Ese iyi miriro yaba iterwa n’ubuswa bw’abakozi ba EWSA? –> Kigali: Iduka rifite agaciro k’arenga miliyoni 300 ryibasiwe n’inkongi y’umuriro (Amafoto na Video)

Iyi nyubako yafashwe n’umuriro mu masaha ya saa kumi n’ebyiri z’igitondo cyo kuri uyu wa Gatanu, tariki 28 Mata, aho bivugwa ko ishobora kuba yatewe n’insinga z’amashanyarazi.

Iri duka ryafashwe n’inkongi mu gihe nyiraryo Mazimpaka Jonas amaze ibyumweru bibiri mu Bushinwa.

Abaturage batandukanye bakorera muri aka gace bavuga ko iri duka ryarimo ibikoresho byinshi by’ubwibatsi, inkongi yaryibasiye ishobora kuba yatewe n’amashanyarazi.

Iyi nkongi ikimara kuba, imodoka eshatu za Polisi zahise zihagera zitangira kuyizimya ariko biba iby’ubusa kuko nta bintu byabashije kurokorwa.

Umufasha wa nyir’iduka witwa Gumyusenge Libellé, we yabwiye IGIHE ko ibicuruzwa byibasiwe n’iyi nkongi bifite agaciro ka miliyoni zisaga 300 z’amafaranga y’u Rwanda

Yagize ati “Harimo ibikoresho hafi ya byose by’ubwubatsi bifite agaciro katari hasi ya miliyoni 300 z’amafaranga y’u Rwanda” . Yasoje avuga ko iduka ryabo ryari rifite ubwishingizi muri SORAS.

Abantu hafi aho bari basohotse mu nyubako bakoreramo barashungera

Iyi nkongi bivugwa ko yatewe n’amashanyarazi

Ryari iduka ricuruza ibikoresho by’ubwubatsi

Bivugwa ko ibyahiye byari bifite agaciro k’amafaranga y’u Rwanda asaga miliyoni 300

Iyi nkongi bivugwa ko yatewe n’insinga z’amashanyarazi

Mu yandi maduka, abantu bakuragamo ibikoresho basiganwa kugirango nabyo bidashya

Ishami rya Polisi rishinzwe kuzimya inkongi ryahageze, gusa ntibyari byoroshye guhangana n’uyu muriro

Bimwe mu bikoresho byahiye birakongoka