Chris Kamo
Kereka utareba ngo asobanukirwe n’ibiri kubera muri Village Urugwiro naho ubundi ibintu birakomeye ukurikije ibiri kuba kuri Musoni James. Muti kuki? Niba umuntu nka Musoni James ashobora kuva mu bushorishori akagwa hasa kariya kageni nuko ibintu biba bikomeye. Kandi ibya Musoni n’ibirebire ndetse bizahitana abantu benshi cyane. Uwavuga ko byahereye kuri Jeannette Kagame, hagakurikiraho Jack Nziza none Musoni James akaba ariwe utahiwe ntabwo yaba abeshye.
Niba Musoni James ashobora kugirwa ikigarasha aka kageni noneho nimutekereze ibyo Jeannette Nyiramongi arimo gukorerwa kuri Muhazi. Ariya mafoto mumubonamo nyuma yaho tumenye ko yabyaranye na Gasana Eugene ntibikabakange kuko urebye ubu Kagame na Nyiramongi biyemeje kuduhisha ko ibyabo byarangiye kubera inyungu bombi babifitemo. Sinzi niba hari uwashidikanya ko ubu Kagame na Nyiramongi batakiryama ku gitanda kimwe. Mwaba mwibuka ingufu cyangwa inshuro nyinshi Jeannette Nyiramongi yabonekaga mu ruhame inkuru ya Gasana itarajya hanze? Noneho rero muzarebe inshuro Jeannette Nyiramongi ubu aboneka iruhande rwa Paul Kagame.
Ikindi kandi muzitegereze Kagame muri iyi minsi muzasanga ameze nk’umuntu utishimye nubwo no kwishimya bye ntabyo tuzi. Abafite ingo n’abagore muzi neza ko iyo utishimye mu rugo hari igihe bigaragara k’umuntu. Muribuka mbere yuko tumenya ko Jeannette Nyiramongi yabyaranye na Gasana Eugene muribuka uburyo abana ba Kagame birirwaga mu binyamakuru reka sinakubwira ngabo Ian na Brian barakina Basketball cyangwa Football none ubu ngubu kubaca iryera cyane cyane wa muhungu wa Gasana ni hamana!
Njye mpora nsaba imana ngo izampanire Paul Kagame kubera abanjye batagira ingano yakuye kuri iyi isi igihe kitaragera none imana isa nkaho yumvise amasengesho yanjye kuko niba hari umuntu uzapfana agahinda umutima we warabaye nk’ikara ni Paul Kagame. Nawe reba ukuntu imana ari nkuru Kagame azapfa azi ko hari umugabo witwa Gasana Eugene waryamye mu gitanda cye. None mw’abagabo mwe mufite abogore muri gusoma iyi nkuru, mwabyifatamo gute mumunye ko hari umugabo wari uziko ari inshuti waguciye inyuma.
Ongeraho rero uko wabyifatamo uramutse umenye ko umwe mu bana bawe wari uziko wabyaye atari uwawe! None se murumva ya MANA yacu itaratwumvise? None muribaza agahinda n’umujinya Paul Kagame azapfana. Yewe ibi ntaho bitaniye no gupfa uhagaze! None hiyongereyeho Musoni James. Namwe mufite inshuti musangira ndetse mukorana ubucuruzi cyangwa n’ibindi maze mutekereze uko umutima ugukomanga iyo ugiranye ikibazo n’umuntu w’inshuti magara. None se murambwira ko Kagame aryama agasinzira? Ibiri gukorerwa Musoni ntaho bitaniye nibyo Jeannette Nyiramongi yakorewe cyangwa arimo gukorerwa. Gusa njye umbabaza n’umwana wa Gasana kuko atariwe wateye inda yavutsemo kandi sinawe watanze ku matunda y’abandi.
Njye iyo nkoze isesengura nsanga Musoni James atarimo kuzira amafaranga, ruswa cyangwa n’ibindi. Musoni James arazira ibintu bikomeye kandi birebana na Kagame na Nyiramongi. Abibwira ko Musoni azafungwa akajya mu nkiko muribeshya. Kandi biramutse bibaye Musoni akemera ko azira ruswa cyangwa yibye amafaranga muzamenye ko ari ikinamico cyangwa se bamuhatiye kubyemera gutyo kubera ubwoba bazaba bamuteye. Ubu ibyo bategeka Musoni kwemera byose yabyemera kuko niba ari mubibazo nukuvuga ko n’umuryango we wose uri mubibazo kandi ibyo yakwemera byose yabikora mu rwego rwo gukiza amagara y’umuryango we.
Ubu Kagame afite ikibazo gikomeye kuko kwica Musoni ubu bidashoboka, kumufunga nabyo agomba kubona impamvu, kumureka akidegebya byo sinzi niba bizashoboka. Ubu muribaza ibyo Kagame yakorera Gasana Eugene aramutse amubonye? Mwabonye ibyo yakoreye Col. Karegeya, mwabonye ibyo yashatse gukorera Gen Kayumba Nyamwasa, noneho mwibaze ibyo arimo gukorera Musoni James.
Njye nitegereje Musoni James ubwo yarimo aha Gatete urufunguzo rwa Minisiteri yayoboraga ariko nabonye ameze nk’igishushungwe. Ndetse iriya pantalo yari yambaye iragaragaza ko yataye ibiro kuburyo uwavuga ko iyicwa rubozo arimo gukorerwa rirenze ukwemera. Nawe se ntagifata telefoni, ntagisohoka uko ashaka ariko njye impuhwe nzifitiye umugore we n’abana kuko ubu bagiye kuzira ibyo batazi.
Mumenye ko ibiri kubera muri Village Urugwiro atari ibuntu byo gukinishwa ndetse njye sinabura no kuvuga ko nihagira ikintu kiba mu Rwanda gikomeye mu mezi ari imbere ntihazagire uwo bitangaza. Hari abantu bagiye gutakaza imyanya, hari abagiye gufungwa ndetse hari n’abagiye gupfa. Nimwumva ngo hari uwapfuye aguye ku madarajya nka Mucyo ntihazagire uwo bitangaza. Nimwumva ngo hari uwapfuye aguye mu mpanuka nka Dan Gapfizi ntimuzumirwe. Nihagira abaraswa bashaka gutoroka ntibizabatungure. Nihagira abapfa bapfuye urupfu rutunguranye bizabatere kwibaza byinshi. Nihagira abapfa bakavuga ko biyahuye bazabibutse ibya wa mucuruzi w’i Rwamagana. Nihagira ababurirwa irengero ntibizaba bibaye ubwa mbere naba Col Cyiza ntibarabona imirambo yabo kugeza ubu. Kagame niwe ukunda gukoresha aya magambo mu cyongereza “It’s a matter of time” utumva ikizungu arebe uwo abaza icyo bivuga nibwo uzasobanukirwa n’imikorere ya Paul Kagame. None ejo bundi Kagame ati: “Nakubikaho urusyo” ubwo se icyo Kagame akora atakivuze niki?
Nshaka kurangiza mbwira umuntu uri busome iyi nkuru ari mu Rwanda akaba akiruka inyuma ya Kagame na FPR ko igihe kigeze mukareba inyugu z’igihugu n’ibyo muzasiga cyane cyane abafite imiryango n’abana. Koma amashyi uramye Kagame ariko utange rwihiswa umuganda wo kurandura imizi ya Kagame na FPR kuko ingaruka zibyo bari gukorera u Rwanda zizagera kuri buri muntu wese yaba umukunda cyangwa umurwanya. Igiti iyo kiguye uko udashaka cyangiza byinshi ariko iyo kiguye uko ubishaka hari igihe kigwa cyonyine. Nawe rero haguruka maze dufatanye turebe uburyo twagusha icyi giti Kagame na FPR kitisasiye benshi cyangwa byinshi.