Nahimana na Team ye bamaze gushyira hanze ubwikanyize n’ubwigomeke bw’agatsiko k’abavantara kafasheho ingwate abanyarwanda. Iyo wumvise amagambo #kagame, umukuru w’agatsiko, yivugiye kuri Nahimana Thomas avugako atumva ukuntu umuntu ufite ibyo aregwa akumirwa gutaha, ntiwakumva ukuntu ayo magambo yarenzweho akongera kubuzwa kujya mu ndege kandi biturutse mu gatsiko nyirizina! Iyo urebye neza wakwibaza uko kwinyuramo k’umukuru w’agatsiko.
Aya mafoto nometse kuri iyi nyandiko arivugira ubwayo ! Uwo mwana w’umukobwa mu ikostimu y’ubururu ni umutaripfana Nadine, benenyina n’ababyeyi be! Ubu asigaye ari impyubyi ari n’ikinege kandi abishe umuryango we baraganje bigize abacikacumu, nibo biciwe gusa naho Kansige Nadine agomba gusaba imbabazi muri gahunda ya “Ndi umunyarwanda” y’abavantara! Aha rero, iyo agatsiko kumvise atashye mu Rwanda gukora politiki aherekejwe na jenerali Skyler, umutima uragasimbuka kakibaza uko kazabyifatamo! Ibintu ni bitatu: Kumwica, kumufunga, kumushyiraho iterabwoba akongera agahunga ! Iryo ni ihurizo rigakomereye cyane! Padri Nahimana we nta minsi 2 yamara ataratabwa muri yombi, dossier yarakozwe yararangiye! Agatsiko gatinya Nadine ntigatinya PADRI!
KUKI PADRI NAHIMANA HARI AMASHYAKA AKORERA HANZE ATEMERA INZIRA YE?
Iki kibazo kugisubiza ni uko waba warakurikiye uko ishyaka Ishema ryavutse! NAHIMANA yarishinze amaze kwitandukanya na “Rwanda Dream Initiative” ya Faustin Twagiramungu alias Rukokoma! Iryo shyaka Padri yari no mu nzego z’ubuyobozi bwaryo, aba agaye uko ritakoreraga mu mucyo maze ashinga irye “Ishema Party”! Agishinga Ishema Ryacu, aho kwegera abo asanze, yaje abasuzugura abitako bari muri za clubs atari AMASHYAKA!
Afashe FDLR ibana n’impunzi nyinshi z’abahutu, ayitwerera kuzifataho ingwate izibuza gutaha! Abayobozi bayo abacira urubanza abita abicanyi! Ngaho ahatumye adacana uwaka na FDLR n’abayiyumvamo Bose!
Ageze ku IHURIRO NYARWANDA-RNC, ishyaka kugeza ubu rifite abayoboke mu moko yombi ahanganye mu Rwanda, aba avuzeko ari ishyaka ry’abasajya bashaka gusa kwikiza Kagame maze ingoma yabo igakomeza igahinda! Ibi rero byatumye Kayumba n’abo bakorana batamucira uwaka ku buryo iryo shyaka ridashaka kumva ikintu kizima kivuye ku ishyaka Ishema! Ibi ariko abahutu bari muri RNC ntibabikozwa ari nayo mpamvu yatumye ahari umunyamabanga mukuru wayo asohora itangazo rireba gusa abanyamuryango ribaha umurongo wa RNC ku matora yo muri Kanama 2017! Icyo abanyamuryango bibaza ni icyo ishyaka RNC ritegura giha icyizere abanyamuryango?! Bibereye mu cyuka, Kayumba n’abiswe “abasajya” na PADRI NAHIMANA bafasheho abandi ingwate ngo umurongo w’ishyaka ni uwabo batanze! Iyo ukurikiye ku mbuga zihurirwaho n’abayoboke ba RNC, ntawe ufite uburenganzira bwo kuvuga kubyabaye ku bayobozi b’Ishema kandi ahubwo aricyo cyagombye kuganirwaho n’abarwanya Leta ya #Kagame Kayumba yahoze akorera! Ngayo amabwiriza yahawe abanyamuryango cg abarwanashyaka ba RNC! Hari benshi mu banyarwanda bakiboshye! Aho kunigwa n’ijambo nanigwa n’uwo ndibwira! Demokrasi itaboneka mu gihe nta gihugu, aha bakibohoje byagenda gute?! Marc Matabaro afite uko abibona iyo atangaza inyandiko zo gucisha muri “The Rwandan” ye !
ABASANGIZI ba Anastase Gasana ntacyo mbavugaho kuko Gasana agayira PADRI kujya guha “légitimité” amatora nk’aho atayagiyemo hari icyo byahindura kuri manda y’imyaka 7 yiyongeje! Muri 2003 igihe yamaganaga abarwanya Leta yari ahagarariye muri Loni Padri yari yiyamamaje! Aha Bose nkaho batekereje ukundi byagenda, ahubwo barasenya utekereje agashyira mu bikorwa umurongo we!
BIRACYAZA!
Mbarimo Joram
