RFI – Ku wa kabiri tariki ya 18 Gashyantare, Didier Mazenga, intumwa idasanzwe ya Perezida wa Kongo, Félix Tshisekedi, yasuye Tchad. Uruzinduko ruvuye mu nama y’umuryango w’ubumwe bw’Afurika n’ubutumwa bwa Perezida Tshisekedi: arasaba perezida wa Tchad ubufasha bw’ingabo, nk’uko amakuru yizewe abitangaza.
M23 ishyigikiwe n’u Rwanda ikomeje intambara muri Kivu yepfo, nyuma yo gufata intara nini mu burasirazuba bwa Congo, Goma na Bukavu.
Urusaku rw’amasasi rwumvikanye, kuri uyu wa gatatu mu gace ka Uvira iri mu burasirazuba bwa Repuburika ya demokrasi ya Congo. Ababa mu tara ya Uvira n’abategetsi baho bavuze ko habaye ubusahuzi n’ubwicanyi bw’abantu batari bake. Bavuga kandi ko imibiri y’abantu bishwe yari mu mihanda hose. Bamenyesheje kandi ko abasirikare ba leta bafashe ku ngufu ubwato kugira bahunge baciye mu kiyaga cya Tanganyika. Bongeye bavuga ko abagororwa bari bafungiye muri iyo ntara batorotse.
Abarwanya ubutegetsi bwa Congo bo mu mutwei wa M23 bateye bagana gace ka Sange kari hagati ya Kamanyola na Uvira nyuma y’uko bigaruriye agace ka Bukavu mu mpera z’icyumweru gishize. Bari bigaruriye akarere ka Kamanyola kuri uyu wa kabiri w’icyi cyumweru. Amakuru atangazwa avuga kandi ko abanyagihugu bo muri uvira bishwe n’ubwoba.
