Ibibera ikambere burigihe bitera amatsiko! Aho Ange Kagame ntiyaba ari mwene Gen Kazura? Ese bibaye aribyo Paul Kagame yabyifatamo ate?
Jeannette Kagame yararwambaye mu bandi babyeyi. Ni we mu First Lady numvise bavugaho ibintu byinshi bitari byiza harimo kwiyandarika. Ubu se isomo yaha abategarugori b’abanyarwanda ryafata? Nyuma y’aho inkuru zikwirakwiye ko Jeannette Nyiramongi aca inyuma uwo bashakanye (Perezida Kagame) hakomeje kuvugwa byinshi kuri uyu mutegarugori ku buryo bisigaye byibazwa na benshi niba koko abana bitirirwa Kagame ari abe koko?
Hambere aha Kagame yabeshywe ko uwitwa Ian Cyigenza Kagame basa mu irugu nyuma birangira hamenyekanye ko ari mwene Eugène Richard Gasana wari inshuti ikomeye y’umuryango ndetse wanitaga no ku bana ba Kagame aho bigaga muri Amerika. Yego abaturanyi babyara abana basa ariko se?
Nyuma y’igihe gito Gasana yayabangiye ingata akiza amagara ariko Kagame ntihagarariye aho yakomeje kumutega inkumi imwe yamushinjije ibyaha atigeze akora nkuko bisanzwe muri FPR-Kagame.
Gasana rero nawe ntabwo yatereye agati muryinyo ubwo yahise ahishura ibyo azi avuga uburyo atari wenyine woneye Kagame amwibira ibanga ngo azaperereze abaze ibya Gen Kazura. Buriya basimburanwagayo ndetse yongeyeho ngo azitonde asubize amaso inyuma arebe niba umukobwa Ange yita uwe ko aribyo koko! Ariko se ko tuzi ko se w’umwana amenywa na nyina ubwo Nyiramongi niwe waca urwo rubanza.
Ariko njye sinamutera ibuye ahari mukugenderwa nabariya bagabo bombi akabemerera ubwo ahari n’uko hari ibyo bafite Kagame adafite. Umuntu nka Paul Kagame koko yaba afite urukundo? Yaba nta bumuntu agite akagira urukundo? Niyo mpamvu nyine agejeje u Rwanda aho umwanzi ashaka.
