Hashwana abakundanye koko! Kubona Perezida Paul Kagame atigeze yoherereza Perezida Museveni ubutumwa bw’ishimwe! Ibi birerekana ko Paul Kagame yari inyuma ya Bobby Wine nkuko babivuga koko!
Perezida Magufuli na Evariste Ndayishimiye bahaye ubutumwa bw’ishimwe Museveni. Aba bombi Perezida Dr John Pombe Magufuli wa Tanzania na Evariste Ndayishimiye w’u Burundi banditse bishimira intsinzi ya Perezida Yoweri Museveni watangajwe nk’uwatsinze amatora muri Uganda.
Ubutuma bwa Dr John Magufuli yanyujije kuri Twitter ye avuga ko yishimiye ko Perezida Museveni yatangajwe na Komisiyo y’Amatora nk’uwatsinze.
Ati “Tanzania izakomeza ubucuti n’ubuvandimwe, no gusangira ibyiza ku baturage. Ndashimira Abanya-Uganda kuba mwasoje amatora akomeye, mukomeze amahoro n’urukundo.”
Perezida Evariste Ndayishimiye w’u Burundi na we yunze mu rya Perezida John Pombe Magufuli, avuga ko ashimimiye Perezida Museveni (Umubandimwe) kubo yongeye gutorwa.
Ati “Abanya-Uganda bakoze amahitamo akomeye azatumo ukomeza gutanga umusanzu ku muryango wa Africa y’Iburasirazuba, ari naho Uganda n’u Burundi bibarizwa.”
Komisiyo y’Amatora muri Uganda kuri uyu wa Gatandatu tariki 16 Mutarama 2021 yatangaje ko Yoweri Kaguta Museveni ari we watsinze amatora ya Perezida, yabaye muri Uganda ku wa Kane tariki 14 Mutarama 2021, agira amajwi 5,851,037, angana na 58.64%.
Robert Kyagulanyi (Bobi Wine) yaje ku mwanya wa kabiri n’amajwi 3,475,298, angana na 34.83%.