“Nyiri amaso yerekwa bicye, ibindi akabyibonera!” Kuva ku italiki ya 01/10/1990 agatsiko kagizwe n’abagizi ba nabi bakoreshwa n’amashitani kiyise FPR -Inkotanyi kazanye urupfu mu Rwanda; maze urwo rupfu karukwiza mu bihugu byose bigize akarere k’ibiyaga bigari! Maneko w’ako gatsiko k’abicanyi Madame Mignonne, wigize ubupastori kugirango abone uko anekera abo bicanyi, yibajije impamvu urubyiruko rw’u Rwanda rudashaka kujya mu gisilikare cy’inkotanyi!
Madame Mignonne yagize ati: “dufite ikibazo cy’urubyiruko rutari kujya mu ngabo. Rushaka gucuruza Dubaï gusa bose! Noneho tukibaza tuti nitwubaka tugakora n’ibintu byose, intwari twagize mu gihe cyashize, abana b’abasore bahagurutse bakareka ubuzima bwabo bakajya kurinda igihugu cyabo, igihe kiri imbere ni bande dufite ko urubyiruko rurimo gutinya kujya mu ngabo?(…)“. Uyu Madame Mignonne arahamagarira urubyiruko rw’abatutsi kujya mu ngabo nk’uko byagenze kuva muri 1990 ubwo inkutanyi zabeshyaga abatutsi bari imbere mu gihugu ko bagomba kohereza abana babo mu nkotanyi ngo kuko baje kubabohoza! Nyamara uyu Mignone yohereje abana be muri Canada aho kubohereza mu nkotanyi akaba ari guhamagarira abana ba rubanda rugufi kujya kuba ibivume muri uwo mutwe w’abagizi ba nabi!
Mu mashusho ari hasi aha murabona Madame Mignonne ari kubeshya urubyiruko rw’abanyarwanda ko rugomba kuba ingabo z’inkotanyi, mu gihe Cyomoro umuhungu wa Paul Kagame uba muri Amerika n’umukobwa wa Mignonne uba muri Canada bari guceza mu tubazi two mubihugu by’abazungu no gucugusa amabere mu muhanda! Kuki uyu Mignonne na Kagame bohereje abana babo mu bihugu by’abazungu aho batunzwe n’imisoro itangwa n’abanyarwanda, ntibemere ko bajya mu ngabo z’inkotanyi ngo nabo bazabe ruvumwa nk’ababyeyi babo?
Ibimenyetso byerekana ko amaherezo y’inkotanyi ari mabi cyane
1.Izimira rya Paul Kagame: Mu gihe Madame Mignonne ari guhamagarira urubyiruko kujya kuba ingabo z’inkotanyi ntabwo ashobora gutinyuka kuvuga uko byagendekeye umutware wazo Kagame! Mignonne yibagiwe ko Cyomoro ari umuhungu wa Kagame kandi akaba azi uko ubuzima bwe buhagaze muri iki gihe! Cyomoro aziko umubyeyi we Kagame ari ruvumwa kubera kuba umutware w’igisilikare cy’inkotanyi! Kuva mu 1990 kugeza ubu, inkotanyi zagiye zipfa nk’udushwiriri! Nta nkotanyi ishyingurwa mu cyubahiro, urupfu rw’inkotanyi rugirwa ibanga; imirambo yazo ikaribwa n’inyamaswa ku gasozi; urwo rupfu rw’inkotanyi urubyiruko ziraruzi neza, rukaba rudashobora kwemera gupfa nk’imbwa kandi ruvumwa na rubanda!
Iyaba Inkotanyi zari zifite ishema ryo kuba ingabo z’igihugu, ntabwo zagombye kujya zipfa nk’imbwa, igiteye agahinda kurushaho ni uko n’umukuru wazo Paul Kagame nawe azapfa nk’imbwa! Kubona Kagame yitwa umukuru w’igihugu agira uburwayi bukomeye ariko bugahishwa abanyarwanda, ni ikimenyetso ndakuka ko inkotanyi zose zizapfa urwo rupfu! Mignonne agomba kumenya ko ibyo byose urubyiruko rubizi kandi rubibona! Muri iki gihe inkotanyi zirimo zikora amaliste y’abanyarwanda bari mu gihugu bafite abavandimwe babo bari mu mahanga kugirango zizabice, abazikorera uwo muvumo wo kwica rubanda akaba ari izo ngabo z’inkotanyi, birumvikana ko Mignonne ashaka gukorera urwo rusyo abana b’abasore b’abatutsi! Twizereko izo nkotanyi zizahera kuri Mignonne n’umuryango wa Kagame kuko nabo bohereje abana babo mu mahanga!
Uwo muvumo w’ubwicanyi no gukora jenoside niwo Mignonne ari kwifuriza urubyiruko rw’abanyarwanda cyane cyane abatutsi kuko aribo bakomeje kugirwa ikiraro cyo gushimangira ubutegetsi bw’inkoramaraso z’inkotanyi! Kugirango urwo rubyiruko ruzashobore kwica abavandimwe babo rukaba ruzahabwa urumogi bagize igihingwa cy’ingenzi, ikibabaje ni uko babeshyako urwo rumogi ruzoherezwa mu mahanga! None se hari igihugu ku isi cyananiwe guhinga urumogi rwo gukoramo imiti?
2.Umuvumo ku Nkotanyi ni karande, urugero rwa Karenzi Karake!
Mignonne avuga ko ngo abasore babo b’inkotanyi bagize ubutwari maze babohoza u Rwanda! Izo nkotanyi Mignonne yita intwari amahanga yose amaze kumenya ko ari abicanyi ruharwa! Imiryango irengera uburenganzira bw’ikiremwamuntu ikaba irimo gusaba umuryango w’abibumbye gushyiraho urukiko rwo gucira imanza inkotanyi kubera ubwicanyi zakoze muri Congo. Ubwicanyi bwose Inkotanyi zakoze amahanga arabuzi, urugero rugaragarira bose ni ubwicanyi bw’inkotanyi buri mu gitabo cya Madame Judi Rever “Eloge du Sang“, icyo gitabo n’urubyiruko rw’u Rwanda ruragisoma kandi ntirwifuza kuvugwa ibigwi byo kumena amaraso nk’ayo inkotanyi zivugwa muri icyo gitabo zikomeje kumena! Dore uko Judi Rever avuga ubwicanyi bwakozwe na Karenzi Karake nk’uko “Veritasinfo” yabubashyiriye mu kinyarwanda:
[Karenzi Karake ni umwe mubakorerabushake b’abicanyi ruharwa bakoreshejwe na Paul Kagame. Nk’umwe mu basilikare bakuru ba FPR wari ushinzwe guhuza ubufatanye bwa FPR n’ingabo z’Umuryango w’Abibumbye ONU zari muri Rwanda (Minuar) no kuba kandi yarabaye umwe mu basilikarere bakuru bari mu itsinda ry’umutwe washyizweho n’umuryango w’Ubumwe bw’Afurika GOM (OUA) wari ushinzwe kugenzura ihagarikwa ry’imirwano hagati y’impande zari zihanganye mu ntambara (FPR na FAR), byafashije Karenzi Karake kugenzura ahantu h’ingenzi ibirindiro by’ingabo z’u Rwanda FAR byari biherereye mu gihugu cyose.
Karenzi Karake yagize uruhare mu iyicwa rya perezida w’u Rwanda Juvénal Habyarimana na perezida w’Uburundi Cyprien Ntaryamira muri Mata 1994. Karake kandi niwe wari ushinzwe ibikorwa byo gucengeza abasilikare b’inkotanyi bitwa abatekinisiye mu mujyi wa Kigali no mu bindi bice by’igihugu cy’u Rwanda. Karake kandi niwe wari ushinzwe kugenzura ishyirwa mu bikorwa ry’ubwicanyi bw’abaturage (abasivili) nyuma y’iraswa ry’indege ya perezida Habyarimana mu turere tumwe na tumwe tw’igihugu (Ndera, Kigali, Kigali-Ngari na Byumba).
Nk’umuyobozi mukuru wa DMI (ishami ry’iperereza rya gisilikare) nyuma ya jenoside,mu kwezi k’Ukwakira 1994, Karenzi Karake yateguye kandi ayobora ibikorwa byo kwica umupadiri wo muri Canada witwa Claude Simard. Karake yateguye ubwicanyi bw’umufurere w’umumariste ukomoka mu gihugu cy’Ubwongereza witwa Chris Mannion wiciwe hamwe na mugenzi we w’umunyarwanda witwa Joseph Rushigajiki mu kwezi kwa Nyakanga 1994. Mu kwezi kwa werurwe 1997, Karenzi Karake yateguye kandi ashyira mu bikorwa iyicwa ry’umupadiri ukomoka mu gihugu cya Canada witwa Guy Pinard wiciwe mu Ruhengeri.
Muri Mutarama 1998, afatanyije na Kayumba Nyamwasa, Karenzi Karake yagize uruhare mu iyicwa rya padiri Cruick Vjeko ukomoka mu gihugu cya Croatia na Bosnia, uwo mupadiri akaba yariciwe i Kigali. Abandi bafashije karenzi Karake mugushyira mu bikorwa iyicwa ry’uwo mupadiri ni : Jean Jacques Mupenzi, Emmanuel Bayingana, Joseph Nzabamwita na Gacinya Rugumya. Yishingikirije umwanya we wo kuba umuyobozi mukuru wa DMI, Karenzi Karake niwe ubwe wakoze ubwicanyi bw’abihayimana bakomoka mu gihugu cya Espanye aribo : Luis Valtuena Gallego, Maria Flores Sirera Fortuny et Manual Madrazo Osuna.
Mu kwezi kwa Mata 1994 i Byumba, Karenzi Karake yateguye kandi ashyira mu bikorwa ubwicanyi bwa Padiri Joaquim Vallmajo ukomoka mu gihugu cya Espanye. Nyuma ya jenoside, Karenzi Karake niwe wahinduye ikigo cya gisilikare cya Kami ibagiro ry’abantu nk’uko kimeze ubu, kuburyo nta muntu n’umwe wigenga, imiryango yigenga cyangwa se umunyamakuru ushobora kugikandagizamo ikirenge. Mu mwaka w’1995, Karenzi Karake ari mu itsinda ry’abasilikare bakuru bateguye igitero cyo kwica impunzi zari mu nkambi y’i Kibeho ; muri iyo nkambi hakaba harishwemo impunzi ibihumbi byinshi cyane by’abahutu.
Karenzi karake yagize uruhare rwo gutwika no gushyingura imirambo y’ibihumbi byinshi by’abaturage bo mu bwoko bw’abahutu bishwe na FPR hagati y’umwaka w’1994 n’1998. Karenzi Karake yagize uruhare rukomeye mu gushyira mubikorwa ibitero bya gisilikare byagabwe ku gihugu cya Zaïre kimwe no gukora ibikorwa byo kwica ibihumbi by’impunzi z’abahutu zahungiye muri Zaïre, ubwo bwicanyi bukaba bwarakozwe hagati y’umwaka w’1996 n’1997. Karake yategetse DMI kwica ibihumbi byinshi by’impunzi z’abahutu zari muri Zaïre, DMI ikaba yarishe izo mpunzi izinize (asphyxie) imaze kuzikura mu makamyo zari zashyizwemo yagombaga kuzijyana mu bigo zagombaga kwicirwamo zitwitswe.
Hagati y’umwaka w’1994 n’1997, Karenzi Karake yakoze ubwicanyi bw’ibihumbi byinshi by’abasivili n’abasilikare maze abashyingura mu byobo rusange biherereye i Masaka hari icyicaro gikuru cya DMI, indi mirambo ayishyingura mu bice bitandukanye aho DMI yari ifite ibirindiro. Nk’umuyobozi mukuru wa DMI kandi afatanyije na Kayumba Nyamwasa wayoboraga abajandarume (gendarmerie) muri icyo gihe, Karenzi Karake yagize uruhare mu bwicanyi bw’ibihumbi byinshi by’abaturage bo mu bwoko bw’abahutu bari batuye mu majyaruguru ashyira uburengerazuba bw’u Rwanda, mu karere ka Gisenyi na Ruhengeri.
Karenzi Karake yemeye gushyira mu bikorwa ubwicanyi bwakorewe abatutsi b’abagogwe bari batuye mu turere tw’amajyaruguru dushyira iburengerazuba bw’u Rwanda no gusahura inka zabo nk’uko yari yabihawemo amabwiriza na Paul Kagame ndetse n’abasilikare bakuru aribo : Charles Kayonga, Kayumba Nyamwasa na Mubarak Muganga. Nk’umuyobozi mukuru wari ushinzwe umutekano w’igihugu n’iperereza, Karenzi Karake yagize uruhare mu gutanga amabwiriza yo kwica Colonel Patrick Karegeya ; mu mpera z’ukwezi k’Ukuboza 2013, Patrick Karegeya yishwe ahotowe umurambo we uboneka mu cyumba cy’ihoteli iri i Johannesburg muri Afurika y’epfo.]
“Umubyeyi gito araga umwana we ibyamunaniye“! Niba inkotanyi zimaze imyaka 30 zica abanyarwanda ariko kugeza ubu zikaba zivuga ko zitarabarangiza , ni izihe mbaraga zirusha izo Karenzi Karake yakoresheje Mignonne azaha inkotanyi nshya kugirango zirimbure abanyarwanda bose? “Umuheto ushuka umwambi bitari bujyane!” Aho gukomeza kubeshya abanyarwanda , Mignonne nabanze ashyire mu gisilikare cy’inkotanyi abana be aho kubohereza iburayi no muri Amerika, bityo azaba agaragaje ko yiteguye kuzanywera ku gikombe Kagame na Karake bazanyweraho!
Veritasinfo