Perezida w’ishyirahamwe ry’umupira w’amaguru mu Rwanda ari we Nzamwita Vincent de Gaulle yasabwe kwegura na bamwe mu banyamuryango ayobora
Nk’uko bigarargara mu ibaruwa Kigali Today ifitiye kopi, Bwana Nzamwita Vincent de Gaulle yasabwe n’ikipe ya SEC ko yakwegura kuri uwo mwanya kuko atagifitiwe icyizere n’abanyamuryango ayobora.
Nzamwita Vincent ,umuyobozi wa FERWAFA
Muri iyo baruwa, iyi kipe yagaragaje ingingo zigera kuri eshanu zagakwiye kuba zituma uyu muyobozi yegura ku mirimo ye, aho ahanini banagarutse ku isoko ryo kubaka Hoteli ya Ferwafa, isoko ryatumye ubu umunyamabanga wa Ferwafa Mulindahabi Olivier ari mu maboko y’ubutabera, ndetse na Perezida wa Ferwafa ubu akaba ari gukirikiranwa n’urukiko n’ubwo we adafunze.
Bakomeza kandi bamushinja ko kuva yatorerwa kuyobora Ferwafa ataratanga raporo y’ibikorwa n’imari, ndetse no kuba mu isoko ryo kubaka Hoteli ya Ferwafa abanyamuryango batigeze babimenyeshwa kandi babifitiye uburenganzira.
Ibaruwa yandikiwe Perezida wa Ferwafa bamusaba kwegura
Iyi kipe ya SEC ni imwe mu makipe yagiye azamura impano nyinshi z’abanyarwanda mu mupira w’amaguru, ubu ikaba inafite ishuri ry’umupira w’amaguru rizwi nka SEC academy.
– See more at: http://kigalitoday.com/imikino-11/football/article/perezida-wa-ferwafa-yasabwe-kwegura-ku-buyobozi#sthash.gcISL4Yr.dpuf
