VIDEO: Cobra washinze akabyiniro ka Cadillac yakijijwe abatizwa na Gitwaza muri Israel. Kuri uyu wa Gatatu tariki 29 Werurwe 2017, Apotre Paul Gitwaza yabatirije abantu benshi mu mugezi wa Yorodani (Jordan) uri mu gihugu cya Israel barimo na Cobra wari nyir’akabyiniro kamamaye cyane mu myaka yashize kazwi nka Cadillac, uyu muvugabutumwa uyobora insengero zose za Zion Temple akaba akomereje muri iki gihugu ibikorwa by’ivugabutumwa n’ibyo gusura ubutaka bwera buherereye muri iki gihugu cya Israel ahari ibirango by’amateka menshi avugwa muri Bibiliya.
REBA HANO VIDEO UKO BYARI BYIFASHE:
Gusa aka kabyiniro, tariki 17 Ugushyingo 2012, kafashwe n’inkongi y’umuriro karashya karakongoka burundu gahinduka umuyonga. Impamvu yateye iyo nkongi kugeza n’ubu ntiyigeze imenyekana ngo itangazwe.
Cobra ariko ubu yemeye kwihana akakira agakiza, ndetse akaba yarifuje ko yabatirizwa muri Israel nk’igihugu cy’isezerano benshi mu bakirisitu bafata nk’ubutaka bwera, maze akemera kwimika Yesu Kiristu mu mutima we.
Aha niho yabatirijwe, muri Yorodani mu gihugu cya Israel
Cobra Eugene ubwo yibizwaga inshuro zirindwi mu mazi
Hari abandi babatijwe hamwe na Cobra Eugene
Aha Cobra ari kumwe na Gitwaza batembera mu bice bitandukanye muri Israel
