Izi nkongi zihishe iki? –> Abakozi batatu bakomerekejwe n’inkongi yibasiye uruganda rw’inzoga (Amafoto)

Iyo nkongi yibasiye urwo ruganda ruherereye mu Kagari ka Kabeza mu Murenge wa Cyuve, mu ma saa saba zo kuri uyu wa gatatu tariki ya 19 Mata 2017.

Urwo ruganda rwahiye igice kimwe, imodoka izimya umuriro ya Polisi y’igihugu itabara ikindi gice kitarafatwa.

Abakozi barwo batatu bakomerekejwe n’iyo nkongi y’umuriro yatunguranye. Umwe muri bo niwe wakomeretse bikomeye. Bose bajyanwe mu bitaro bya Ruhengeri kugira ngo bakomeze kwitabwaho.

Umunyamabanga nshingwabikorwa w’Umurenge wa Cyuve, Nsengiyumva Telesphore yatangarije Kigali Today ko bakeka ko iyo nkongi y’umuriro yaba yatewe na “installation” y’insinga z’amashanyarazi ikoze nabi.

Kuri ubu agaciro k’ibyangiritse byose ntikaramenyekana.

Kizimyamwoto ya Polisi y’igihugu yahise iza gutabara

Inkongi y’umuriro ishobora kuba yaketswe n’insiga z’amashanyarazi

Aba bari gufatanya na Polisi kuzimya inkongi

Turacyakurikirana iby’iyi nkuru