KAGAME yishe abahutu benshi yasanze mu Rwanda akurikira abandi bamuhunze abicira muri Congo, arahindukira yica ABATUTSI mu Rwanda bamunenze ibibi babonaga akora bitandukanye nibyo bari biyemeje betera igihugu, arahindukira abatutsi bacitse kuri iryo cumu rye baramuhunze abasanga iyo bamuhungiye arabica abandi arabahusha, none ubu abatutsi bavukiye mu bihugu duturanye ababujije amahwemo mu karere cyane abo muri Congo yihishe inyuma ya M23.
Ikibabaje nuko aba batutsi FPR yaje ibeshya ko izabakiza bakayifasha maze baritanga bivayo ariko na nyuma yo kumenya ko babeshywe abenshi baracyayikomeyeho kabone n’ubwo yagiye ibakoramo ariko igihango bayigiriye ntibashaka kwitandukanya nacyo kugeza ubwo inica umuntu wabo babizi babibona ariko disi bo bakivugira ko ari interahamwe, FDLR, abagizibanabi.
Ntibaragira umutima wo kwitandukanya nayo ngo bayishyire hanze bayandike bayivuge ubugome bwayo bivuye inyuma. Nta muntu FPR yitayeho, FPR ni ikiryabarezi, ikorana n’imbaraga z’ikuzimu, intore izirusha intambwe yabahahiye kwa rusoferi mukuru! FPR itangaho abanyarwanda ibitambo by’umwijima ikuzimu, muzasesengure indahiro yayo, ahubwo umuntu uziko yayirahiye agomba kujya gusaba kubatizwa akiyeza n’aho ubundi yanywanye na shetani nta buhungiro.
Muzitegereze nanone FPR yose kuva yabaho isingiza ikimana cyayo Kagame, nta Kagame nta Rwanda, nta buzima, nta mahoro, nta terambere. Abandi bose bagenda bakurikira buhumyi, ninde se wo muri FPR utarakoze amakosa uretse Kagame? Ubwo kandi bijyanisha n’igihugu mu Rwanda abantu bose bafite ubusembwa, ntawatekereza bizima, nta munyabwenge uharangwa kereka Kagame niwe wenyine usumba byose, ushobora byose! Mu Rwanda baratumaze babona ntibihagije ubu ikigezweho ni ibihugu bituranyi n’amahanga nabo ari kubazonga.
B.RUTINYWA
Umusomyi wa Rugali
