Harya Kagame n’agatsiko k’abicanyi bazica kugeza ryari? Kwica kwica kwica kwica, abagabo abagore abasaza abana abasore none bageze no ku Bongereza! Umva bakwica cyangwa batakwica Violette Uwamahoro, Kagame na DMI ye barangije kwishyira hanze. Ubu n’ Abongereza batari bazi ingano y’ amaraso amaze kuzura intoki za Kagame bagiye kumenya ko hari umwicanyi ruharwa utwicariye muri Village Urugwiro.
Reka ejo hazakoreshwe ubuhanga bwa tekinologi maze abongereza babareke aho Violette yaburiye naho mwamujyanye maze murye iminwa! Ubugoryi bwanyu ubu mwibwiraga ko kubera GPS abongereza batazamenya aho mwashimutiye Violette? Ubu ndetse naho telefoni ya Violette iri mu kabati mu biro bya DMI barahazi. Ibyo Kagame na DMI birirwa babeshya abanyarwanda ngo bazi gutekinika reka bibasandarane mu maso yabo! Murabeshya sha ntabwo Violette Uwamahoro muzamwica ngo abure burundu nkuko mwabigenje kuri ba Maj. Ruzindana n’abandi.
Ikindi kandi niyo mwahimba byabihimbano byanyu mumuterereza gacaca aruko mu maze kubona ko ntakundi mwabigenza, muzaba mwiyambuye ubusa. Amahitamo mufite n’atatu gusa: 1) Kumurekura ntayandi mananiza 2) Kumuhimbira ibyaha 3) Kumwica. Njye mbagiriye inama y’ ubuntu nuko mwahitamo iya mbere wenda mu gatekinika ko umwe mu ba DMI banyu yari yanjyweye ku rumogi ko mutazi ibyamufashe ko kandi muzamuhana. Wenda abongereza bapfa kubyemera dore ko ibyo mubabeshye byose babimira bunguri!
Ariko muramutse mwishe Violette Uwamahoro cyangwa mukibeshya kumugongesha rwa rukuta rw’amategeko Kagame yakoresheje afunga Victoire Ingabire, muhite musezera kuri Muzehe wanyu. Ubu ari kumuteremuko ariko nareba nabi uyu mwana wiberaga i Leeds aratuma wa muteremuko awurangiza vuba byihuse. Ko ubugoryi bugwira hari utema igiti agatema n’ishami yicayeho. Genda Rwanda waragowe koko abafana ba Gikundiro Rayon Sports bariribye ukuri “Aho ntiwaba uzagenda wari RUVUMWA”!
Nicole Kanyana