Yoooo, Kigali, mwashonje muhishiwe! Nubwo mbasogongeza, sinaremewe gutokora ifuku. Ubu muradamaraye muti opposition tuyigeze kubuce, uwo tutakubise mu ntambara turamukubitisha ubugambanyi n’amatiku ya politiki. Nuko nuko mwarakoze kugarura gahunda mu babarwanya, muri abagaragu beza ariko ntimutegereze ishimo, kuko Umwami wacu Yesu yavuze ati, numara gukora ibyo wategetswe, ujye uvuga uti “ndi umugaragu utagira umumaro.”
Ubushize mu gice cya mbere nabwiye opposition ko batsinzwe batararwana, bucyeye iryavuzwe rirataha n’ubu bigikomeje. Uwo ukunda uramuhana, ni ukwizera ko wenda bazagerageza gushyira ubwenge ku gihe, bagakosora ibikwiye gukosorwa, doreko noneho muri kubibafashamo mu rubanza rwa Nsabimana na Nsengimana, barumuna bacu namwe murimo, nubwo kuva inda imwe namwe ari nko kuzinduka nturonke.
Nuko mwaragiye mufata ziriya mfubyi za jenoside, murazitambagiza mu nkiko ziri ku ngoyi, ba nyamwanga iyo byavuye mukishima ngo mwaboshye “abanzi”, barabahesheje igihugu n’ubu mukirya ibyabo. Abasaza bose bakababyaye, bati abo bana nimubahane barahemutse! Ntibibuke ko abo bana n’iyo bahemuka, icyaha kibarwa kuri bariya basaza basigariye ubusa.
Ariko ababyeyi b’aba bana, basize umurage mu mazina yabo. N’iyo Kabarebe yakwidoga gute imbere ya ruriya rubyiruko, ntacyo bizahindura kw’isengesho ry’abakurambere, kuko hari abasore benshi baba bari gufata notes bakagenzura ibitaragenze neza ngo ubutaha bazabikosore. Ndibuka tujya gucyura ba Kagame na Kabarebe, hari abantu bari baratubujije baratubwiye ko nta kitujyana, ko inyenzi zakubiswe incuro n’udusigaye twasubiye mu Bugande. Twe turiyemeza tuti ahubwo iki ni cyo gihe cyo kujya ku rugamba tukaziba icyuho.
Ni koko twabasanze bahinda imishyitsi inyuma y’u Rwanda, tubasohora ku mihora twahaze amagara yacu no mu Rugwiro ngo Baa.
Nubwo nta “pinye” ngo twagiraga ariko “Habyarimana” nyine. Buriya Kabarebe yarondoye amazina binyibutsa ukuntu mu by’i Rwanda harimo amazina, kuva cyera cyane n’abami bahabwaga amazina kugira ngo abe ari yo ayobora.
Mu bwenge bwe bucye yiyibagije ko kubera guhemukira abacitse kw’icumu, ITEGEKO natanze ari uko umucikacumu niyicwa, Kagame agomba kujya apfusha umwana.
Umwana ahora apfusha n’ibyo byegera bye ahora atandukana nabyo kandi ari nawe ubyikoreye, nkuko n’abacikacumu ari we ubiyicira, kugeza ubwo ingoma ubwayo izihirika ntawuyikozeho, nkuko nabiririmbye mundirimbo “MANA TABARA”. Ihora kungoma Iragahirwa!
Kuva nababwira ko abana ba Kagame bashize asigaranye akana gato (urubyiruko) bose bashokeye mu rubyiruko ngo barudanangire mo ingengabitekerezo y’amacakubiri no gucamo ibice Abanyarwanda ariko ntibizabahira. Ese n’iyo umuntu yaba injiji yayoberwa ikintu cyiza kuriwe? Murabona nari kubatungira agatoki ngo ni mugende hariya! Ntacyo mwahindura uretse kugeza ibintu aho bigana. Icyabagirira akamaro kirakomeye ntimwagishobora kuko byabasaba kwihana kandi mutagonda ijosi.
Kabarebe rero warakoze uriyandarika utanga umusanzu ukomeye cyane wo kubaka u Rwanda rushya. Buriya waragiye uzana ibibazo by’amazina ari mo Imana, uyasuzugura ari yo aguhatse. Ubundi Umwami wacu Yesu yaravuze ngo igitutsi watuka Imana n’umwana w’umuntu uzakibabarirwa, ariko utuka Umwuka wera ntazababarirwa, haba none no mu bihe bizaza. Shahu rero, kariya gasuzuguro ko gukerensa amazina y’Imana ni ko gutuka Umwuka wera. Ntuzi ko Hita Imana se? Ariko muzajijuka ryari!
Ikindi kandi, wavugiye amacakubiri imbere y’urubyiruko, usenya “imbaga yose y’inyabutatu” aka za “nzozi” za Kayirebwa. Ubushize nakoze aga post ntereka hano kuri facebook mvuga iby’abana bazavukira ku gihe, bakavuka ari bakuru, igihugu kikavuka icyarimwe. Amagambo ntashyizeho yakurikiraga yerekana amacakubiri yawe, amacakubiri “mu batware no mu bisonga, mu batwara ingabo n’ababatwaza…” Amacakubiri yawe agutaye mu biti. Ntakabuza ibyo wigishaga birakugaruka, usenya ibyo wiyubakiye. Nkuko nabivuze ubushize, ntahantu muzacikira IJWI RY’UMUVURUNGANO.
Tugarutse kuri Nsabimana na Nsengimana, ndabibutsa ko hari aho byanditwse ko namwe mwamera nk’ababishe. Ngaho nimurebe neza, mwagiye guhiga Interahamwe, mucyura imfubyi za jenoside! Nta nubwo mushobora kwirata ngo murakomeye kuko ntabwo mwarwanye n’abakomeye. Ni byo navugaga ko ntawatera igitero muri Nyaruguru ngo ateganya gufata igihugu ngo yumve ko ari umusirikare uhamye. Ni byo nari nababwiye mbohereza n’iwacu ku Kibuye ariko byarabananiye. Nizere ko batibwiye ko batahajya kubera mwahakoze uburinzi hose! Ubundi amategeko y’intambara ni ukujya aho umwanzi ari mugasibana, unesha agashinga ibirindiro kdi bari kubakubita, namwe murabizi.
Mwagiye kurwanya abanyantege nke ni koko murabanesha, mujya guhiga interahamwe, tugiye kubona tubona mwaboshye imfubyi za jenoside! Abana bataka bavuga ko mwababujije amahoro, aho babahungiye naho barababeshya, bagakora ibyaha noneho izo nzirakarengane zibigwamo nkuko bisanzwe. Mwarateye ababyeyi n’abavandimwe babo bagirwa abanyabyaha baranicwa kubera mwe, abo bana baba imfubyi. Impoza marira zabo ntimwazibaha, muzigira ibuye rikomeza imfuruka y’ubwami bwanyu, none murahumbahumba n’izo nkeho. Iki cyaha cyanyu kikibutsa rwa ruhare rwanyu rw’ubugambanyi muhisha. Ishyanga ritagira ubwenge!!!
Jyewe Habyarimana nti: barumuna banjye Nsabimana na Nsengimana, bazababere umutwaro mutazatura! Simvumura, mvuye kure kdi uwo nteye ikinonko ntava hasi, uwo njya gusiga ndamurinda.
H.T.Sankara
