Peter Mahirwe alias Surambaya, habari gani? Kagire injangwe n’ubushyo bw’imbwa nka shobuja! Ko uzi uburozi buba mu gikeri wari wumva umusambi wishwe no kurya igikeri? Ese ko ngo igikeri kigira “GPS” ari cyo n’umusambi ikireba kure n’ikihe? Ntuzi ko umusambi urya ibikeri ukikomereza guhiga? Urabizi ko umusambi utagonga nk’igikeli, urahiga!
Uburozi bwanyu naraburiye ndabahombya ndabunn…, nuko namwe mutangira kujya kubika, nibaza ibisazi bibafashe bituma mwemeza ku mugaragaro ko napfuye, ndayoberwa. Wa gihone nka shobuja we se muyobewe ko uburozi butamfata! Nari narabyibagiwe ko hari umuvandimwe wabumpaye mu mafunguro, nabyibukijwe na message nabonye ivuga ngo noneho niba mpari ninigaragaze.
Ubanza koko narapfuye mpagaze, kuko incuro maze kurya ubutaraza bwa shobuja ni nyinshi, Surambaya we! Ubutaha bazabanze babukugeragezeho nubundi nta cyo umaze uretse kuza “gutukisha perezida”! Wakoze kunyandikira kuva wansaba ubucuti, nari naragutegereje ariko ndihangana nti gashyiga izashyira igushyigure!
Reka tujye twiganirira, Matameza, we ntaheruka ubanza amahindu yaramutsinze muri ADF?! Mwihangane kandi mukomere, numvise ko mwagize abashyitsi, ariko abaturanyi ntibashoboye kuboneka. Mwihangane iryo n’ishyano ryagwiriye u Rwanda. Byanyibukije cyera tukiri abana, twagendaga urugendo rurerure n’amaguru,tujya kw’ishule, ababyeyi bakaba barakoze iperereza ku ingo z’abarozi ngo tutazajya gusaba yo amazi, bakatwihanangiriza bati nubwo imvura yahabafatira mujye mujya kugama ku rundi rugo baturanye. Nkeka ko umuco wo muri Congo wo gutwikira abarozi wageze n’iwanyu ariko?! Ngo zirirwa zishya!
Surambaya, ngaho ndusha ubutwari upfe baguhambe sha! Jye nzagumya nipfire mpagaze!
Bene data reka rero mbibutse agakuru k’intumwa Paul, sinabibwira Surambaya, kuko ngo ibyejejwe by’Imana ntimukabihe imbwa.
Nuko Paul inzoka yaramurumye ayikunkumurira mu muriro bari bari kota. Abantu baravuga ngo uriya muntu yari umwicanyi n’iyo mpamvu Imana imuhannye. Hashize umwanya babonye adapfuye habe no kubyimba, barahindura bati ni imana.
None bene wabo wa Surambaya, batangije igihuha ngo bandiye kuko bari bazi ko iminsi bambariye ishize, none barahinduye ngo, yewe buriya yapfuye ahagaze!!!