NYUMA YO GUCUCURA ABANYARWANDA MURI SUPERMARKETING NA POROGRAM YA B.K YISWE “IKOFI”, ABIBIWE MURI KCC HABA HARI UMUGAMBI MUBISHA WO KUBATWARA MU GISIRIKARI KU NGUFU
Hashize imyaka 25 ABANYARWANDA barananiwe kwemera ko FPR ari agatsiko k’amabandi. Ndatekereza ko aba bantu bose bahururiye guhugurwa ngo no guhabwa $ 197 haba harimo ibanga rikomeye rya RDF na FPR ryo gutoranyamo(kujonjoramo) insoresore n’inkumi ikabatwara ku ngufu mu GISIRIKARI kuko amakuru ya nyuma avuga ko ukwiyandikisha kwasabwe urubyiruko mu mirenge ngo rwinjire mu gisirikari kwitabiriwe n’abantu mbarwa mu gihe Kagame ubu ashaka ingabo nyinshi cyane zo kujya kurwana muri Sud-Kivu aho intambara irimo guca ibintu.
Abakikurura aho kuri KIGALI CONVENTION CENTRE rero ngo muraburana 15,000 FRW yanyu ngo muyasubizwe murabe mwumva ba mutima muke wo mu rutiba. Mu gusoza nibutse ko igihe RDF itwara abasore muri M23 ku gahato nabwo ibintu byagenze gutyo bagahuruza imbaga bikarangira bose bisanze burijwe AMAKAMYO ya GISIRIKARI.
Muzamenya Kagame ryari? Agomba kubanza akabarya ayo mwari musigaranye hanyuma akabatwara ku rugamba kugira ngo mutayasiga mu nzu akaribwa n’imbeba. Ibyo kuzishyurwa byo mubyibagirwe. Nibutse ko abana bigaga muri E.S.A GISENYI nimugoroba bageze muri Réfectoire bagiye kurya, FPR yategetse diregiteri ko kuri uwo mugoroba abahungu barira muri Réfectoire ya bonyine n’abakobwa bakarira mu yindi. Abahungu bakinjira bahita bazimya amatara babapakira amakamyo. Umwana warokotse amasasu agahungira muri Uganda niwe wantekerereje uko byagenze.
