Ibitekerezo bya Isidore Mbonigaba
Ingoma z’igisuti zikoresha ubuhanga mu guhindura abantu ibikange, ubwoba bugahererekanywa de génération en génération. Ni yo mpamvu bashyizeho gahunda nka Ndi Umunyarwanda ishyira ubwoba mu bo bita Abahutu ku buryo n’abuzukuru ngo bazajya basaba imbabazi Abatutsi!!!
FPR ishaka gutegeka nka kuriya ko muri Koreya y’amajyaruguru. Ubutegetsi bubanza guhahamura abantu bize n’abandi bakekwaho kugira influence ku baturage (abarimu, n’abacuruzi). Muri 1990 FPR yaje yibasira abarimu n’abacuruzi, ni na ko byagenze nyuma ya jenoside, abanyabwenge batahutse bakozwe iby’ifundi igira ibivuzo. Bicwaga babeshyerwa ko ari ibyitso by’abacengezi, cyangwa abanzi ba FPR. Ibyo rero bituma abaturage basigaye bahinduka ibishushungwe (crétinisation) ku buryo baba babona ijisho rya FPR ahantu hose (Cfr George Orwell’s Big Brother).
Icyo abantu batazi rero ni uko no mu bakoreshwa ubwo bugome haba harimo benshi batabushyigikiye ku buryo iyo hagize ikintu gituma abantu bavumbukira icyarimwe ari nk’ijana, abapolisi n’abasirikari benshi bajya ku ruhande rwa bo. Urugero warubona nko mu gihugu cya Rumaniya aho Nicola Ceausescu n’umugore we Elena birukanwe n’imyigaragambyo y’abantu bari baricishijwe inzara! Bagiye gufatwa perezida n’umugore we bafata kajugujugu, ariko kubera ko batari bazi kuyitwarira umupilote ni we wabatanze kajugujugu yayigushije mu kinani abaturage ubwabo baraza bafata mpiri umunyagisuti! Ceausescu yahise acirwa urubanza mu gihe cy’iminota 50 akatirwa igihano cyo kwicwa n’umugore we.
Murumva ko n’abacamanza be bari biteguye!!! Cyokora politiki za FPR zisa n’aho zitegurwa n’abacurabwenge bashaje nka ba Rutaremara bibwira ko imikorere yo muri za 80 ishobora kugenderwaho muri 2016, aho abenegihugu benshi bafite telephone bakagira internet!!!