Uwahoze ari umutoza wa Chelsea kuva mu mwaka wa 2011-2012, Andre Villas-Boas yavuze ko Real Madrid yakoze ikosa rikomeye ryo kureka Ronaldo akerekeza muri Juventus kuri miliyoni 100 z’Amayero.
Aganira n’ikinyamakuru cyo mu Butaliyani cyitwa “’Corriere dello Sport” Uyu mugabo w’imyaka 41 yibajije uburyo umukinnyi nka Ronaldo ufite akamaro gakomeye agurishwa miliyoni 100 gusa z’Amayero.
Yakomeje agira ati “Naratunguwe cyane, sinumva ukuntu abantu batekereza bagurisha Ronaldo miliyoni 100, Juventus yakoze akazi gakomeye cyane ndayishima, Abamugurishije sinzi niba barungutse mu buryo bw’ubukungu, gusa bakoze ikosa. Juventus ubu ni ikipe ikomeye cyane kubera yibitseho uyu musore.”
Mu mikino 15 Ronaldo amaze gukinira ikipe ya Juventus yayitsindiye ibitego 9.
Uretse Andre Villas-Boas unenze Real Madrid ku kuba yaragurishije Ronaldo, n’uwahoze ari perezida w’iyi kipe Ramon Calderon nawe yanenze Frorentino Perez wagurishije uyu mukinnyi.
