H.E Kagame yigeze gusaba ngo ko bamukorera ubushashatsi ku gikera, twe twita nyamabondo cg umwega. NgoYigeze no kuvuga ku cyugu. Aho yagaragaje ko iyo cyurira igiti kigenda kijegeza ko cyumve ko igiti gikomeye. Ibyo nibishya kuri jye. Icyo nakibonyeho ni uko iyo cyurira kihuta ariko cyagera aho kigahagarara kigakanaguzwa nk’umujura. Kigira amaso manini. Niba ntibeshya ni icyo mu umuryango w’imiserebanya. Ikimata, kera tukiri abana batubwiraga ko ari impiri (ntibyari byo kuko ikimata gishobora kuba gifitanye isano n’ibinyabwoya n’ibinyugunyugu, sinkibyibuka neza).
Icyo nzi ni uko kigira amaguru magufi menshi asa n’arimo inzara zisobekeranye. Batubwiraga ko iyo kigufashe kimatira n’izo nzara kikinjira mu nyama, kinyunuza amaraso kigakurwaho no kubagwa. FPR ivuga ko ari umuryango w’abanyarwanda, izaducengezamo demokarasi. Nabyumvise gutyo, byakira gutyo, ariko nkabakabye ngo mbishyikire ndabibura. Ahubwo nasanze FPR ari icyugu kijegeza ngo kirebe cg cyumve uko abantu babifata ahasigaye cyongere umuvuduko mu kutwigarurira no kutumunga.
FPR ni ikimata cyamatiriye abo cyamaze kijegeza, kiri kunyunyuza kdi ntikizarekura hatazanywe umushyo. Aho kizava hasasigara ubumuga n’inkovu n’ubusebwa. Mu matora aherutse hari akaririmbo baririmbiye umutware bati ni ugufatiro nta kurekura.
Kdi icyo mukwiriye kumenya. Ngo umutware yigeze kuvuga ati igihe wababaje umuntu jya ugeza kure.
KUJEGEZA:
Iki igikorwa cyo kujegeza kigendana n’umugambi wa FPR wo gufata abantu bose nk’ibicucu. Umuyobozi umwe wo mu ntara y’uburengerazuba yavuze ko abanyarwanda tudashobotse ariyo mpamvu hagomba gushyirwamo ka rungu mu kubayobora. Iyo rungu nayigereranyije na kiboko. Hari abagera kure bakemeza ko nta wundi washobora u Rwanda uretse Kagame kuko ngo ari Makare.
Nk’uko byasohotse mu kinyamakuru umuseso, igihe Ingabire yazaga mu Rwanda abacurabwenge b’abongereza bateguriye FPR senariyo enye zo kumujegeza. Iyari ikomeye cyane kwari ukumufunga abantu bagasakuza bageraho bagahora. Iri n hame niryo rituma FPR yarigize ishyano, bazasakuza bagere aho bahore. Kagame we abibona ukundi kuko kuri we harimo n’abazahitamo kuzerera bavuga ubusa. Ari ugusakuza, ari ukuzerera ari ukuvuga ubusa ku bantu b’abagabo biragayitse. Byose ni ingaruka yo kujegezwa cg gutinya kujegezwa.
Hari abagerera FPR ni ikimashini bapakira abantu kigekanda, gikanda cyageraho kigacira, abatapfuye bakaba ari intere bavunaguritse badashobora gutera amahane. Hari nabayigereranyije n’ikimodoka gipakiye abantu, kitagira feri, kigeze Buranga gisubira inyuma kirabamara. Ubu busobanura bwose bwatanzwe kera kdi iyo urebye nibwo. Ubu tugeze Buranga, kugenda ntibigishobotse no guhagarara nabyo ni uko tugiye gushira.
Nabwiwe ko mu Rwanda hahoze ishyirahamwe ryitwa ATRACO ryari iry’abanyonga imodoka zitwara abagenzi. Mu rwengo two kwigarurira ubwikorezi bw’abantu FPR yarajegeje irakanaguzwa iravuduka. Amakuru nahawe ni uko bateje akavuyo, ku bushake, umwiryane muri iryo shyirahamwe, abahawe misiyo bavuga ko babona igisubizo. Igisubizo cyabaye koloneli Twahirwa Dodo.
Ngo ahageze yemeye inshingano ariko bakamwishyurira umwenda yari afitiye Banki. Ntibyatinze ATRACO yayigize iye abatwara ama bisi bateye amahane babajyana mu ngando zashojwe na Kagame ubwe aho yabihanangirije, ngo bamurebe birebe ngo n’iwe yinjira adakomanze.
Ubundi bongeye gusakuza babafatiye Kacyiru barabafunga. Ntibyatinze mu nama yaberye Nyandungu, irimo Kagame, ATRACO yashinjwe imiyoborere mibi. Bashinga RFTC itarashoboye gufata imodoka zose. Zimwe zicimbwa mu mihanda zikemererwa gukora ari uko zitanze ihoro muri RFTC, yaje no kwegurirwa ibituro by’amabisi byose ubu bikaba bivugwa ko ifite ibituro 12. Twibukiranye ko mu kujegeza imihanda ya Kanombe na Kabeza ariyo yaguzwe bwa mbere abandi bacibwamo. Dodo wari uyoboye ATRACO yashinzwe imikorere mibi yahawe kuyobora RFTC.
Ubu aho tugereye ubu RFTC yashinjwe kubamo injiji zizi gusakuza gusa isimbuzwa ikigo Jali holding Ltd kizaba kiyoborwa n’abize.
Kizinjira mu by’ubwubatsi bw’amazu, ubwikorezi burenga imipaka harimo indege no gushinga ibigo by’imari. Ukiyoboye ni Dodo wakomeje no kuyobora ibyo byasheshwe biregwa amakosa. Aha se ntimubona ko ari ukudutuka no kutugira injiji. Kuri ibyo byose Dodo ayoboye RITICO ikigo cyasimbuye ONATRACOM yahombejwe. FPR yaje ivuga ko izakorera u Rwanda. Ni gute inanirwa gucunga ibigo bya Leta, byayegurirwa bigakora neza? Ndabasabye mushyiremo mu mashini zanyu ago mazina murebe ishyano twagushije. Abataba mu Rwanda ntimushobora kumva ubukoroni bushya. Ababa mu nda y’ingoma kera ntibabyumvaga, uwo bigezeho niwe ubyumva neza.
Twibuke ko FPR ikigera mu gihugu yasanze iposita ariyo itwara ubutimwa bwa Leta, icyo yakoze ni ugushinga ibigo byayo bikaba aribyo bitwara ubwo butumwa. N’ ATRACO ya DODO yarabutwaraga kdi icyo gihe iposita yari ifite imodoka. Murebe kiriya kigo kitwa Electrogaz, mubare inshuro kimaze guhindurirwa amazina. Mu Rwanda uko ikigo gihinduriwe izina cg gihawe umuyobozi mushya kigomba kwirukana abadashakwa, akenshi hari ubwo aribo baba batumbirwe. Urugero ni WASAC, amavugurura aheruka yatumije abanya Kenya ngo babe aribo batanga ibizami ku giciro cya milioni 61. Bivugwa ko ni umwarimu wo mu mashuli abanza yari kugitanga.
Ibaze kuba umwanya uriho ushyirwa ku isoko utemerewe no kuwupiganirwa. Ikindi cyamenyekanye ni uko amanota yatanzwe n’abakoresheje ibizami atarariyo yagendeweho bashyira abantu mu myanya cg ikaba waratsindiye umwanya ukagenerwa undi. Ntibyatinze mu gusenya Musoni James, Kagame ubwe yavuze icyenewabo mu kazi no kumira imihanda (byerekezaga kuri Musoni). Ntibyatinze hasohoka ibaruwa iriho abantu bahawe akazi kubera ikene wabo n’inkomoko muri WASAC bitegetswe na Musoni. Ubu Musoni ari he? Ahagarariye u Rwanda muri Zimbabwe nyuma yo kwandagazwa. FPR yakunze kuvuga ko mu Rwanda wavunaga umuheha ukongezwa undi. Mu myaka yose maze ndiho ndi mu Rwanda. Nta gihe ivanguramoko, nkomoko, itonesha no kuvuna imiheha n’agasuzuguro, byabaye nk’ubu. Duhereye ku bishe abantu, bagororewe amapeti, imirimo no gukora icyo bashaka. Reba bariya bashinjwe ibyaha nka Mutsindashyaka, Musoni, ba bana ba Kanembwe ya mbere n’abandi…Ikibabaza kdi gitera umujinya ni ukuvuga ngo wirukanye abadashoboye uzanye abashoboye warangiza ugaha ikiraka uwo wirukanye cyo guhugura abinjijwe mu kazi. Nguko uko twagizwe ibicucu kuko turi kumwe n’abantu b’incerenganya bigize inzobere mu kujuragiza abantu no kubatesha umutwe, muri make kubica urubozo. Iri ni iyica rubozo, ni ukumunga umubili n’intekerezo ngo abantu bapfe ntawe ubakozeho. Mu gucunaguza imfungwa FPR ngo ibabwira ko yo itazakoresha imipanga ko ikoranabuhanga/bubingwa ryaje. Nguko uko abantu bari gufatwa n’uburwayi bunyuranye bukabahuta.Abafaranza baravuze ngo uwigira umunyabwenge bwinshi rimwe na rimwe aba ari igicucu. Nguko uko tuyobowe n’ibicucu byigize inyaryenge.
Nsekalije yabaciriye umugani.
Ngo abantu bariho barya inyana, nyina irisha hirya bati kiriya gicucu cy’ikiragi buriya ugirango kizi ibyo turimo. Ngiyo imyumvire y’inkotanyi, imyumvire y’aba kera yo kwigarurira abantu no kubanyunyuza wibwira ko batabizi, batabibona.
Hari abaturage bw’igihugu runaka ngo bashobora kwica umuntu buhoro, bamusekera bamubaza niba ababara. Nguko uko tubayeho. Babwira ko dupfa tutababara.
FPR itaragira inka b nyinshi yabuzaga abantu kuzana amata bayakuye mu ntara cyane za Gitarama. Hari ubwo bakoze umukwabu wo kuyamena niryo jambo ridakwiye nkoresheje. Babujije abantu gutwara amata mu majerekani. Ibyo byose ubu birakorwa kuko inka ni izabo.
Mu gihe cyashize bategetse abaturage b’abakarere ka Nyanza kugurisha amata abantu babili gusa. Bari bafite icyuma gitobora ibicuba ku unyuranyije n’iryo tegeko umugi wose utemba amata, ubanza hari uwabagaye, bazana ibigunguru bakayasukamo. Aho barimo bajegeza kuko bateganyaga kubaka amakusanyirizo yabo. Reka mbereke ku ijegeza ryabaye. Bamaze kuzuza isoko rya Butare bafunze amaduka yose babona birashoboka. Bahise babikora mu Ruhengeri, babikora Nyabugogo bajya kwa Mutangana, Babikora Matewusi bajya Chic, babikora ku Mulindi wa Kanombe, babikora ku tuzu tw’abaturage bo ku mupaka wa Kanyaru ya ruguru. n’ibindi ntarondoro. Basenye hotel ya Rwigara babona biciyemo bahita basenya n’iya Ndamage. Bazasenya n’izindi.
Nkivuga ku Mahoteli iriya hoteli ya Ndamage bayifunze yuzuye abakiriya igihe I Kigali hari inama ikomeye ibyo bayiregaga icyo gihe byagaragaye ko ari ukubeshya. Abo bakiriya bavanwemo nyuma iregwa ibyaha bishya byayihitanye.
Mu bihe byashize bafunze amahoteli 13, murebe neza ibyo bayahoye mumbwire ko iyo kwa Mutangana yari gusigara. Idirishya ry’igikoni cyayo,ahari n’amasahani n’amasafuliya hegereye kandi herekeye isoko ry’imbuto, inkoko. n’inkwavu n’ibimpoteri byaryo. Mwibaze umwanda uhari.
Umuntu yariho aganira ni uwo indagu ya Magayane yagezeho, aramubwira ati sha FPR yaragukijije, nyakugirimana ati FPR ntikiza abantu, ibaha uburyo bwo gukora.
Koko rero izagufungira undi imufungurire, izagusoresha undi imusonera, izagusenyera undi imwubakire, izagucunaguza, undi imutake ibisigo n’ibisingizo, izaguca mu muhanda undi iwumwegurire…. None se ubu murabona turiho cg twarapfuye. Turi muri cyami, turi muri repubulika, turi muri gikoloni cg turi mu cyo ntazi!!
Dore amajegeza agezweho. Nyuma yo kubona ko gushyikira ibya rubanda ibahaye ingurane idashyitse bicamo, ubu, yifashishe Karera wasenye iposita ya Kacyiru, ari kujegeza b Bannyahe ngo arebe ko byacamo ihite yirara no mu bandi.
Hari ni undi u mushinga wo kubuza abantu gukodesha mu duce tumwe bazasebya kugirango bimukire mu macumbi bazana bamaze kubaka.
Barajegeza ngo barebe ko bicamo, bakanaguzwa nk’abajura, kdi nibo. Niyo babonye bitaza neza baravuga bati reka tubikore bazasakuza bahore.
Muzandebere neza niba bataragerageje ngo barebe ko jenosidi ishoboka muri za 1990 cg ubu?
Numvise ngo igihe bakubitwaga inshuro bwa mbere bavuze ko batsinzwe n’ubumwe bw’abanyarwanda basubiye i Bugande bazagaruka butagihari. Siko byagenze. Barajegeje, bacanye amaso, barajegeza babonye icyuho mu njiji zariho icyo gihe bariruka bafata u Rwanda abandi bakivuga ngo ntawukanda Burende.
Mu kujegeza no kwica ubwonko bashoboye kumvisha abanyarwanda Leta zabanje zashatse kugira u Bugesera u Butayu ngo bamare Abatutsi. Antoni Mugesera iyo nyigisho yayivuze M kenshi.
None se u Bugesera bwari butuwe n’abatutsi gusa! Iyi Leta ni gatumwa. Ni gatanya miryango. Ni kirimbuzi.
Aka nkazanyemo kugirango mbereke ko ntaho ibyugu bitazageza ngo bibone uko byigarurira akarere n’u Rwanda by’umwihariko ngo bimunge, bimate, binyunyuze kugeza igihe abahanga mu bya jiririjiya bazana umushyo. Nyamuna muzitwaze n’abakansalazi.
Mwabonye ko bashinjwa kujegeza u Burundi,n’ubugande ngo babigarurire kdi babamunge.? Bariya ni
Ibyugu- bimata, ni danje. Nizere ko batavuga ko mbahimbye amazina yo kubategurira jenosidi kuko ayo H.E Kagame yavumbuye ni menshi wongeyeho aya mu7 (nguruwe na….)
Mpogazi Gitaminsi
