Nk’uko ikinyamakuru UKWEZI kibivuga, Andrew Mwenda, umunyamakuru ukunze gusesengura cyane ibya Politiki yibanda ku karere k’ibiyaga bigari, yasohoye inyandiko mu kinyamakuru ke the Independent agaragazamo ibyagiye bizambya umubano w’u Rwanda na Uganda, ibyo yagiye aganira na Perezida Kagame ndetse na Museveni, anahishura uburyo Perezida Museveni yagiye amusezeranya kureka kubangamira u Rwanda ariko ntabikore.
Uwavuga ko Andrew Mwenda abogamye umenya ataba abeshye. Mu nandiko ye yibanze cyane k’ubyo Uganda cyangwa Museveni yakoreye u Rwanda cyangwa Kagame ariko ntiyavuze ibyo U Rwanda cyangwa Kagame baba barakoreye Uganda cyangwa Museveni. Kuko nabyo ni byinshi n’uwabirondora ntiyabimarayo.
Andrew Mwenda mu nyandiko ye yavuze ko Uganda ariyo izabihomberamo cyane uyu mubano nukomeza kuzamba. Nanjye nkibaza ari Rwanda na Uganda ni kihe gihugu cyahomba cyane? Njye ku bwanjye mbona u Rwanda arirwo rwahomba ugereranije n’uko rungana nk’urushyi rw’ukuboko.
