Urukiko rukuru rwa gisirikare mu Rwanda rwasubukuye urubanza Jenerali Frank Rusagara aburanamo n’ubushinjacyaha bw’u Rwanda ibyaha byo gukora ibikorwa bisebya leta ari umuyobozi.
Mu kwiregura kwe kw’itariki ya 20 y’ukwezi kwa mbere 2016, Jenerali Rusagara yabaye nk’uwumvikanisha ko bamwe mu batangabuhamya bamushinja bari bafitanye ubushuti budasanzwe n’abo mu mutwe wa M23.
Ubushinjacyaha bwahise bwikoma Jenerali Rusagara gushyira ku karubanda amabanga y’igihugu. Uregwa, ari we Jenerali Rusagara, n’umwunganira ariko bavuze ko kwiregura mu ruhame ntaho bihurira no kumena amabanga y’igihugu.
Umunyamakuru w’Ijwi ry’Amerika Eric Bagiruwubusa yakurikiranye iyi nkuru mu rukiko rwa gisilikare.
Inkuru ya Radiyo Ijwi ry’Amerika
