Intambara yo muri 1990 yari igamije kurimbura mbere nambere abahutu no kubambura ubutegetsi nkuko tutahwenye kubigaragaza no kubitangariza isi yose guhera mu mwaka wa 2007.
Abahutu bakoze ubwicanyi bakarimbura bagenzi bacu b’abatutsi bari mu gihugu kandi baremeye gusangira natwe akabisi n’agahiye baguye muri nteba y’umuvuno mubisha wari warateguwe n’abacurabwenge ba FPR inkotanyi. Nuko bagaragara ku isi yose nkaho aribo bateguye Jenoside nyarwanda bakayishyira no mu bikorwa.
Hakoreshejwe imbaraga zidasanzwe hakoreshwa umuryango w’abibumbye n’urukiko rudasanzwe rwashyiriweho guhamya abahutu icyaha n’icyasha kugira ngo ikinyoma cyimikwe ubuziraherezo uretse ko bibeshya kuko ukuri kudatsindwa .Nyamara mu by’ukuri abahuru baritabaraga muri legitime defense kuko uwari ubahagarariye afite ijambo rikomeye imbere ya FPR inkotanyi ariwe Perezida Habyarimana Yuvenali yari amaze kugambanirwa no kwicwa.
Uko kuri kwambaye ubusa ntawe ushaka ko kuvugwa kuko abafashije FPR inkotanyi mu gutegura uriya mugambi mutindi mu Rwanda no mu karere kose k’Afurika y’ibiyaga bigari bagifite ingufu zo kwica no gucecekesha buri wese wagaragaza ukuri ku byabaye kandi bigikomeza gukorwa muri kariya karere. Nyuma yaho Perezida Kagame avuze ko atazatinya kurasa abaturage ku manywa y’ihangu noneho yasubiye ku mukino we wa kera wo gukora ikinamico ry’udutero shuma dukozwe n’ingabo ze kugira ngo abone uko arimbura abaturage atifuza cyane cyane abahutu cg se abatutsi bagaragaje ko badashyigikiye ingoma ye.
Nimwibaze namwe mwisubize.Ngo mu karere ka Musanze hateye abantu batazwi bitwaje intwaro batangira kwica abaturage noneho ingabo z’igihugu ziratabara, zibakwiza imishwaro, abandi zibafata mpiri maze bemera ko boherejwe ngo n’umutwe wa RUD ari 45 ngo baje gufata igihugu bahawe n’Imana.None se uwaba umusazi we yatekereza ko igihugu nk’uRwanda rw’ubu rwa Kagame rwafatwa n’abantu 45 bitwaje imbunda zishaje 38 n’udufuni n’imihoro?Bene iki kinyoma kiranyagisha kandi gikoranye ubuswa butangaje.
None se ko hatabaye ingabo z’igihugu kuki atarizo zatangaje uko imirwano yagenze ahubwo bigatangazwa na police y’igihugu kandi ngo umwanzi yateye aturutse hanze??Kuki Police idatangaza amazina y’abaturage bapfuye ngo bene wabo babashyingure mu cyubahiro bakwiye.Kuki bahambwe hutihuti mu byobo rusange? Kuki abakomeretse batavuze ibitaro bagiye kuvurizwamo ngo inshuti n’abavandimwe babo bajye kubasura.
Kuki iyi nkuru yahariwe gusa ibinyamakuru na TV bikorera mu kwaha k’ubutegetsi??Ku bazi neza imikorere y’iriya ngoma y’abicanyi igisubizo ntikiruhije.Buriya muri kariya karere hari hatangiye kugaragaramo abagabo b’intwari bavuga rikijyana ariko batavuga rumwe na Kagame. Nibo rero batangiye baricwa n’imiryango yabo iracecekeshwa.Hashobora no kwiyongeraho n’abaturuka mu magereza na bamwe babavuga ngo bakiriwe irengero bakajya kwicirwa hirya no hino biriya bigakorwa hagamijwe kuyobya uburari gusa.
Hakwiye gukorwa iperereza ryimbitse kugirango dushire impungenge kuko iriya ngoma yubakiye ku kinyoma gusa ntawayizera.
Theobald Gakwaya
