Abantu 20 baguye mu mirwano yahuje abarwanyi ba #Twirwaneho n’ingabo za leta ya #Congo ejo ku wa kabiri muri groupement ya #Bijombo Teritware ya Uvira iri mu burasirazuba bwa Repubulika ya demokarasi ya Kongo.
Mu itangazo umuvugizi w’igisirakare cya Kongo muri secteur opérationnel sokola 2, Major Dieudonné Kasereka yageneye itangazamakuru kuri uyu wa gatatu tariki ya 5/1/2022, yavuze ko igisirikare cya Kongo cyishe abarwanyi 18 ba Twirwaneho bayobowe na Colonel Makanika nacyo gitakaza abasirikare 2 abandi bane barakomereka. Ni mu mirwano yabereye hagati ya Kagogo na Bijombo. Inkuru ya Vedaste Ngabo akorera Ijwi ry’Amerika muri Kongo.
