Kagame azicuza ibyo yakoreye uwo bigeze kujya bita Super Minister Musoni James muti gute! Tuvuge ko ibyo barimo kuvuga bishoboka, Kagame bakaba baramubaze mu bwonko kandi igihe icyo aricyo cyose dushobora kumva ngo nawe yasanze benshi yohereje IWABOWATWESE kandi akagenda ntawe ateguye ngo amusimbure. Abibwira ko Ange Kagame yaza nkiya GATERA ngo agiye nawe gufunga no kwica abantu nkuko ise yicaga musubize amerwe mw’isaho!
Uwavuga ko Ex Super Minister Musoni James yari mu bantu bacye bashoboraga gusimbura Kagame bigashoboka ntabwo yaba yibeshye. Musoni azi amabanga menshi y’icyama, yibanye na Kagame, Kagame yamweretse inshuti ze nyinshi zikomeye zo hanze, yayoboye minisiteri zikomeye kuburyo wavuga ko ari inararibonye mu kazi kurusha Ange Kagame n’ibindi ntarondora.
Kubera ubwoba bwa Kagame no kugira ishyari ryuko hari undi muntu watinywa cyangwa agakomera nkawe na nyuma yuko abazungu benshi bamubwiyeko umuntu babona wamusimbura ari James Musoni, Kagame aho kubibonamo umugisha we yahise abibonamo ikintu kibi kuburyo yahise yiyemeza kurandurana imizi wa mu Super Minister we, Musoni James.
Muribuka byatangiye amutamariza mu ruhame ngo ahagarika akazi iyo anyuze kuri airport kubera kumwitaho bagakabya kandi mwibuke ko uyu Musoni icyo gihe ariwe wari Minister w’ibikorwa remezo. Nyuma y’iminsi micye Kagame yategetse ko bamuhimbira inkuru yuko yatwaye umugore w’abandi cya kinyamakuru cye igihe.com baba barabyanditse induru ziravuga nyuma y’iminsi micye aba amushyize ku gatebe.
Ibyo Kagame yakoreye Musoni ni ikosa nawe atagobye kwibabarira kuko yakomerekeje bikomeye umuntu yakagobye kuzitabaza kubera uburemere yari amaze kugira abukuye kuri we. Ubu sinzi ko hari uwakongera kumwera niyo yamugarura amukuye iyo yamujugunye mu rwabayanga iyo muri Harare. None ubu Kagame ukeneye abantu bari bazi system ye neza turi kumva ngo yahaye ububasha umukobwa we Ange Kagame nkeka ko umubajije amazina yaba guverineri b’intara za se atabakubwira bose.
Reka ndangize mbasaba gusenga cyane kuko kiriya gihugu cyacu kiri mu bihe bikomeye aho perezida amara amezi arenga abiri ntawe umubonye mu ruhame gusa ari ukumubona mu mashusho. Yaba arwaye yaba atarwaye twizere ko aramutse yongeye kuboneka mu ruhame twamusaba ko yatangira gutekereza ukuntu yahita atangira gutegura uzamusimbura apfa kudategura umukobwa we Ange.
Francis Kayiranga
