Ntimwibeshye, ni – Ingabo za Kagame (Kagame Defense Forces (KDF)), izo ngabo ziri hariya kugirango zirinde ubwami bwa Kagame; ntabwo zirinze u Rwanda cyangwa abanyarwanda. Kurinda Kagame n’ubutegetsi bwica n’icyo zarahiriye. Ingabo z’u Rwanda zabaye nka kompanyi yigaruriwe, ikozwe kuburyo irinda umuntu umwe aho kurinda igihugu n’abaturage. Abo bitwa ngo ni abofisiye bayobora uduce turi muri iyo kompanyi yigaruriwe bahoze ari abarinzi b’umwicanyi Paul Kagame, abakozi be bo mu gikoni, abakozi be bo mu rugo, n’abandi…..
Nta mu ofisiye n’umwe utarakubiswe inshyi n’uwo sebuja wabo – umwicanyi Paul Kagame; James Kabarebe niwe wabaye uwa mbere mu kurya inshyi n’imigeri z’umwicanyi Paul Kagame. Nyuma y’ibyabaye Kitona muri Congo muri 1998, James Kabarebe wari ufite ishusho nk’iy’uwakubiswe n’uburwayi yijimye ku maso yakirijwe inshyi n’imigeri n’umwicanyi Paul Kagame; ugutsindwa kwabo Kitona Paul Kagame yakwegetse kuri James Kabarebe.
Patrick Karegeya niwe wakuye James Kabarebe mu menyo ya kabamba Paul Kagame wari ufite uburakari bwinshi. Ariko nyuma James Kabarebe niwe waje kuyobora iyicwa rya Patrick Karegeya, uwo mwicanyi aza kubyigamba amaze kumwica.
Mu byumweru bike bishize, mu nama zinyuranye, ibiganiro ku ma radiyo na televiziyo no mu busabane; abayobozi banyuranye bo muri ya kompanyi yigaruriwe bahamagariye kwica abaturage b’inzirakarengane – “Tuzabica bucece bucece”. Ingabo za Kagame (Kagame Defense Forces) zizasenyuka maze zijyane na Paul Kagame hasi igihe zimwe mu ngabo ze zumva akababaro k’abaturage kandi zigaha agaciro ikiremwa muntu zizahaguruka.
Yanditswe Rpf Gakwerere