Inkuru imaze kuba kimomo yuko Kagame yandikishije impapuro mpuzamahanga zo guta muri yombi Eugene Richard Gasana, iki kikaba ari ikimenyetso simusiga ko ashaka umutwe we kw’isahani akoresheje inzira iyo ari yose yamushobokera. Ibi bintu ntabwo Gasana Eugene yagobye kubigira ibikino cyangwa ngo yumve ko umuntu ushyira mu gaciro atagobye kugukurikiza izi mpapuro yibwira ko ikibazo afite kiri hagati ye na Kagame gusa.
Birazwi ko Kagame afite akaboko karekare muri Interpol aho afite abazungu yifatiye kuburyo byanamworoheye gushyiramo umuntu we. Rero Gasana Eugene yagobye guhitamo gupfa arwana nibura abantu bakazibuka izina rye cyangwa agahitamo gupfa nk’ikimonyo aho benshi bazajya bavuga ngo wa mugabo yari mbwa yanze kwirwanaho.
Eugene Gasana yagobye kujya yibuka ko ari mu bantu bacye cyane bazi Kagame neza atifuza ko yazasiga kuri iyi isi agihumeka. Kagame azemera atange umutungo we afite wose ndetse harimo n’umutungo w’igihugu dore ko Kagame yumva ko u Rwanda ari umurima we ashobora kugurisha igihe cyose ashatse. Gasana Eugene rero ashobora kuba yibwira ko kuba aryama agasinzira ngo nuko ari muri USA bihagije ariko yaba yibeshya cyane kuko imitego ubu barimo gutegatega hose nta yizi kuburyo ashobora kuzisanga muri imwe muruwo mutego agashiduka ari i Kigali nka Rusesabagina cyangwa akanabura burundu.
Kwirwanaho tuvuga ntabwo ari ugufata amasasu n’imbunda ahubwo narebe uburyo yoherereza gasopo mw’ibanga Paul Kagame amuhitishemo amusabe guhagarikisha ibi binyoma yandikisha mu nkiko nizi mpapuro yohereza muri Interpol amubwire ko niyanga kubikora azahita nawe ajya ku ka rubanda akavuga akari imurori kubyo azi byose ndetse ko anagiye kumurwanya ku mugaragaro akoresheje amafaranga afite yaba arayo yamwibye cyangwa yakoreye.
Ikindi kandi Gasana Eugene nyuma yizi mpapuro ntiyagobye kwibeshya ngo asohoke muri USA niyo yaba yibwira ko nko kujya Europe, Canada n’ahandi bakurikiza amategeko badashobora kuba bakubahiriza izi mpapuro Kagame yandikishije muri Interpol. Ajye yibuka ko Kagame atanga ruswa kandi afite indege ze kuburyo ashobora kugera ku kibuga cy’indege nka Canada cyangwa mu Bubiligi agasanga byose byarangiye akisanga i Kigali kubera abantu Kagame yaguze bakwizubaza bakubahiriza ziriya mpapuro nyuma bakavuga ko hari amakosa bakoze ariko Gasana Eugene aba yarangije kugera mu maboko ya Kagame.
Ndangize nibutsa Gasana Eugene ko agapfa kaburiwe n’impongo kandi ko yagobye kwibuka ko nadatangira kwirwanaho ubu afite ubushobozi hari igihe yazakwicuza impamvu yahisemo guceceka no kutirwanaho mu gihe yagira ibyago akagwa mu maboko y’umwicanyi Kagame n’agatsiko.
Ikindi kandi amenye ko biriya Kagame yategetse ko bakoresha mushiki we Alice Gasana ngo mw’izina ry’umuryango wabo bakamwandikisha ibaruwa ifunguye yanyujijwe mu binyamakuru bya Kagame nka igihe.com na Rushyashya.com ngo yitandukanyije na we byagobye kumubera ikimenyetso simusiga ko kumuhiga babigeze kure. Niba rero Gasana Eugene yanatinyaga ko aramutse avuze byagira ingaruka mbi k’umuryango we yasize mu Rwanda iyi baruwa Alice Gasana mushiki we yanditse yagobye kumubera uruhusa rw’uko natangira kwirwanaho batagobye kubyitirira umuryango we kuko bitandukanije nawe na Kagame ubwe akaba abizi.
