musigarane ibihanga ariko ntabwo muzashobora kubuza ubwato butuganisha k’ubwiyunge nyabwo Bernard Ntaganda na Victoire Ingabire birirwa bagashya muri iyo nyanja yuzuyemo ingona zifite amenyo agiye kuzatumara ku banyarwanda. Banyarwanda banyarwandakazi ubu hari ubwato bubili, ubwato bwa mbere bufite umusare umwe uzi kugashya akaba arimo kugashya abwerekeza ahantu habi, n’ubwato bwa kabili bufite abasare benshi bagashya babwerekeza heza.

Ubwato bwa mbere bufite umusare umwe intore izirusha kwica Kagame akaba we agashya aganisha mw’umungeri uzatuma burohama abarimo n’ibirimo byose bikagendana. Ubwato bwa kabiri n’ubufite abasare benshi barimo ba Bernard Ntaganda, Victoire Ingabire, Diane Rwigara, Deo Mushyahidi, Theoneste Niyitegeka, Padiri Nahimana, Gallican Gasana, Serge Ndayizeye, Sankara n’abandi ntarondoye aba bose bakaba bari kugashya berekeza ubwato bwacu ahantu heza.

Ngaho banyarwanda banyarwakazi ni muhitemo neza kandi n’abakiri muri bwa bwato bufite umusare umwe wenyine uzi kugashya yerekeza habi, igihe ntikirarenga nimurohamana nawe ntimuzavuge ngo ntitwababwiye kubuvamo hakiri kare kuko ubu bigaragarira wese ko umwungeri ubugarije ariko we ntabibona cyangwa arabibona akabyirengangiza kuko gahunda ye nuko adashaka kuzarohama wenyine.