Mu myigaragambyo yabereye mu murwa mukuru wa Kinshasa kuri uyu wa kane taliki ya 26 Gicurasi, abapolisi 35 bakomerekejwe bikabije n’amabuye batewe n’abaturage batavuga rumwe na Leta ya perezida Kabila.
Ibi byatangajwe radio Okapi n’umuvugizi w’igipolisi cyo muri Congo Kinshasa, Colonel Mwana Mputu ku mugoroba wo kuwa kane italiki ya 26 Gicurasi, ubwo abaturage bari mu myigaragambyo yakorewe mu murwa mukuru wa Kinshasa, maze batera amabuye menshi abapolisi bari baje guhosha imyigaragambyo, 35 muri bo barakomereka bikomeye.
Nkuko yakomeje abitangaza, ngo abigaragambya bahanganye n’abapolisi, bigeza n’aho babaganza maze bagera kuri Hotel ya Guverinoma. Ngo nta bundi buryo bwari busigaye polisi yari ifite bwo gukumira abigaragambya usibye gukoresha amasasu atica kugira ngo babatere ubwoba.
Abigaragambya byagaragara ko ngo bari mu mashyaka atandukanye atavuga rumwe na Leta iriho, Bose icyo bashaka ni kimwe ni kwamagana manda ya 3 ya perezida Kabila.
Source: Makuruki.rw