Abaturage bo mu gace ka Beni mu burasirazuba bwa DR Congo baramukiye mu myigaragambyo bamagana ubutegetsi n’ingabo za ONU ziri muri aka gace ko badashoboye kubarinda ubwicanyi bari gukorerwa n’inyeshyamba za ADF.
Babanje gutwika ibiro bya komine ya Beni muri iki gitondo bakomereza ku biro by’ingabo za MONUSCO biri ahitwa Boikene muri Beni naho barahatwika nk’uko umunyamakuru wa BBC muri aka gace abivuga.
Umunyamakuru wa BBC Byobe Malenga avuga ko aba baturage basaba ko izi ngabo za MONUSCO ziva mu gihugu cyabo mu gihe kitarenze amasaha 42 kuko ntacyo zibamariye.
Abashika 12 baraye bishwe n’abitwaje ibirwanisho i Beni
Beni: Abaturage barenga 50 bishwe na ADF mu minsi 7 ishize
Ingabo za DR Congo zatangije ibitero ku mutwe wa ADF
Hari amakuru avuga ko abantu babiri bamaze kugwa muri iyi myigaragambyo, nta mibare y’ubutegetsi iratangazwa ku biri kubera Beni.
Abantu bagera kuri 75 bamaze kwicwa kuva tariki 05 z’uku kwezi mu gace ka Beni nk’uko bitangazwa n’umuryango utegamiye kuri leta Groupe d’Etude du Congo (GEC) na Human Right Watch hamwe.
Iyi mibare irimo imibiri y’abantu batandatu babonywe ejo ku cyumweru mu mujyi wa Beni bivugwa ko nabo bishwe na ADF, bikekwa ko ari nabo babaye imbarutso y’iyi myigaragambyo.
Tariki 30/10 ingabo za leta ya DR Congo zatangije imirwano yo kurandura umutwe wa ADF muri aka gace ka Beni, izi nyeshyamba mu kwihimura ziraye mu baturage zirabica.
Beni
François Grignon intumwa yungirije y’umunyamabanga mukuru wa ONU ishinzwe ibikorwa byo kurengera abantu avuga ko ‘ingabo za DR Congo zitigeze zishyira MONUSCO mu bikorwa byo kurwanya ADF”.
Bwana Grignon avuga ko ingabo za MONUSCO zifasha gusa mu gutabara aho bikenewe ariko zidafatanyije n’iza leta mu bikorwa byo kurwanya ADF kuko zitabitumiwemo.
Tambuka Twitter ubutumwa bwa @EPOlengha
Les manifestants à l’intérieur de la @MONUSCO pour dire qu’ils en ont plus qu’assez ! pic.twitter.com/7mTEvbl3cD
— Emery Pat. OLENGHA (@EPOlengha) 2019 Ugushyingo 25
Impera ya {socialnetworck} ubutumwa bwa @EPOlengha
Abigaragambya i Beni barashinja MONUSCO na leta ubufatanyacyaha mu bwicanyi bari gukorerwa n’inyeshyamba za ADF nk’uko byumvikana mu majwi yahanahanywe ku mbuga nkoranyambaga.
Ingabo za MONUSCO zimaze imyaka 15 zikorera mu burasirazuba bwa DR Congo, agace kavugwamo imitwe y’inyeshyamba inyuranye irwanya ubutegetsi muri aka karere, agace kandi gacukurwamo amabuye y’agaciro.
Mu gutwika ibiro bya MONUSCO habayeho n’ibikorwa by’ubusahuziUwufise ububasha kw’isanamuSOCIAL MEDIA
Image caption
Mu gutwika ibiro bya MONUSCO habayeho n’ibikorwa by’ubusahuzi
Ibindi bisa n’ibi