Ariko abanyarwanda twabaye dute !!Kuki mutangarira ibikorwa bibi bya FPR. Umusaza umwe yaravuse ati igitangaje si uko impyisi yarya umuntu, igitangaje ni uko umuntu yarya impyisi. Ninawe wavuze ati uwateguye gacaca ni nawe wateguye jenosidi. None impyisi zirarya abantu mugatangara !, abajenosideri barajenosida mugatangara!
Mbega ubupfapfa mbega ubuyobe. Ndababujije, muri guta gihe kdi ari ingenzi rwose. Mureke kubogoza amarira muririra umuhisi n’umugenzi nk’ibisekerabanzi by’ibitambambuga. Hari ijambo kunda cyane ryavuzwe na H. E Pawulo Kagame uramutswa u Rwanda, yagize ati ” Ntawe uturimo umwenda wo kudufasha”
Muratangazwa n’ibikorwa bibi bya FPR. FPR iheruka gukora neza igitekereza kubohoza u Rwanda rutari ruboshye nk’uko iruboshye ubu.
Cyari igitekerezo kiza ariko uburyo bwo kugisohoza, imikorere ya FPR ni ubugome, ubuhotozi, iterabwoba, ubukene, indwara, inzara, jenosidi, muri make ni akaga ni umuvumo kdi ibyo maze imyaka 25 mbizi ko ariko bizagenda. Iyo ndimo kwitegereza urukurikirane rw’ibikorwa bya FPR nshobora kwemeza ikigiye gukurikiraho kdi uko nagiye mbibwira abantu Niko byagenze. Simpanura ariko nzi kwitegereza ibihe no guhuza ibihe ngatanga umwanzuro kera mu gace kamwe ka Kigali handutse twava gushyingura bari kanaka arakurikiraho.
Mvuga Ku ijambo H.E yavugiye I Ndiza vuba aha, nabwiye abantu nti akacu kashotse ngira inama abafitite Ababa I Bugande kubacyura cg kubagumishayo. Hari abatanyumviye ubu baremera ko bari kumwe n’ umuhanuzi.
Nanjye nari namaze kwitegura kubajanayo ariko ndabyihoza (ndabireka) kuko ubu byari kundemerera cyane. Ubu ntegereranyije n’abandi ibizatubaho kdi si byiza.
Igihe Rurayi yoherezwaga mu Majyepfo nabwiye abantu amagambo ijuru ryabwiye isi , igihe Shitani yirukanwaga mu ijuru igacirirwa mu isi.
Hariya Imana yaraduhemukiye kdi yatwikoreje umutwaro uremereye.
Uko Niko H.E Kagame na FPR baduhemukiye, batubereye Gatera, batubereye abagesera ( mu Kirundi ni abagome) nk’uko basanzwe babikora.
Nabwiye abahanga bafite uburyo guca amakoma bagashaka na wino bakandika ibigiye kuba kdi bagashaka Isaho bakariha inyangamugayo zigashyingura izo nyandiko neza kuko umunsi bazasanga nkiriho nzababwira icyo bazazikoresha kdi Niba narishwe cg urupfu rusanzwe rwaranjyanye bazige ibyazo.
Igihe Leta y’u Rwanda yavugaga ko abagizi ba nabi bateze minibusi muri Nyungwe numvisemo abantu bamwe babyemera ariko jye narabihakanye. kuko imitekerereze n’imikorere ya ziriya nyeshyamba zo muri Nyungwe uko nyikeka, ngendeye Ku mico ya Bamwe, kwica abaturage ntibirimo. Ibyo ni ibya FPR nimubiyiharire.
Ndabingize bavandimwe nshuti zanjye, NIMUBIYIHALIRE kdi ntimudukoze isoni ngo twizere urubingo rutobotse nk’uko mu 1990 twiringiye FPR ikadutamaza tukajomwa tukajemererwa tukifata mapfubyi. Abasoma iyi nyandiko mwegereye bariya barwanyi muyibampere kdi mubihangirize.
Muti Niba ngihumeka, ibikorwa byanyu nzabikurikirana ariko sinzabayire kwica abaturage, nta murongo utukura nshaka.
Hari icyo nabwiye abantu: FPR igihe kongera umuvuduko mu bikorwa by’ubuhotozi Ku buryo bishobora no kugera Ku ntera yo muri 1994.
Nabivuze bitaraba none nimurebe uko bimeze ubu nimusoma itangazo rya FLN murasangamo imigambi y’ubuhotozi FPR ifitiye amamajyepfo n’uburengerazuba bw’u Rwanda.
Biriya niko nabihanuye. Abantu bashobora kwibeshya bimwe by’abaswa ngo yibasiye abahutu.
Abatekereza gutyo ndababwira nti mukanguke bwakeye.
Musubire mu ijambo Dr. Jean D. Bizimana yavugiye hafi y’ikigo cya Kanombe umwaka ushije. Yatanze Abatutsi kdi icyo gihe abagombaga guherwaho kwibasirwa n’abo kwa Rwigara. Mu nteko muribuka ijambo rya Rwabyuma avuga ko Diani yazuye abantu. Nimumurebe uko arakaye.
Abatazi FPR bagirango ndakabya ariko Niko bimeze. Harya Ntamuhanga igihanga cye cyashyizwe Ku isoko ry’ivunjisha rya FPR kiragurishwa angahe? Harya icya SANKARA ibiciro bigeze he? Ishyano, ishyano, ishyano………..!!!
Ariko ndabavumye izo nkunguzi z’inkozi z’ibibi zizarinde zijya I Kuzimu zitanyoye amaraso y’abo bahire b’ Uwiteka. Ibihanga byabo ntibizaboneke Ku mbehe z’abapagani ngo banezerwe. Iyo banyoye arahagije, mbasabiye kurwara ubwangati, imisuzi, kwinera no kwirukaho Ku buryo bahabwa akato bagacibwa mu Bantu, ibyo bivume by’ibihararumbo. Wa mugani w’abarokore ntangaje umuvumo kuri FPR nk’uko namye mbigenza kdi murabona ko nkoza.
Utu dukuru se mwari mutuzi?
Hari mu 1994 inkotanyi zari zigeze muri But are. Zari maze kwica umwe mu bahutu b’inyangamugayo. Umusaza w’umututsi wari umuzi areba umurambo ni uko yishwe: inkoni, ibyuma, umunaniro w’urugendo, gukama amaraso, guca, maze areba bamwe mu a bahutu n beza cyane bamwe abaswa bita abatutsi
ati bavandimwe ndabona ntawabakeka mwihutire guhinduza indangamuntu kuko abahutu bazicwa uhereye Ku bize ukageza Ku bafite amafranga. Shenge yari aziko indangamuntu zakiza umuntu. Ibyo ni ibya kera, ubu ni ikoranabubingwa-vanguramoko-gatanyamiryango.
Shenge yari afitiye impuhwe abahutu, yari aziko Abatutsi barokotse ntiyari arazi uko byateguwe ni uko bizakomeza. FPR irakanyagwa, irakarwara ubworo nk’ubwo yaduteje iragafatwa n’umusonga, gisukari n’umuvuduko ukabije nk’uwo yaduteje, iragakuka amenyo ibigori byeze, iragahinga ntisarure nk’uko tumerewe, irakamanjirirwa, yihebe nk’uko byayisohoreyeho.
Ubu ndashaje. Nkiri umusore, twari twicaye, twahuje urugwiro na mugenzi wanjye wavuye hanze arantangaza cyane, ati: ati ese buriya ugirango abahutu bishimiye gutegekwa na nyamucye? Ati harya ngo amako yavuye mu ndangamuntu? Ati n’ubwo yavuyemo tugomba kubamenya. Shenge yari aziko Abatutsi bahiriwe. Ubu niba yarahumutse arabona ko amoko atariyo kibabazo. kuko kuva mu 1990 kugeza ubu FPR yica abahutu ikica Abatutsi niyo gahunda, niyo mico yayo.
Nakababwira n’utundi ariko reka nsoreze kuri utu tutarimo iby’ amoko kuki mbyanga nkabihatirwa na FPR n’abakora nkayo, kdi mbamenyesha ko buriya abanyarwanda bibitseho utundi twinshi kdi abahutu n’abatutsi nta kibazo kidasanzwe cg kidafitiwe umuti bafite. Mboneyeho no kubatangariza ko aribo GAKIZA kacu. Abahutu b’abanyenduga n’ab ‘abakiga ntibadukijije, Abatutsi bari mu Rwanda n’abavuye hanze ntibadukijije ahubwo baratwishe bakubye kenshi.
Ku bw’ibyo mbaciye Ku ngoma iteka ryose nimitse uwo nshaka uwo ntawundi. Ni uzaboneka avuye mu Runani Gahutu, Gatutsi…. Mwuzuze ibisigaye kuko abashyize bamwe Imana (y’i Rwanda) ibasanga.
Si abahungu ba Museveni cg se ba Kagame, si ba Mukiga cg Kanyenduga, si ba Gahutu cg Gatutsi, ni Benimana kdi Benimana nibo Benumugisha. Mbifurije ibyiza gusa kdi bajye bahora bagenda imbere ya FPR batahura imigambi ya yayo kdi bayiburizamo.
FPR (agatsiko) ikwiye kumenya ko idahanganye n’akazu, ihanganye n’imbaraga zishyize hamwe zihuza ubwenge n’imigambi biruta bimwe Magayane yahanuriye Habyara.
Muzi umuriro mu mashara? Niko FPR igiye kwihutisha Gutsindwa kdi nabivuze kera. Ni koko rero FPR, ntizahangana na Benimana, amahoro n’imigisha bibe kuri we.
Abanyarwanda barikoze bajya Kampala gushaka akazi, nako guhunahuna mayi. Bagezeyo batangira kudidibuza ikingereza. Hari umwe, muri bamwe bahunze urwimo rwo muri 1959 wanze gukurikira FPR arabitegereeezaaaa, n’agakoni ke n’akagofero, asanga ikingereza cabo gifutamye arabavumbura ko ari abanyarwanda, ati niko mwa babana MWe muri mu biki mwavuze ikinyarwanda ko ndeba mukomoko muri cya gihugu (aragitsinda pee). Ati numvise ko imivumo yose yakisutseho, ibyonnyi, ibibagarira, uburenge, za muryamu, …., jye sinzataha. Icyo atibutse ni jenosidi, Nzaramba, kugwingira, bwaki n’amavunja, za gisukari, umuvuduko ukabije w’amaraso za epatite n’ibindi.
Koko rero aho FPR yadukiye mu Rwanda hadutse uburwayi budasanzwe mu Bantu, mu bimera no mu matungo, ibyo byateye gusogobwa no konda mu batari bake abandi barapfa. Muri ibyo ubu hiyongereyeho gufunga imipaka yanyuzwamo ibigize ubuzima bwose bw’abanyarwanda.
Abahanga cg n’abazi indimi mwinjire mu mashini zanyu mushakishe ijambo jenosidi, mwumve uko abahanga banyuranye bayisobanuye, ndabarahiye nimusanga iyo mikorere ya FPR itarimo jenosidi mungaye.
Nimusanga irimo kdi ntimuzongere kuvuga ko yahagaritse jenosidi kdi muhita mubaca Ku nzibutso zose, izo nkozi z’ibibi.
Hari mu mwaka was 2017, cagura yari imaze gucibwa. Mwibuke ko caguwe n’ubwo yari imaze kwinjiramo abantu benshi, barimo n’abarangije za Kaminuza, ubundi caguwa yari iy’abanye Nyanza n’abanya Murama na Ruhango iyo za Gitarama.
Naciye Ku Bantu baganya uko bagizwe ingarisi na Leta ni uko haca umusaja wanje (Niko twita bene wacu bavuye I Bugande), ati erega mwa Bantu mwe mugomba gushira umuteto, itari ya fu yavaga TZ, cg za modoka za Dodo. Ati tugomba kubajuragiza mugahora mu kirere ntimugire ishyikizo Ku buryo nta wuzakirigita ifaranga, ni uzarifata ntazaritindana. Ati kudamarara nibyo byakozeho umwami Rutalindwa (RIP) kdi nibyo byakozeho Habyalimana RIP).
Yaboneyeho avuga Ku mayeli 1000 ,ntangazwa n’amazina y’abacurabwenge numvisemo, abantu nubahaga. Niho nahise mvuga nti muve Ku bajinga, mba nshoje ubushashatsi bwanjye Ku ruhare rwa FPR kuri jenosidi. Bariya ni interahamwe z’ubundi bwoko, ni abajenosideri, uzababona wese azabarwanye kdi azabafate cg abafatishe.
Njya numva biriza ngo RNC irabafatisha iyo za Uganda. Ndayigaya umwete muke n’ubushake buke babikorana Niba banabikora koko. Kuri stade Ku Mahoro Museveni yabigishaga kunyuta umuneke, gukubura, kuzinga ikirago no guhandura imvunja mudaturubika ko mutasakuje. Mwa njiji mwe . harya muzakoresha ubwenge bwa Kavukire, injiji ni izize! Harya ngo muzi amacenga n’amayeri. Injiji zitazi gusoma amateka, zitazi kwitegereza ibihe, zitazi gusoma Ku ikarita y’isi ngo bameye uko izenguruka. Core kubera ubuswa bwanyu aho mugeze niho nahanuye nkibabona: isi igiye kubasekura, kugwa kwanyu kuzaba kunini. Navuze ko ntazabaririra kuko amarira mwayamazemo
Iryo tangazo ndaritanze nimushaka ibi muzabishyire mu zindi ndimi mubihe n’abo abazungu babashyigikira muti BARASHAKISHWA.
Nari ndiho nigendera nabanze amatwi n’amaso nk’uko nkunze kubigenza iyo ntambuka n’aho ndi hose numva umukobwa w’iyo mu majepfo aganya. Ngendeye Ku byo yavugaga na bimwe tugenderaho tuvangura abantu, ashobora kuba ari umucikacumu wa jenosidi yakorewe Abatutsi. Yavugaga ukuntu musaza we wacuruzaga caguwa kdi witeguraga gushinga urugo yashakaga kwiyahura kubera kunanirwa kwiyakira, yaburiye igisubizo ibibazo atateganyije byaje bitewe n’ibyemezo bya FPR.
Muri ico kiganiro haharutsemo umusore avuga inkuru yabaye na none mu majepfo y’u Rwanda. Habyeho umukecuru wari wariciwe Ababa asigarana agakobwa kamwe n’akuzukuru. Ako gakobwa ke kari gafite utuntu gacuruza kamutunga we n’umwuzukuru we. Utwo tuntu twaje gucibwa na FPR nk’uko yaciye milinda kaki ( urwagwa dii). Sibyo bakennye, sibwo umukecuru asogobwe, yihambira umushumi.
Rimwe rero ahura na mugenzi we aramwitegerezaaaaa, ati ESE Nyakunyagwa warwaye ryari ? Nyakunyagwa arimyoza…., ati ESE ugirango nararwaye! Ni inzara, inzara, inzara, none se uwadutungaga ko Yakomanyirijwe, ikimbabaje ni aka kuzukuru nanjye.
Kuva nkiri muto Mama yambujije kuganyira unyanga. Nimusigeho kuganya. Ngo bafunze imipaka, ubwo se nicyo kintu gikomeye bakoze?
Bamennye amata, bishe abantu baranduye imyaka, basenye amazu, bafunze abantu, batanyije imiryango, batuririye imitungo n’amatungo, baciriye abantu I Mahanga…
Ntacyo batakoze, ntacyo batazakora, ntitwarira, ntitwaganya, ahubwo tubabara, duseka dushaka ibisubizo.
Bavandimwe nshuti zanjye, cyane abaheruka I Rwanda kera, ntacyo tutakoze ngo tugerageze kwikura mu ngorane twazaniwe na FPR.
Twareze imfubyi, dutunga inshike, tuzunguza agataro n’imyenda, twemera kwahirira inka zaciriwe mu biraro kugeza n’aho badusaba korora bya bikoko nanga ngo tubone ifumbure n’amata, twemera guhinga tukagenerwa, twemera kuzerera amahanga duterura ibikarito abandi batwaye ibitogotogo babunza amagi, ubunyobwa n’ibishorobwa…. Aho hose twagirango tubeho duhe rugali FPR ishire umururumba.
Uko bigaragara rero yiyemeje kutubuza kubaho igisigaye turabasanga Ku meza yabo, duteze akavuyo, tuyoragure ibigati n’ibifiriti n’ikivuguto dii ( ndumva ngishaka), nibatubona bakagira iseseme bazaruke kdi ntimuzabihehe.
FPR iririwe ntiraye, none rero Mfungwa zo muri gereza ifunguye kdi ifunze, turira, duseka dushaka igisubizo.
Ntibatubujije kujya I Bugande n’i Burundi, iyo ni intangiriro y’amasoso n’ibindi banabikora. Baribwira ko abantu bazakomeza gutega abahanga.
Simbihamya.
Mpogazi Gitaminsi