CHAN: Umuriro wabuze umukino urahagarara
| 21-01-2016 – Saa 20:12 Prudence Kwizera |
Ubwo ikipe ya Cameroun yahuraga na Ethiopia ziri mu itsinda B, mu mikino y’igikombe cy’Afurika cy’abakinnyi bakina imbere mu bihugu byabo, zikaba zikinira kuri sitade ya Huye, umuriro wabuze inshuro zigeze kuri eshatu, aho ku ya gatatu,wabuze iminota 11, umukino ugahagarara.
Hari mu gice cya mbere cy’uyu mukino ubwo umuriro waburaga i saa kumi n’ebyiri n’iminota 35, ugaruka saa kumi n’ebyiri n’iminota 46.
Nyuma y’aho umuriro ubuze umukino wahagaritswe, abayobozi ba CAF basa n’abagiye mu kanama ngo bemeze ikiri bukorwe, iminota 11 ishize umuriro uragaruka, umukino urasubukurwa.
Icyateye iri bura ry’umuriro rya hato na hato nticyamenyekanye, icyakora biravugwa ko moteri icanira sitade Huye yaba yahiye ubwo umuriro waburaga mu bihe bitandukanye.
http://mobile.igihe.com/imikino/football/article/chan-umuriro-wabuze-umukino-urahagarara#.VqFHZZxq33g.whatsapp
