Amakuru ava ikambere yatangajwe na Radiyo Itahuka bayagejejweho n’umwe mu b’ikambere utishimiye ingoma ya Kagame, yatangaje icyo mubyara wa Kagame Capt Rushema Joseph yazize. Inkuru yuko yabuze ikimenyekana, byari byavuzwe ko yazize amagambo yavuze none inkuru ibaye impamo yazize ibyo yavuze kuri Jeannette Nyiramongi.
Capt Rushema iyo ataza kuba ari mubyara wa Kagame ubu utwatsi tuba twarangije kumera kumva ye kuko nubwo yavuze ibyo abanyarwanda benshi dusanzwe tuzi, kirazira mu Rwanda kubivuga cyane cyane iyo ugaruye ibigwi bya Nyiramongi mu buto bwe, cyane cyane inkuri tuzi twese yuburyo Kagame yahaye inshyi Nyiramongi amaze kumenya ko hari umwana yabyaye hanze yari yaramuhishe.
Icyo twabwira Kagame na Nyiramongi nuko nta muryango utagira ikigoryi kandi baravuga mu Kinyarwanda umusazi arasara akagwa kw’ijambo. Ikindi kandi nuvuze ko nyiri rugo yapfuye ntabwo aba ariwe umwishe. Reka tubitege amaso kubera ko Capt Rushema ari ihurizo rikomeye k’umuryango wa Kagame. Agatinze kazaza ni amenyo ya ruguru!
