Pilato yisanze agoswe, imipaka yose irafunze none Covid-19 n’ayo yituyemo igiye kumukura ku butegetsi. Indege za Rwandair ntizigenda, abakerarugendo bamuzaniraga amadevise bagoswe na Covid-19, nta byiringiro byo kwakira inama ya CHOGM nyuma yo kuyitangaho akayabo k’amafaranga ngo arayitegura none igihugu nta biryo gifite. Ubu rero Covid-19 irimo kuvuza ubuhuha mu Rwanda, inzara iri kunuma none abaturage bashize ubwoba ntibagitinya gupfa. None se Kagame abaye uwande? Aho ntagiye kuba “Nduhungirehe”?
Aha niho Andrew Mwenda yaboneyeho kongera gushaka kubaka ikizere anyuze kuri Lt Gen Muhoozi Kainerugaba. Nyuma yo kumvisha Muhoozi ko agomba kohereza Paul Kagame ubutumwa bwo kwibuka ejo hashize kuri Twitter, Mwenda yaboneyeho kumvisha Pilato ko agomba kwirukana Nduhungireho kugirango ashimishe mugenzi we wa Uganda.
Nkurikije ibyo abantu nizeye bampa amakuru, ubutumwa bwa Muhoozi bwo kuri twitter n’ubutumwa buhagarika Nduhungirehe byateguwe na Andrew Mwenda. Pilato ntabwo yavuze impamvu yirukanye minisitiri w’intebe na minisitiri w’uburezi.
N’irihe herezo ry’umukino wa Pilato ?
Abanyarwanda barimo kwicwa n’inzara, bakicwa na Covid-19, ntimutege ibyo amatwi ikoranabuhanga rivuga ritaka DMI, Pilato arashaka ibiryo niyo mpamvu ateze amatwi b’abakozi be babiri yitoreye aribo Andrew Mwenda na Amb Adonia Ayebare umaze imyaka igera kw’icumi ahembwa n’u Rwanda. Kagame aracyamwubaha kubera yamukoreye ubutasi kuri UPDF muri Kisangani na UPDF TONIFAS (Secret communications) akabigurisha ku Rwanda
Mu minsi mike Uganda izafungura imipaka ibiryo byongere byinjire mu Rwanda bivuye Uganda kugeza igihe umugambi we wo kwivugana Museveni uzacamo. Muhoozi yakoze umibare ye nabi yemera ko Mwenda amukoresha mu nyungu ze.
Ubu u Rawnda nta biryo rufite, abaturage barihanganye, baracecetse ariko igihe kirageze batangiye kujya mu mihanda. Kagame ari ku mavi arasaba Uganda gufungura imipaka kugira ngo ibiryo byongere byinjire mu Rwanda. Yatanzeho igitambo minisitiri muzima none yiyemeje gukoresha abakozi be ngo babwire Museveni areke ibiryo byinjire mu Rwanda biturutse Uganda. Pilato namara kubona ibiryo azongera yohereze mbwa ze Uganda, azongera afashe abanzi ba Uganda namara kubona ibiryo.
Mu gihe gishize Kagame yangiye amakamyo yajyaga i Burundi kwambuka , yashakaga ko basiga ibyo biryo mu Rwanda.
Igihe kirageze ngo Kagame akuremo isomo, amayeri ye nta gifata, yishyize kuri bose babireba, ikinyoma ntikirenga umutaru.
Nduhungirehe rero yakubiswe n’inkuba! Arazira iki? Nyuma yo gusesengura bamwe barasanga azize ibintu bitatu:
Icya mbere twakivuze haruguru ko Kagame yamutanzeho igitambo ku Bagande kugirango yibonere ibiryo. Uwavuga ko azize Abagande yari yarazengereje ntiyaba yibeshye.
Icya Kabiri aho nyuma yo kwishongora kuri Pastor Christine Coleman, uyu Mukozi w’Imana ntiyaba yarasabye Imana ikamukuraho? Ariko niyo Umukozi w’Imana atabikora Imana yonyine irumva kandi mwibuke ko akanwa karema, ko ibyo wiyaturiyeho aribyo bikubaho. Imana ni nziza rwose … nta cyumweru gishize Nduhungirehe yishongoye kuri Pastor Christine Coleman ngo nabwire iyo mana ye imanure inkuba yase uwo mu Minister w’umurozi … Imana rero ubanza yumvise gusaba kwe kuko Pastor n’ubupfura bwinshi yaramusubije ati Imana iranyumva nyibisabye yabikora ariko ubutumwa yanshinze ku isi si ukwica nka Leta ukorera ahubwo ni uguhagarika abicanyi … Christine rero ubanza yaragiye mu masengesho akavuga ati Mana nshuti yange nziko wumva gusaba kwange ndakwinginze ntumwice nkuko abyisabira ariko byibuze mucishe bugufi nkakumwe wagize Nebukadinezari Amina !!! (Ndikwiganirira😃😃😂)
Icya gatatu aho ntiyaba azize umunwa we no kuvuga ibyo Kagame adashaka. Mwiyumvire namwe Nduhungirehe yagize ikiganiro kuri twitter avuga ibyabaye muri 1992 aho uwari DG wa BRD Augustin Maharangari yabwiye se wa Nduhungirehe ko umunsi abahutu bazatangira kwica abatutsi we n’umuryango we, umudamu we Flora n’abana be bazahungira kwa se wa Nduhungirehe. Nduhungirehe ya twittinze avuga ko uwo muryango w’abantu barindwi wishwe muri Genoside muri 1994 yanashyizeho amafoto y’uwo muryango. Arongera kuri Twitter avuga ko kwibuka ari umuntu ku giti ke ko kandi ari uburenganzira bwa buri munyarwanda kwibuka abe. Yongeyeho ko ntawe ufite uburenganzira bwo kubwiriza umuntu igihe ke cyo kwibibuka abe cyangwa kumubwiriza uburyo bwo kubibukamo. Umuntu yakwibaza hano ahubwo se Nduhungirehe arahungira he? Ko Kagame aramufunga nkuko yagize Victoire. Mubitege amaso.
Umunwa we rero turawuruhutse ni ubundi usibye mu Nkotanyi no mubikorezi b’ibibindi bazo ubundi nta mugabo washyanutse, nta mugabo w’injajwa, wibonekeza, uzimura … ibibera mu cyama nti bisanzwe rwose ahantu generali aroga? Generari agakubitwa inshyi n’umugabo w’ibiro ntavuze hmmm yemwe … akataraza aba batindi bazakazana!
Hagati aho mwibuke ko asezerewe uku kwezi atazanahembwa kuko umushahara yategetswe kuwutangaho ubufasha … abafite umutima wo gutabara ntimube nkawe mumwereke urukundo maze ahubwo ajye kuri ya list ifata akarobo k’ubugali kuko ni uwacu n’ubwo yaturumbiye …. hahaaa