Uyu munsi byari biteganyijwe ko Diane Rwigara na nyina biregura ku byaha barezwe n’Ubushinjacyaha mu iburanisha ryabo riheruka ariko bageze mu Rukiko basaba kuburana ifungwa n’ifungurwa ry’agateganyo bahita bihana umucamanza umwe mu bari bagiye kuburanisha uyu munsi, ibi byatumye urubanza ruhita rusubikwa.
https://youtu.be/P-yXiIenek0
Diane Rwigara na nyina mu rukiko mu kwezi kwa gatanu uyu mwaka Nyuma y’iburanisha ryabaye tariki 24 Nyakanga aho umushinjacyaha yagiye mu mizi y’ibyaha abashinja birimo; guteza imidugararo muri rubanda no gukwirakwiza ibihuha bigamije kwangisha abaturage ubutegetsi buriho, uyu munsi uruhande rw’abaregwa rwagombaga kubyireguraho.
https://youtu.be/TyrsbdB9MUw
Diane Rwigara na nyina Adeline Mukangemanyi uyu munsi bari baje kuburana bari kumwe n’abunganizi babo.
Gusa ngo kuwa gatanu bahinduye umuvuno nk’uko babyemererwa n’amategeko, bandikira Urukiko ko bashaka kuburana ifungwa n’ifungurwa ry’agateganyo bashaka gukurikiranwa badafunze.
Mu rukiko bamaze kubimenyesha, Umwunganizi w’abaregwa yahise avuga ko bihannye umwe mu bacamanza bari bagiye kuburanisha iri funga n’ifungurwa ry’agateganyo kuko ngo yanariburanishije muri uru rubanza mu bihe byashize.
Urukiko rwavuze ko ibaruwa yabo isaba kuburana ifunga n’ifungurwa ry’agateganyo yageze ku rukiko kuwa gatanu amasaha y’akazi yarenze bityo batabonye umwanya wo kwiga ku bacamanza baburanisha urubanza uyu munsi.
Perezida w’Urukiko yahise avuga ko uru rubanza rusubitswe, Urukiko rukazagena igihe ruzasubukurirwa.Urubanza rwatangiye saa mbiri n’iminota 55 icyumba kikaba cyari cyuzuye harimo abashyigikiye Diane abanyamakuru n’abadipolomate n’umunyepolitike utavuga rumwe na leta Ingabire Victoire