Gira amahoro
Ntukangwe n’aka gakete nkurungikiye iyi saha. Nsanze ari ngombwa kukuburira inzira zikigendwa kabone nabonye nawe uri incabwenge. Inkotanyi zanteye ndi muri Amerika. Ababiligi barantererana bazitera umusada ndeba ntinya kubavuguruza.
Ntakiye abafaransa bamfasha igice ubundi bantegeka amashyaka menshi. Natekereje ineza ya bose nemera inzira y’imishyikirano. Nsinyira amahoro bose babona. Nakoze ikosa nemerera ingabo zandwanyaga kuza muri Kapitali i Kigali. Maganatandatu bayakuba gatanu mbibona ndaceceka.
Imbuzi nyinshi zamburiye ko hari umugambi wo kumpitana. Amatwi ndayafunga mwa! Uwo nitaga inshuti yanjye Museveni yanyumvishije ko ngomba kujya i Dar es Salaam ku itariki ya gatandatu. Ko arinjye bashaka nta wundi!
Nyarukira i Zaire kugisha inama mukuru wanjye Mobutu. Ambuza kujyayo ndamunanira mwa. Amatwi yanjye yari yajemo urupfu! Pilote wanjye angira inama ko byaba byiza gutaha bibaye kare. Ndamusuzugura.
Nyabangira ingata ngana Tanganyika! Mwinyi na Museveni batinza inama ku bushake bavuga ubusa sinasobanukirwa. Inama isozwa bitinze bati ntiwagenda udakoze ku bwanwa! Nti umushiru ngasiga inyama! Kandi iwanjye zari zihiye mwa!
Ku meza Mwinyi ararondogora ngo bukunde bugorobe. Museveni nkabona ampozaho ijisho. Bati byaba byiza utanze lifuti. Ubuntu bwanjye nti sinasiga Ntaryamira!
Bati ariko ba uretse gato ubanze usinye itangazo. Sinkamenye ko missiles ziri kugezwa i Masaka Ijoro riguye mfata ikirere ngana i Kigali.
Ngeze i Kanombe ndeba iwanjye umuriro uraka. Ibyakurikiye urabizi. None nawe bati ngwino. Bati nutaza uzaba ubona. Bati niwowe dushaka nta wundi.
Mussa na Museveni bati ngwino. Mwinyi arashaje ariko ariho. Abangambaniye ndababona bajya indi nama.
Harya 2015 byagenze bite? Kikwete iyo atahaba ntuba waransanze aha?
Ngaho wirirwe nziko wumva!
Juvénal
Yanditswe na Kay Mulamba