Ninde wabeshye Koffi Olomide k’ inshuti ye Me Toy Nzamwita yazize impanuka y’ imodoka aho kuzira ko yarashwe na polisi ya Kagame?

Mbere yo gutangira kuririmbira muri Kigali Convention Center, Koffi Olomide yasabye abakunzi be gufata umunota wo kwibuka inshuti ye Me Toy Nzamwita warashwe na polisi ya Kagame mu rukerera rwo ku wa gatanu ubwo yari avuye gusuhuza mucuti we Koffi Olomide.

Igitangaje nuko Koffi Olomide yabwiye abakunzi be ko Me Toy Nzamwita yazize impanuka y’imodoka aho kubabwira ko yarashwe na polisi. Ese haba hari uwahaye amakuru atariyo Koffi Olomide? Ese Koffi Olomide yaba yari azi neza icyo Me Toy Nzabamwita yazize ariko nawe akaba yagize ubwoba busanzwe mu banyarwanda bwo kuvuga ukuri bwuwishe mucuti we Toy Nzamwita. Twizere ko Koffi Olomide nagera i Kinshasa azikosora akabwira isi yose uwishe mucuti we Me Toy Nzamwita.

Iyumvire aho Koffi Olomide asaba umunota wo kwibuka mucuti we Me Toy Nzamwita ariko akabeshya abakunzi be icyo yazize:

Eric Nkusi
Kicukiro, Kigali
Rwanda