Gusubira muri Barcelone kwa Neymar byanze, mu gihe uyu rutahizamu ukomoka muri Brazil w’imyaka 27 yemeye kuguma mu ikipe ya Paris Saint-Germain (PSG) ifite igikombe cy’ubushize cya shampiyona y’Ubufaransa. (Sun)
Kubera iyo mpamvu, Christian Eriksen, Umunya-Denmark w’imyaka 27 ukina hagati mu kibuga, na we ntacyerekeje muri PSG avuye muri Tottenham kuri miliyoni 72 z’amapawundi. (Football.London)
Ariko biracyashoboka ko Eriksen ava muri Tottenham, mu gihe Juventus iri kwitegura ko ku munota wa nyuma ashobora kuyerekezamo, no mu gihe kandi uyu mukinnyi wo hagati acyizeye ko yakwerekeza muri Espanye. (Express)
- Abayobozi ba PSG na Barcelone bahuye baganira kuri Neymar
- Ronaldo na Messi babaye abagenzi Van Dijk abakubise hasi
- Twitter itegura kubonana na Man U kw’ityozwa rya Pogba
Paul Pogba avuga ko azagerageza kwanga ibyo Manchester United ishaka byo gutuma ashyira umukono ku yindi kontaro yo gukinira iyi kipe, kugira ngo bimufashe kwerekeza muri Real Madrid. (Mirror)
Uwufise ububasha kw’isanamuGETTY IMAGESAriko Umutoza Ole Gunnar Solskjaer wa Manchester United yavuze ko Pogba, Umufaransa w’imyaka 27 ukina hagati muri iyi kipe, azaguma muri iyi kipe nubwo Real Madrid ivuga ko imwifuza. (Express)
Uwufise ububasha kw’isanamuGETTY IMAGESBayern Munich iracyashaka kugura Leroy Sane ikumukuye muri Manchester City – nubwo uyu Mudage ukina ku ruhande w’imyaka 23 byitezwe ko amara igihe adakina kubera imvune. (Mirror)
Manchester United iri gushaka kugurisha mu kwezi kwa mbere umunyezamu wayo David de Gea w’imyaka 28 ukomoka muri Espanye, mu gihe abakozi bashakira iyi kipe abakinnyi bari gushakisha mu Burayi uwo kumusimbura. (Sun)
Rangers na Roma zasabye kuba zifashe ku nguzanyo Phil Foden w’imyaka 19, umukinnyi wo hagati wa Manchester City n’uw’ikipe y’igihugu y’Ubwongereza y’abari munsi y’imyaka 21. (Mirror)
Uwufise ububasha kw’isanamuGETTY IMAGESBruno Fernandes, umukinnyi wo hagati ukomoka muri Portugali w’imyaka 24, yemeye kwerekeza muri Tottenham avuye muri Sporting Lisbon, ariko ikipe ye yabiburijemo. (GQ Portugal via Mirror)
Alexis Sanchez, rutahizamu w’imyaka 30 ukomoka muri Chili, yerekeje muri Inter Milan ku nguzanyo mu gihe cy’umwaka umwe, nyuma yaho umutoza Ole Gunnar wa Manchester United amubwiriye ko azajya akina gusa mu mikino y’ibikombe bindi n’iya Europa League muri Manchester United. (Sun)
Rutahizamu wa West Ham n’uwa Mexico, Javier Hernandez w’imyaka 31, yatanze ubusabe bwo kugurishwa nyuma yaho amasezerano ye yo kwerekeza muri Sevilla ari hafi kugerwaho. (Mail)
Steven Gerrard, umutoza wa Rangers, yaretse ibyo kugura umukinnyi ukina ku ruhande Ryan Kent w’imyaka 22, amukuye mu ikipe yahoze na we akinamo ya Liverpool. (Express)
Uwufise ububasha kw’isanamuREUTERSBorussia Dortmund ni iyo kipe igezweho mu zishaka kugura Bobby Duncan, rutahizamu wa Liverpool w’imyaka 18, mu gihe iyo kipe yo mu Budage igaragaza gushaka kugura abandi bakinnyi bakomoka mu Bwongereza bo gukinana na Jadon Sancho. (90min)
Mauro Icardi, rutahizamu wa Inter Milan w’imyaka 26, ari gukangisha ko ashobora kurega iyi kipe yo muri shampiyona y’icyiciro cya mbere Serie A mu Butaliyani, mu gihe uyu Munya-Argentine atishimiye gukurwa mu bakinnyi bagize ikipe ibanza mu kibuga. (ESPN)
Uwufise ububasha kw’isanamuGETTY IMAGESPaulo Dybala, rutahizamu w’Argentine n’uwa Juventus w’imyaka 25, ntabwo akivuye muri iyi kipe mbere yuko igura n’igurishwa ry’abakinnyi i Burayi rirangira ejo ku wa mbere, nkuko bivugwa n’umuyobozi w’iyi kipe. (Goal)
Umunyezamu ukomoka muri Espanye Sergio Rico w’imyaka 25, ashobora kuba ari mu nzira yerekeza muri PSG avuye muri Sevilla nk’uwo kujya asimburana n’umunyezamu Alphonse Areola ubanza mu kibuga. (Le Parisien)
Uwufise ububasha kw’isanamuGETTY IMAGESAriko Umufaransa Areola w’imyaka 26, ashobora kuba ari mu nzira ava muri PSG mu masezerano y’igurana ry’abakinnyi na Real Madrid, akabisikana na Keylor Navas, umunyezamu w’ikipe y’igihugu ya Costa Rica na Real Madrid w’imyaka 32. (AS)
Luis Boa Morte, umutoza wungirije wa Everton, agiye kujya agenera igihe cy’inyongera mu myitozo umukinnyi Bernard ukina ku ruhande kijyanye no gutsinda ibitego. (Liverpool Echo)
