By Chris Kamo
Intore NTIGANYA, NTITAKA, NTIRIRA, NTIBABARA niyo bayica cyangwa bakayicira iraruca ikarumira! Dore ngizo INTORE Kagame na FPR bashaka mu Rwanda hose mu bana bacu biriwa bajyana muri za ngando bahoze bitirira NDUMUNYARWANDA Rucagu none zikaba zarahindutse iza NDUMUNYARWANDA Bamporiki.
Ubu se koko niyo waba uri INTORE bararangije koza mu bwonko, iyo ubonye iyi video yaka kana k’ agakobwa mbona katarengeje imyaka 20 wumva ntacyo bikubiwye? Njye ndibwira ko niyo bakoza neza mu bwonko bagahanagura hari akantu ka bu muntu kasigara kakagutera nibura kugirira IMPUHWE aka GATORE k’agakobwa barimo gukorera ibya mfura mbi.
Koko mwa NTORE mwe mwemere babagire ibisimba nako nari ngiye kuvuga ko ibisimba bitaganya, bidataka, bitarira, bitababara ariko nisubiyeho kuko nureba neza uzasanga inyamaswa nyinshi zifite icyo duhuriyeho uretse ko zimwe wenda nta MPUHWE zigira izindi zikaba nta MBABAZI zigira noneho hakaba n’izindi usanga zifite UBWENGE buke kurusha izindi. Njye ahubwo ntangiye kubona ko inyinshi mu ntore ndetse n’abazikuriye ari ibi bintu 3 usanga bahuriyeho n’inyamaswa, NTA MPUHWE, NTA MBABAZI n’ UBWENGE BUKE! Mushatse ariko mwasubiza ubwenge ku gihe mukagaruka mu nzira kuko amateka ntabwo azabarebera izuba. AKABURIWE N’IMPONGO!