Thomas Sankara
Umwami wacu Yesu yaravuze ati: “Naje kujugunya umuriro mw’isi, none niba umaze gufatwa ndacyashaka iki kandi?” Ku bantu babaririza icyo mvuga kuri Kizito Mihigo, icyo ni cyo gisubizo mbahaye. Jyewe ndi umubibyi kandi nababwiye ko uwo nteye ikinonko atava hasi, n’uwo njya gusiga ndamurinda.
Natangiye cyera mvuga ko Kagame ari we wica , wiba, unyereza abantu n’ibintu, nkavuma, ngategeka, ibintu byose ndabitegura, nerekana imbaraga z’abacitse kw’icumu, mvuga nuko bizajya bigenda nibazajya bicwa. Mvuga ku rubyiruko, ntanga n’inama kuri uyu mwaka ko abantu bareka gusuzugura abandi kuko ushobora gusuzugura ugusumba utabizi ugapfana ubworo. None ubu aho ibintu bigeze namwe murabibona.
Nabwiye Kabarebe mu minsi mike ishize nti ibi bintu watangije uroga urubyiruko, ni akazi kawe! Naranabavumye kandi simvumura! Nababwiye ko kurwanya ibyo navuze ari ko kubisohoza. Nta kintu na kimwe wabihinduraho kandi ntiwashyikira codes zabyo nubwo wateka ibuye rigatota, amaherezo y’inzira ni munzu.
Navuze umuvugo witwa “Imyaka makumyabiri” hari kw’italiki 5/4/ 2014 ni bwo nawushyize hano ku rubuga. Muri uyu muvugo navuze mo ibyanyu mwese banyarwanda, by’umwihariko mvuga mo umuhanzi Kizito, bwakeye twumva ngo mwamutambikanye. Ibyanyu byose birimo, buri muntu yumve ibimugenewe.
Abamwishe rero reka mbasemurire mutumvirana. Bivuze ko mwigaragarije isi ko ntaho mutandukaniye n’Interahamwe. Bwa bumwe n’ubwiyunge mwirirwa muvuga ngo mwagezeho, ubungubu noneho bugomba kugaragara. Ntabintu byo kubeshya Abanyarwanda ubwiyunge bw’abicanyi. Guhera ubu abantu bo mu Rukiga(Byumba, Ruhengeri na Gisenyi), bagomba kwera nabo bakiraburira ababo mwishe kandi mukomeje kwica. Abo muzindi ntara, muceceke Imana ntirobanura ku butoni kandi ntirenganya.
Guhera ubu noneho, n’iyo cyaba igiti cg ibuye ry’uRwanda nkanswe abantu, ubu aho mvugiye aha Imana Irarizanisha agakiza ko gukiza u Rwanda. Na bya bigambo bya Tom Ndahiro, bizajya bigaruka bibarase kuko yitwaje amaraso y’abacu ageraho ararengera akora kuri umwe muri twe, Aloys Simpunga. Wawundi, umwe muri babandi Imana yaririmo kirya gihe (1994), ikamukoresha ibikomeye. Mbisubiye mo wa Ndahiro we! Usuzugura umusumba apfana ubworo. Aloys Simpunga, ahagarara hepfo yawe akagusumba, yahagarara haruguru akagusumba.
H.T. Sankara, uw’i Karongi k’umuremure w’abeza n’abesa!