Ariko Leta ziragwira!! Leta ya Kagame uwayiroze ntiyakarabye! Uzi gukura umuntu amata ku munwa yaragiye kuyanywa bakayamutesha kandi inzara imumereye nabi amaze iminsi nta kintu ageza ku munwa? Namwe mwishyire mu mwanya w’abo baturage bari bajyaniye ibiribwa bikarangira leta ibibatesheje!
Nkuko bikomeje kuvugwa abanyamakuru babiri ba Aflimax TV ngo batawe muri yombi n’abapolisi bazira kuba hari ibiribwa bajyaniye bamwe mu baturage babatakiye ko barimo bicwa n’inzara kubera Covid-19. Hano umuntu yakwibaza niba aribo bambere babikoze cyangwa niba hari ikindi kintu kibyihishe inyuma? Aba banyamakuru se baba barimo bazira ko bari gushyira hanze ibibazo by’abaturage leta yagombye kuba yarabonye ikaba yarabishakiye umuti? Ntagushidikanya kuri iyi ngingo.
Ariko se koko R.I.B. izakora insyo zo kugereka ku bantu kugeza ryari ? inzego za leta zahindutse insyo zo gusya abanyarwanda nkuko Kagame yabyivugiye ?
Umunyamakuru w’Umubavu TV arazira ngo guha amafaranga abo agiye gushakaho amakuru no kuba atubahiriza ibyemezo byafashwe byo kwirinda icyorezo cya Coronavirus. Nibyo se koko ibi nibyo azira? Cyangwa hari ikindi kibyihishe inyuma? Abasesengurira hafi bavuga ko azira ko yavuganye na Madame Ingabire Victoire, akavugana no kwa Barafinda, akaba yerekana ibitagenda. Umunyarwanda yaravuze ati: RIB ni ibyihebe, bangamwabo n’ibiharamagara!! Mwa mabandi mwe muzatwica mpaka hasigaye abo mwibyarira.
Ni ukuvuga ko yafashwe mu rwego rwo gukeka ko ubutaha yazasaba imfashanyo akayishyirira mu mufuka. Ariko se ubwo bakoresheje iyihe mashini ngo bamenye icyo azakoresha amafranga ataranasaba….
Ariko noneho ibyaha biragwira ! None se icyaha yakoze ni uko yafashije abantu ashaka kubona inkunga yisumbuye ? ahubwo iyaba n’abandi babikoraga uko bagafasha leta.
Undi munyarwanda nawe ati: Uwabishobora yahunga igihugu cy’ u Rwanda kuko bimaze gutera iseseme urwango twanze interahamwe kubera amahiri yazo ndabona leta ya kagame yarakubye kabiri. Njye mbona nta muntu numwe wemerewe kwica mugenziwe. Gufasha n’icyaha gihanwa n’irihe tegeko mu mategeko y’u Rwanda? Muzashimishwa n’imirambo y’inzara? Genda Rwanda ugeze ahakomeye! Theoneste niyihangane ahubwo gusa yirinde kurara mu mashuka cyangwa kugira aho ahurira nayo ibindi bizagaragara.
FPR rwose jye reka mbagire inama mufite imbaraga hanze nyinshi mwashyizeho ikigega tugashyiramo amakarito cg se undi mugambi wubaka mukareka kwiha urwamenyo! Ese ubundi kuki mubabazwa n’uko amafaranga ayakura hanze si abanyarwanda bayamuha? Leta nishyireho ikigega kigenga tubafashe duterure amakarito ibyuya bibire ariko amafuti nk’ayo ahagarare. Mukomeje guhimbira ibinyoma abantu mubashinja ibinyoma Na kizito mutaramukira. ISHEMA TV ni mwe dusigaranye, ni mwe kinyamakuru cyonyine gisigaye mu Rwanda hose ntucike intege kubwa mugenzi wawe naho nawe bakujyana ibyo muzira turabizi mukomere kuko icyo murwanira kirihafi n’ubwo gikomeje kubasharirira.
Mwibuke ko n’ubwo mwirirwa mu baturage mwerekana ko babayeho nabi ntabwo Leta ibishaka. Leta y’u Rwanda ihora yereka amahanga ko abantu babayeho neza, ko nta nzara iri mu Rwanda. Uwomunyamakuru yarenganye, Ububagiye kumushinja ko yangisha abaturage ubutegetsi buriho. ahaaa abanyarwanda twaragowe pe! Nonese ibimenyetso birihe ko yashakaga kurya ayo mafaranga? Uko n’uguca intege abandi banyamakuru berekana akarengane k’abaturage mu Rwanda.
Nonese uwo uri hanze ntiyamuhaye ayiwe yateruriye amakarato koko ? Nonese ikibazo kiri he? Ese icyaha yakoze n’ikihe ? N’uko se yahaye abaturage ibyo bihumbi 20 ? Noneho mushakako bicwa n’inzara bagashira ! Yewe Evode yarabivuze ko muri agatsiko k’amabandi yitwaje intwaro ngo nayiwe ngaho nzabandora!
Bayobozi b’u Rwanda mwahagaritse kurenganya abanyarwanda! Kuki muzira uwimereye neza??? None se niba yabonye inkunga yo gufasha abarimo kwicwa n’inzara mwe murimo kubyishyirira mu mifuka yanyu ikosa yakoze ni irihe?
Uko murimo kumugaraguza inkoni n’ibibuno by’imbunda mwibuke ko namwe mufite umubiri nk’uwe. Na we ni umuntu nka kandi mwibuke ko muva amaraso nka we! Ibyo mumukorera byose Imana irabireba.
Gusa reka mbe mbwiye Cyuma yuko agomba kwirindira umutekano cyane kuko atangiye gukundwa n’abantu benshi barimo nanjye ubwanjye, kandi muri iki gihugu cyacu nta wundi muntu ufite uburenganzira bwo kuba umu star usibye Pahulo wenyine. Nushaka kumurusha ubustar uzisanga wiyahuje ishuka. Nyiramatwi yumva umbere umugabo…
Ninde mwohereje kuri nyabarongo gutwitinga ingona itapfuna abakene?
Cyuma weeee cunga sana (Ishema TV )niyo itahiwe
