Philippe Mpayimana candidat president yatangiye guhura nimikasiro soma inkuru kuburyo burambuyeMpayimana Philippe uherutse gutangaza ko ashaka kuzahatanira umwanya w’Umukuru w’Igihugu, yari yateguye ikiganiro n’abanyamakuru kugirango abamenyeshe imigabo n’imigambi ye.
Icyo kiganiro cyagombaga gutangira saa 11:00 z’igitondo kuri The Mirror Hotel i Remera, abanyamakuru benshi barimo n’abakorera ibitangazamakuru mpuzamahanga bari bahagereye igihe ariko we yahageze atinzeho iminota 15.
Yaje kuri moto, yinjira muri The Mirror Hotel afite igikapu mu ntoki hanyuma ahita ajya aho bakirira abakiriya (reception) avugana n’abakobwa bahakora. Icyo gihe abanyamakuru bari bategereje ku ruhande.
Yabazaga ubuyobozi bwa hotel ibijyanye n’icyumba yagombaga gukoresherezamo ikiganiro kuko yavugaga ko yishyuye ariko akaba atagihabwa.
Ubuyobozi bwa hotel bwamaranye nawe iminota isaga 10 kuri reception, nyuma bumusaba ko agenda akajya kuzana icyemezo cy’Akarere ka Gasabo kimwemerera gukora ikiganiro n’Abanyamakuru yakibona akagaruka.
Bakimara kumubwira ibyo, yahise asohoka, abwira abanyamakuru ko agaruka mu minota 30. Yongera atega moto aragenda!
