Amakuru Rugali yakuye ahantu hizewe nuko leta ya Kagame irimo gutoza abarundi harimo n’abana mu kigo cya gisirikari cya Nasho mu Bugesera. Aya mashusho mureba yaba barundi harimo n’abana barimo kwigishwa uko barasa ibifaru.
Turaburira abarundi bari mu gihugu kutiryamira ngo bibwire ko kuba baravuze ko baterwa na Kagame bihagije. Nkurunziza nab’abadede bashatse bakwitegura intambara izamara igihe kirekire kandi niba bataratangiye baratinze kandi umunsi batewe ntibazavuge ko tutababuriye.
Aya makuru twabonye nuko ubu Kagame arimo gushinga ibirindiro iyo za Minembwe noneho ibitero ku Burundi bikazava muri Congo hakoreshejwe amato n’inzira yo mw’ishyamba rya Nyungwe. Mu gihe iki gitero kizaba cyatangiye, abandi barimo gutorezwa i Nasho mu Bugesera bazinjira mu rwego rwo gutangiza intambara ahantu henshi hatandukanye.
Ni byiza ko Perezida Nkurunziza n’abandi bayobozi b’u Burundi bakomeje gushinja u Rwanda nako Kagame ko ariwe ukomeje kubagabaho ibitero ariko kuvuga gusa ntabwo aribyo bizatuma Kagame abireka kandi Kagame akoreshejwe n’ibihugu by’amahanga bikomeye azaruhuka aruko ageze k’umugambi mubisha afitiye abarundi n’igihgu cy’u Burundi.
Birashoboka ko Kagame yatera u Burundi akabufata nko mu kwezi kumwe kubera ko ashyigikiwe n’ibihugu bikomeye harimo na Amerika, ariko abarundi bagobye kwitegura intambara ya guerilla izamara igihe kirekire ndetse nabo bagahita bategura kujyana iyi ntambara mu Rwanda kuko Kagame ntiyumva amagambo ahubwo yumva ururimi rw’imbunda n’amasasu. Nawe ihere ijisho ibiri kubera Nasho:
