Kagame yigambye ko yishe Col Karegeya ariko umuzimu we uzamukurikira kugeza nawe amusanze IWABOWATWESE. Kuba yarigambye ko yishe Col Karegeya ntabwo aribyo muhimbiye kuko yabivugiye kuri televiziyo y’u Rwanda imbere y’imbaga y’abakozi be harimo abafarisayo benshi babeshya ngo n’abakozi b’imana.
Igihugu yanigiyemo Col Karegeya aricyo South Africa gikomeje kumusaba ko yatanga abicanyi be yohereje kuniga Col Karegeya harimo Sugira Alex na Ismael Kirisisi Gafaranga. Nubwo tuziko atazabatanga kandi tukaba tuzi ko yibwirako nta ngaruka ateze kubona akiriho, ariko kumwibutsa ko ariwe wishe Col Karegeya ni kimwe na rwa ruyuki rukuduhirira ku gutwi ukarwirukana rukagaruka ugashaka kurwica ariko bikanga.
Muri iki kiganiro bagarutse ku busabe bwa Gerrie Nel umwe b’abanyamategeko bari muri Afriforum bakomeje gusaba leta ya South Africa ayibutsa ko igomba gukora akazi kayo igakurikirana abicanyi ba Kagame bavogeye ubutaka bwayo bakaza kunigira Col Karegeya muri imwe za hoteli zayo zikomeye cyane kwi’isi.
